ဟောဝူလင်း
နာမည်ကိုမြင်မြင်လိုက်ချင်းမှာပဲကျိနင်းရဲ့လက်တွေတုန်ရီလာတယ်။ သူ့နှလုံးသားထဲကကြောက်ရွံ့မှုကိုမထိန်းချုပ်နိုင်တာကြောင့်အပူလောင်သွားသလိုမျိုးသတင်းစာကိုလွှင့်ပစ်လိုက်တယ်။
ဒါဟာသရုပ်ဆောင်နေတာမဟုတ်ဘဲစစ်မှန်တဲ့တုံ့ပြန်မှုပါ။ဒီဖြစ်ရပ်ကရုပ်ရှင်အဖွဲ့သားတွေဖန်တီးထားတဲ့သုံးဖက်မြင်ပုံရိပ်တွေမဟုတ်ဘဲတစ်စုံတစ်ခုလာနေပြီဖြစ်ကြောင်းသတိပေးချက်ဆိုတာသိနေတယ်။အဲ့ဒီ့ဟောဝူလင်းလာနေပြီ။
သူကကျိနင်းရဲ့အရင်ပစ်မှတ်တွေထဲကတစ်ယောက်ဖြစ်ပြီးအရမ်းနာမည်ကြီးတဲ့ 'God Killing' ဝတ္ထုထဲကအဓိကဇာတ်လိုက်ဖြစ်တယ်။အဲ့ဒီ့ကမ္ဘာမှာကျိနင်းကဟောဝူလင်းပျိုးထောင်ထားတဲ့သရဲအဖြစ်သုံးနှစ်တောင်ဖြတ်သန်းခဲ့ရတယ်။
ရလဒ်အနေနဲ့ကျိနင်းကဟောဝူလင်းရဲ့အကျင့်စရိုက်နဲ့အရမ်းရင်းနှီးနေပါတယ်။ဟောဝူလင်းရဲ့ချစ်ခင်နှစ်သက်ဖွယ်မျက်နှာလေးရဲ့အောက်မှာရက်စက်ကြမ်းတမ်းမှုတွေကိုဖုံးကွယ်ထားတယ်ဆိုတာသူသိနှင့်ပြီးဖြစ်တယ်။ဟောဝူလင်းကသစ္စာဖောက်တာတွေကိုဘယ်လောက်မုန်းတယ်ဆိုတာလည်းသူသိပြီးသားပါ။
ဒါပေမဲ့ကျိနင်းကဟောဝူလင်းကိုသစ္စာဖောက်ရင်းပဲအဲ့ကမ္ဘာမှာသေသွားတယ်။အကယ်၍သူသာဟောဝူလင်းလက်ထဲရောက်သွားရင်သူ့ကိုစောင့်နေမှာကသေခြင်းထက်ဆိုးတဲ့အဆုံးသတ်ပဲ။
ဒီအတွေးတွေကချက်ချင်းပဲခေါင်းထဲဝင်လာတယ်။ကျိနင်းကစိတ်ပိုင်းဆိုင်ရာအရမပြင်ဆင်ထားတဲ့အတွက်လွတ်မြောက်နိုင်မဲ့နည်းလမ်းကိုမစဉ်းစားနိုင်ဘူးဖြစ်နေတယ်။အခုရောက်နေတဲ့ဝတ္ထုကအန္တရာယ်နည်းတဲ့အနုပညာလုပ်ငန်းမှာအခြေခံထားတာဖြစ်တဲ့အတွက်သူအရင်ကရှိခဲ့တဲ့အစွမ်းတွေကလည်းပိတ်ဆို့ခံထားရတယ်။အဲ့ဒါကြောင့်ဟောဝူလင်းကိုပြန်ပြီးမတိုက်ခိုက်နိုင်တဲ့အပြင်ထွက်ပြေးဖို့ဆိုတာကလည်းဝေးကွာလွန်းတဲ့မျှော်လင့်ချက်သေးသေးလေးထက်မပိုပါဘူး။
ဒါပေမဲ့ဟောဝူလင်းကသူ့ကိုဘယ်လိုရှာတွေ့သွားတာလဲ။Lord Godကဟောဝူလင်းကို horror world တွေတော်တော်များများကိုသွားနိုင်တဲ့အစွမ်းပေးထားပေမဲ့ 'God Killing' နဲ့ 'Interstellar သရုပ်ဆောင်ပြန်လည်မွေးဖွားခြင်း' ဝတ္ထုနှစ်ခုကဘာမှမဆိုင်တာကြောင့်သက်သက်စီခွဲထားရမှာလေ။
YOU ARE READING
ကမ္ဘာဆယ်ခုကိုဖြတ်သန်းပြီးတဲ့နောက်ငါထွက်မပြေးနိုင်တော့ဘူး
FantasyThis is not my work. This is a fan translation. All credit to original author and English translator.
