أسيرة الشيطان الجزء الأول + الجزء الثاني+ الثالث

الخامس عشر الجزء الثالث

للقلب سلطان آخر
الجزء الثالث
       من
أسيرة الشيطان
الفصل الخامس عشر
الجزء الثالث
¤¤¤¤¤¤¤
بناء على رغبة القراء هنحط في بداية كل فصل كل عيلة بولادها عشان الناس اللي لسه بتتلغبط
جاسر ورؤي أبطال الأجزاء اللي فاتت عندهم 6 أولاد رعد وجوري أول تؤام
يوسف ومريم تاني تؤام
سليم وياسين آخر تؤام
-----------------
نرمين أخت جاسر اللي جاسر كان بينتقم من صبري وبنته شاهندا عشانها
نرمين وياسر جوزها عندهم 2
( جاسر الكبير 29 سنة دكتور نفسي
اريج في 2 كلية طب )
ياسر كان ليه بنت من مراته اللي ماتت قبل ما يتجوز نرمين اسمها سما جوزها اسمه مصطفى
______________
عاصم أخو رؤي خال العيال اللي كان بيحب تهاني واتجوز حلم في الجزء التاني عنده ولدين
حسين الكبير مهندس ، مراد الصغير في ثانوية عامة ساقط سنة
_____________
رؤى كان ليها جيران أخ وأخت ساكنين سوا اللي هما عمرو وايمان
ايمان اتجوزت علي صاحب جاسر وعندها شريف الكبير ظابط شرطة ، وليان الصغيرة المدلوقة على الجاموسة جواد
_________
أما عمرو فاتجوز روان بنت صاحب الشركة اللي كان شغال فيها وخلف ولد وبنت
جواد جاموسة متنقلة مهندس ديكور
ومرام دلوعة ماما 22 سنة في كلية إعلام ومخطوبة لشريف ابن عمتها
________
فاضل طرب وملاك ، ومليكة وتوحة وكل الناس دي هنعرف اصلهم وفصلهم فيما بعد
لما تتلغبط اطلع بص هنا وكمل الفصل عادي
نبدأ الفصل ❤
____________
تجمدت الدماء تتوقف عن السريان بين خلاياها ، شحب وجهها كالموتى حين رأت تلك السيدة أمامها ، ملاك لا تعرفها وإن قالت ملاك أنها لا تعرفها فقد تدمر كل شئ ، لفت بعينيها سريعا تبحث عن كلام فلم تجدها سمعت صوت جاسر يغمغم ساخرا :
- اتفضل النسب اللي يشرف عندنا ، حماتك هنا
ابتلعت طرب لعابها خائفة تنظر لتلك السيدة مذعورة في حين انفعل رعد يصدح بصوته غاضبا :
- أنتِ عايزة ايه يا ست أنتِ ، أنا مش رميتلك الفلوس اللي أنتِ عيزاها

فتحت تلك السيدة حقيبة يدها تخرج الشيك منها اقتربت من رعد تغمغم ساخرة :
- خد الشيك بتاعك أهو أنا ما صرفتوش واتصل اتأكد من البنك ، بصراحة أنا حسبتها لقيتها خسرانة البت دي كانت بتجيبلي كتير أوي ، زي البير ما بيخلصش إنما فلوسك في الأول وفي الآخر هتخلص ، واديك انبسطت معاها يومين رجعهالي بقى
نظر لطرب ليرى عينيها جاحظة وجهها شاحب مما قالت تلك السيدة ، ليبتسم هو ابتسامة بسيطة هادئة يغمغم :
- تمام وعلى قولك اديني انبسطت يومين ، هاتي الشيك وخديها
شهقت طرب مذعورة تترك يدها من يده لتسارع تلك السيدة التي تؤدي دور زوجة والدها بإعطاء الشيك لرعد أخذ رعد الشيك منها يمزقها إلى فتات صغيرة ، يغمغم مبتسما:
- تصدقي أنا ابن حلال وفلوسي حلال ، أنا كنت مستخسر فيكِ ، شوفي سبحان الله رجعتلي
خدي بعضك واطلعي برة ورجلك ما تعتبش المكان دا تاني خالص
توسعت حدقتي السيدة في حدة لتصرخ فيه بعلو صوتها:
-أنت اتجننت يا جدع أنت ،أنا هاخدها وامشي يلا يا بت قدامي بلا قرف
قبل أن ينطق بحرف آخر ظهرت رؤى اقتربت من تلك السيدة لترفع يدها تصفعها بعنف على وجهها تغمغم بنبرة حادة :
- أنتِ ما سمعتيش هو قالك ايه ، جاية تاخدي البنت عشان تشغليها رقاصة عشان أنتي مش مكفيكي ال 2 مليون جنية ، اديكي خسرتي ال2 مليون وهتطلعي برة دلوقتي حالا ولو شوفتك بتحاولي تقربي من بيتي أو من ابني ومراته تاني هقطعلك رجليكي الاتنين ، مع السلامة
أحمر وجه تلك السيدة غضبا ، تنظر لطرب ترميها بنظرة قاتلة لتصرخ فيها :
- صدقيني هتدفعوا التمن كلكوا
وحملت نفسها ترحل غاضبة عن المكان تصفع الباب خلفها تحركت عدة خطوات أخرجت هاتفها تطلب رقمه انتظرت إلى أن أجاب لتغمغم سريعا :
-ايوة يا عدي باشا أنا روحتلهم وعملت اللي قولتي عليه واديت الخدامة كيس البودرة في الخباثة زي ما قولتلي اي أوامر تانية؟ إحنا خدامينك يا باشا