The Rare Ones

Kabanata 34

Kabanata 34. Girlfriend?

Luna's Point of View

Nabuksan ko na ang maliit na notebook ng great grandmother ko. Nalaman ko kung anong laman nito at ito ay patungkol sa lahat ng pagsubok niya bilang miyembro ng Ixtal Mafia Organization.

She became a scientist to herself. Hindi ko alam kung anong pinapahiwatig niya dito sa isinulat niya. May isinulat siya dito na hindi ko masyadong naintindihan.

‘Find it and take care of it. Do not give it to anyone. Destroy that thing and no one else will be victimized. You are my only hope, my granddaughter.’

Nalito tuloy ako kung anong 'thing' na naman ang tinutukoy niya dito. Hindi ko alam kung iyon bang ibinigay sa'kin ng babae na hinahanap din ng lahat o kaya naman may iba pa siyang tinutukoy.

Naisipan kong magpunta sa main mansion para magtanong kay lolo patungkol sa nakasulat sa maliit na notebook na ito. Tanging si lolo lang ang nakakaalam na nagkapalit kami ng katawan ni Gianna noon.

Hindi pa rin ako sure kung mayroon pa bang ibang nakakaalam kasi pagbukas ko sa maliit na notebook ay may isa pang mas maliit na notebook na nasa loob doon na naka-lock din. Mas maliit ang susi na kailangan nito kaya hindi ko ito nabuksan kanina.

Nasa main gate na ako ng paaralan at nag-aabang ng masasakyan.

“Gianna…”

Napalingon ako sa tumawag sa'kin. Nang makita ko kung sino ito ay kusang nag-iba ang ekspresyon ng aking mukha.

Lumapit siya sa'kin, “P'wede ba kitang maka-usap? Kahit saglit lang?” nakapmulsa pa niyang tanong sa'kin.

Tinaasan ko naman siya ng kilay. “Anong gusto mong pag-usapan natin? 'Yong biglaan mong paghalik sa'kin? Kung 'yon lang naman ay wag na. Nagsasayang lang ako ng oras sa'yo.”

“No, I-I have another thing to talk to you. If you'll spare me a—”

“Hey, where have you been?”

Bigla namang sumulpot si Zyriex sa kung saan kaya hindi naituloy ni Damonn 'yung sinasabi niya. Masama ko namang tiningnan ang kakarating lang na si Zyriex.

'Ba naman 'to! Kung kailan ako busy tsaka naman eeksena ang dalawang 'to.

Bigla naman akong hinawakan ni Zyriex sa pulsuhan ko at hinila niya ako.

“We need to talk,” malamig ang boses niya na ramdam mo ang pagkaseryoso nito.

Nakaisang hakbang pa nga lang ako ay may humila na naman sa kabilang pulsuhan ko.

“Let her go,” malamig rin na wika ni Damonn.

Masama namang nagkatinginan ang dalawa habang hawak pa rin nila ang kamay ko. Pinag-aagawan ba ako ng dalawang matatangkad na lalaki na 'to? Jusko, dagdag lang sila sa sakit ng ulo.

“No. You, let her go.” monotone na wika ni Zyriex tsaka hinila niya ako papalapit sa kaniya.

“No, sa'kin siya sasama.”

Marahas naman akong hinila ni Damonn kaya nabitawan na ako ni Zyriex. Putrag*s naman 'tong mga lalaki na 'to. Hindi ko alam kung anong pinag-aawayan nila. P'wede naman nila ako kausapin ng sabay.

“Ano ba! P'wede niyo naman ako kausapin ng sabay a! Ba't pinag-aagawan niyo pa ako.” Singhal ko sa kanila.

“Kaano-ano ka ba niya, ah?” seryoso na tanong ni Damonn kay Zyriex at mababatid sa tono niya ang inis.