The Rare Ones

Kabanata 16

╔══ஓ๑♡๑ஓ══╗
  Kabanata 16.
Suspect
╚══ஓ๑♡๑ஓ══╝

Luna's Point of View 

Bumalik na ako sa paaralan pagsapit ng umaga. Hinatid ako ng chauffeur namin na si manong Dan. Medyo may edad na siya na sa wari ko ay magkasing edad lamang sila ni Dad. Wala kasi si Sally e, may inutos daw kasi si kuya sa kaniya na hindi niya kayang tanggihan.

“Young Lady Luna,” tawag ni manong Dan sa akin.

“Yes po,” magalang kong sagot.

May inilahad siya sa 'kin na gift bag. Kumunot ang noo ko sa aking nakita.

“Pinabibigay ng mommy ninyo. Sabi niya ay iyan daw po ang gamitin ninyo para madadala niyo na po kung saan-saan ang cellphone po ninyo.” 

So cellphone ang laman nito. Ba't nag abala pa si Mom. Kinuha ko na lang ito at nagpasalamat bago lumabas sa kotse.

Tahimik pa ang paaralan sapagkat linggo pa ngayon kung kaya't wala masyadong estudyante. Pero may makikita ka namang iilan at karamihan sa mga ito ay nag-eensayo.

Sa paglalakad ko patungo sa dorm ay naagaw ang atensyon ko sa nagkukumpulang estudyante sa may flat screen Tv na malaki. 

Nakita ko na may nakapaskil doon na sa tingin ko ay rank ng mga estudyante na nandito sa paaralan na 'to. Lumapit ako doon para tingnan kung nasali na ba ako kahit alam ko naman talaga na walang tiyansa dahil sa kakayahan ko ngayon. 

Hinanap ko ang pangalan ko at nakita ko ito sa may dulo ng listahan. Pang 999 ako, hindi ko alam kong paano ako nasali e wala naman akong kakayahan. Siguro'y dahil sumikat ako sa unang pasok ko pa lang dito.

But then naagaw din ang atensyon ko sa pangalan na nasa itaas ng pangalan ko.

“Shamil Jones,” mahinang usal ko.

This is that nerd na tumapon ng coke sa damit ni Lyka. 

Hinanap ko ang pangalan nila Olivia, Elleanor at Ellesse. Si Olivia ay 511, Si Elleanor ay 101 si Ellesse naman ay 102. Napangiti ako sa posisyon ng tatlo. Baguhan pa lang kami pero nasali na kaagad kami sa ranks. 

Siguro nag-aapoy na sa inis ngayon si Lyka. Gusto pa naman akong patayin no'n.

“Who's this f*cking Damonn? Pinalitan niya kaagad ang pwesto ko?” 

Naagaw ang atensyon ko sa lalakeng nagreklamo. Sinipat ko ang numero na kanyang tiningnan sa may flat screen. Umawang ang labi ko sa aking nakita. 

Damonn Kenji Mackenzie ranked 35
Matt Callum ranked 36

Dahil sa interesado ako ay inalam ko din kung anong rank si Lyka at 'yung Darcey na kasama niya. 

Ngumisi ako nang makitang hindi sila ang number 1. Lyka is in rank 6, in rank 7 naman ay nakapangalan na Atlas Jagor while in rank 8 ay si Darcey Hill. 

Umalis na ako doon. Naisipan kong maglibot sa buong campus kasi may mga area pa talaga akong hindi napuntahan. Gusto ko rin na matingnan kung anong itsura ng mga lugar na pinupuntahan ko gabi-gabi.

Tumungo ako sa may likod ng building dito sa boys dorm building. Tahimik lang ang lugar at may makikita kang malaking kahoy sa gitna. 

Nagtungo ako doon para umakyat sana sa puno nang mabigla ako sa nagsalita. Nasa baba na ako ng malaking puno nang marinig ko ang boses nito.

“Who are you?” 

Inangat ko ang tingin ko sa itaas ng puno. Doon ko nakita ang lalaki na bumugbog kay Zyriex. As far as I can remember, his name is Atlas. Bigla na lang siyang tumalon pababa kaya nasa harapan ko na siya ngayon.