The Rare Ones

Kabanata 5

╔══ஓ๑♡๑ஓ══╗
Kabanata 05.
His deep blue
eyes
╚══ஓ๑♡๑ஓ══╝

Luna's Point of View

Si Sally na mismo ang nag-drive sa kotse na sinasakyan namin ngayon. Kahit na mainit ang panahon ay minabuti ko na lamang sundin ang utos ni Sally sa 'kin. Para lang din naman 'to sa kapakanan ko.

Habang nasa byahe ay hindi ko maiwasang mamangha sa pagbabago ng mundo. Kung bibilangin ko ay nasa 100 na taon na ang lumipas simula noong mamatay ako.

Hindi ko man alam kung paano at kung bakit basta't ang alam ko ay muli akong nabuhay sa katawan na 'to.  Siguro'y namatay na rin ang totoong Luna the moment na nasa hospital siya and then my soul transmigrated here in her body.

Don't worry Luna. Your body is in good hands. Pagbabayarin ko ang mga nanakit at umapi sa 'yo kapalit ng pagbibigay mo ng bagong buhay sa 'kin.

“We're here,” said Sally.

Kaagad na akong bumaba sa kotse at hindi ko na hinintay pang pagbuksan niya ako ng pinto. Malawak ang lugar na pagbibilhan namin ng mga gamit. Marami ring tao sa paligid na siyang ikinasabik ko.

Gusto kong maglibot sa buong lugar na 'to. Gusto kong malaman ang pagbabago ng mundo sa loob ng dalawang daang taong nakalipas. Gusto kong malaman kung paano nagkaroon ng kapangyarihan ang mga tao.

“Sumunod lang po kayo sa likod ko Miss Abi para po hindi kayo maligaw. Tsaka heto,” may binigay siyang cellphone sa 'kin.

“Kung sakali man na magkahiwalay tayo ay tawagan niyo po ako gamit ang cellphone na 'yan. Kung may gusto naman po kayong bilhin ay sabihin niyo lang po sa 'kin.” Paliwanag niya pa.

Hindi na lang ako sumagot kasi malinaw na sa'kin ang lahat ng sinabi niya. She's always ready in any situation. She calculated everything so well.

Maglilibot lang naman ako saglit tapos ay babalik ako dito. Hindi naman siguro 'yun masama 'di ba? Tsaka may cellphone naman e.

Magiging pasaway muna ako ngayon Sally. Pagpasensyahan mo na. Gusto ko lang malaman ang mundong ginagalawan ko ngayon. Dahil nakasunod lang ako kay Sally ay hindi niya napansin na lumihis na ako ng liko. Nandito na ako ngayon sa street.

Maraming tao at mga bata na naghahabulan. Ipinasok ko muna ang cellphone sa bulsa ko at ng makapaglibot ako ng maayos. Masaya akong naglilibot. May iilan akong nakikita na gumagamit ng kapangyarihan. Kadalasan na nakikita ko ay mga pulis.

May mga bata na naghahabulan at naglalaro sa paligid, nagtatawanan. Meron din namang nag-aaway gamit ang mga kapangyarihan nila. Lubha akong namangha sa aking nasaksihan. Ganitong mundo na pala ang ginagalawan ko ngayon. Napa-isip tuloy ako kung may mga Yakuza at Mafia pa ba sa panahon ngayon.

Buhay pa kaya ang organisasyon namin ngayon?

Marami akong gustong malaman ngunit bantay sarado pa ako ngayon ng bago kong pamilya kung kaya't iisa-isahin ko muna ito kapag hindi na ako bantay sarado pa.

Sa paglalakad ko ay bigla akong nakabunggo ng tao. Natumba pa ako nang dahil doon. Nakita ko sa may unahan na may nagkukumpulang tao.

Na-curious ako kung kaya't nilapitan ko ang mga nagkukumpulang tao habang may nakasalubong naman akong nagtatakbuhan na animoy takot na takot sa kanilang nasaksihan. Pinagpagan ko ang sarili ko habang naglalakad papunta doon. Nang makalapit ay gano'n na lamang ang pagkakabigla ko nang may kung anong lubid ang pumulupot sa paanan ko at hinila ako nito papa-itaas.