أسيرة الشيطان الجزء الأول + الجزء الثاني+ الثالث

الفصل السادس

للقلب سلطان آخر
الجزء الثالث
       من
أسيرة الشيطان
الفصل السادس
¤¤¤¤¤¤¤
بناء على رغبة القراء هنحط في بداية كل فصل كل عيلة بولادها عشان الناس اللي لسه بتتلغبط
جاسر ورؤي أبطال الأجزاء اللي فاتت عندهم 6 أولاد رعد وجوري أول تؤام
يوسف ومريم تاني تؤام
سليم وياسين آخر تؤام
-----------------
نرمين أخت جاسر اللي جاسر كان بينتقم من صبري وبنته شاهندا عشانها
نرمين وياسر جوزها عندهم 2
( جاسر الكبير 29 سنة دكتور نفسي
اريج في 2 كلية طب )
ياسر كان ليه بنت من مراته اللي ماتت قبل ما يتجوز نرمين اسمها سما جوزها اسمه مصطفى
______________
عاصم أخو رؤي خال العيال اللي كان بيحب تهاني واتجوز حلم في الجزء التاني عنده ولدين
حسين الكبير مهندس ، مراد الصغير في ثانوية عامة ساقط سنة
_____________
رؤى كان ليها جيران أخ وأخت ساكنين سوا اللي هما عمرو وايمان
ايمان اتجوزت علي صاحب جاسر وعندها شريف الكبير ظابط شرطة ، وليان الصغيرة المدلوقة على الجاموسة جواد
_________
أما عمرو فاتجوز روان بنت صاحب الشركة اللي كان شغال فيها وخلف ولد وبنت
جواد جاموسة متنقلة مهندس ديكور
ومرام دلوعة ماما 22 سنة في كلية إعلام ومخطوبة لشريف ابن عمتها
________
فاضل طرب وملاك ، ومليكة وتوحة وكل الناس دي هنعرف اصلهم وفصلهم فيما بعد
لما تتلغبط اطلع بص هنا وكمل الفصل عادي
نبدأ الفصل ❤
______________
صباحا في منزل جاسر مهران، تحديدا في غرفة رعد
استيقظ رعد منذ أن أشرقت الشمس رافضا النهوض من فراشه ، فقط يعقد ذراعيه خلف رأسه ينظر للفراغ شاردا يتذكر لقائهم بالأمس ، لا يعرف كيف تعلق بتلك الفتاة بتلك السرعة ولكن ربنا لأنها الأولى في حياته ، يجرب معها كل شئ لأول مرة ويالها من لذة خاصة ، تلك المشاعر الغريبة التي لم يجربها قبلا تنهد بعمق يبتسم دون أن يعرف لما حتى يفعل ذلك ، ربما لأنها تذكرها وهي تأكل المثلجات وبدت كطفلة في الخامسة من عمرها ، أجفل فجاءة من خياله الحالم على صوت دقات على باب غرفته ليعتدل في جلسته ، حمحم يسمح للطارق بالدخول ، فدخلت والدته .. ابتسمت ما أن رأته مستيقظا لتقترب منه تجلس أمامه على الفراش تغمغم مبتسمة :
-صباح الفل يا حبيبي
مد يده يلتقط كف يدها يقبله ومن ثم جبينها يتمتم مبتسما :
-احلى صباح على عيونك يا احلى رورو في الدنيا
ضحكت رؤى بخفة تصدمه على ذراعه ، تضائلت ابتسامتها قليلا ، مدت يدها إلى وجهه تبسط يمناها على وجنته تغمغم مترفقة :
- كدة يا رعد ، تسيب شركتك وتروح تشتغل عند الغريب ، هي الشركة دي مش مصيرها في الآخر بعد عمر طويل بعد الشر طبعا تكون بتاعتك أنت وأخواتك ، أنت الكبير يا حبيبي سند اخواتك ما ينفعش أنت اللي تبعد
رفع يده يزيح يد والدته برفق عن وجهه ، نزل من الفراش .... وقف في الإتجاه الآخر يردف :
-معلش يا أمي ، كفاية عليا أوي لحد كدة

علا ثغره بما يشبه ابتسامة ساخرة بها حزن عميق يردف يتهكم من نفسه :
-كفاية عليا إهانات يا أمي ، أنا تعبت أوي ، صدقيني أنتِ السبب الوحيد اللي أنا قاعد عشانه هنا ، لولاكي والله ما كنت دخلت البيت دا تاني
توسعت حدقتي رؤى مذعورة لتنتفض من مكانها ، تحركت إليه سريعا تجذبه لأحضانها تشدد على عناقها وكأنه سيهرب منها :
-ويرضيك تحرق قلبي أنا وأبوك وأخواتك ، اوعى يا رعد تعمل كدة ، أنت ما شوفتش حال جاسر كان عامل إزاي لما كان فاكر أنك عملت حادثة يوم ما سيبت الشركة ومشيت والله العظيم يا إبني كان هيموت من الخوف عليك ، جاسر بيحبك أوي يا رعد هو بس ....