The Rare Ones

Kabanata 42

╔══ஓ๑♡๑ஓ══╗
  Kabanata 42.
Opening anniversary
program
╚══ஓ๑♡๑ஓ══╝

Third Person's Point of View

Kasalukuyang naglalagay ng light makeup si Luna sa kaniyang mukha dito sa loob ng kwarto niya. Nang may kumatok sa pintuan ng kwarto niya. Napalingon siya doon.

“Bakit?”

Mabilis niyang iniligpit ang gamit niya at kaagad na isinuot ang kaniyang salamin.

“Tara na! Magsisimula na ang opening remarks, Gianna! Hindi ka pa ba tapos?” Anas ni Elleanor sa labas ng kaniyang kwarto.

“Eto na! Palabas na,”

Nang makalabas ay saglit siyang namangha sa suot ni Elleanor. Napangiti naman ito sa kaniya na para bang inaasahan na nito ang magiging reaksyon niya.

“Ganda noh!” Sabi ni Elleanor at umikot pa para makita ni Luna ng buo ang suot nito. Nakasuot ito ng floral dress at mukhang may pupuntahan na date.

“Ano ba 'yang suot mo? Napaka-pormal mo naman manamit.” Ani pa ni Elleanor sa kaniya nang makita ang suot nito.

Naka uniporme kasi siya kasi akala niya ay hindi pwedeng magsuot ng kahit na ano hanggat hindi pinahihintulutan.

Lumabas naman si Ellesse at Olivia sa kanilang kwarto. Katulad din ni Elleanor ay naka dress din ang dalawa. Si Ellesse ay matching sila ng kakambal niya habang si Olivia naman ay nakasuot ng black long sleeve off shoulder dress na hanggang tuhod niya lang ang haba. 

Saglit na umawang ang labi ni Luna sa itsura ng tatlo. Mamaya pang gabi ang masquerade ngunit mukhang mascara na lang ang kulang sa tatlo at ready to go na sila sa masquerade party.

Napakamot naman si Luna sa kaniyang leeg.

“Nahiya naman ako sa inyo. Wait lang at magbibihis ako.”

Nagmadali siyang pumasok sa loob at kaagad na naghanap ng dress sa wardrobe niya. Ang tatlo naman ay humalakhak sa naging reaksyon ni Luna.

“The good student award goes to…” ani Olivia.

“Gianna Abigail!” Sigaw ng dalawang magkakambal at itinaas pa ang kamao sa ere.

Muli ay humalakhak ang tatlo. Napairap na lang si Luna sa loob habang nagbibihis sa dress na napili niya no'ng marinig niya ang pag-uusap ng tatlo. Minsan talaga ay trip siyang inisin ng tatlo. Alam kasi nila na mabilis lang siyang mainis kaya gano'n na lamang ang mga ito sa kaniya.

Nang matapos ay lumabas na siya.

The three were in awe. Naninibago sila sa suot ni Luna. Hindi pa kasi nila ito nakitang nagsuot ng maikli. No'ng birthday kasi ni Olivia ay long fitted dress ang sinuot nito na hanggang paa talaga niya kaya naninibago sila ngayon. Ang uniporme naman nila ay lagpas hanggang tuhod ang haba nito. Kung sa dorm naman sila ay hindi nila ito nakikitang nag-sho-short man lang. Palagi kasi itong nagsusuot ng pajamas.

“Why? Is it bad? Hindi ba bagay sa'kin?”

Mabilis na umiling ang tatlo sa tanong ni Luna. 

“Hindi… bagay na bagay nga e.” Papuri ni Elleanor.

“Maganda sana kung wala ang eyeglasses tsaka nakalugay ang buhok.” Panunukso naman ni Olivia.

“Bagay na bagay,” komento naman ni Ellesse.

Napangiti naman si Luna sa sinabi ng tatlo sa kaniya. Sanay naman siyang magsuot ng ganito noon pero mukhang naninibago siya ngayon. Ito lang kasi ang dress na nakita niyang babagay sa gagawin nila ngayong araw na 'to. Tapos mamaya naman ay mag-aasikaso na naman sila para sa masquerade. Nakakapagod iyon para sa kaniya.