ချီရုဝမ်အငယ်လေးက ကျိနင်းကို ဘာကြောင့် သူ့အပေါ်ကောင်းတာလဲ မေးတဲ့အချိန်မှာ ကျိနင်း တကယ့်အကြောင်းပြချက်ကို မရှင်းပြနိုင်ခဲ့ပေ။ချီရုဝမ်က အနာဂတ်မှာ ဧကရာဇ်ဖြစ်လာမှာကြောင့်သာဟု ဟန်ဆောင်ခဲ့သည်။
အဲ့ဒါကအမှန်မဟုတ်ပါ။ ချီရုဝမ်အပေါ် အပြစ်ရှိစိတ်ခံစားရတာကြောင့် သူ့အနားခေါ်ထားချင်တာ ဖြစ်သည်။အရေးကြီးတာက သူ့မစ်ရှင်ပြီးဖို့ ချီရုဝမ်သူ့ကို ချစ်မိလာဖို့လိုသည်။
သူတို့ဟာ သန့်စင်ပြီးချိုသာတဲ့ချစ်ခြင်းကို ဘယ်တော့မှမရနိုင်ပေ။ ကျိနင်းအလုပ်အကျွေးပြုတဲ့ နတ်ဘုရားတွေကြောင့် သူ့အမေသေသွားခဲ့ရသည်။သူ့ရဲ့ ဧကရာဇ်၊ ဝူရှန်းပြည်နဲ့ နတ်ဘုရားတွေအပေါ် အမုန်းကမပျောက်ကွယ်သွားပေ။ ကျိနင်းကိုချစ်ခဲ့ရင်တောင် အမုန်းတရားလေးတွေ ဆက်နွယ်နေဦးမှာဖြစ်သည်။
ကျိနင်း ချီရုဝမ်ရဲ့အမုန်းတွေကို မပျောက်သွားစေချင်ပါ။ ထိုအမုန်းကြောင့်ပဲ ချီရုဝမ်က အိမ်ရှေ့မင်းသားကို အဆိပ်ခတ်ကာဧကရာဇ်ကို ဆောင်းရာသီအမဲလိုက်ပွဲမှာ ပစ်ခတ်သတ်ဖြတ်ခဲ့တာဖြစ်သည်။ သူ့ကိုမထောက်ခံတဲ့အမတ်တွေနဲ့ ဆွေမျိုးတွေကိုအကျဥ်းချကာ တရားရုံးနဲ့ဆန့်ကျင်သူတွေကို နတ်ဘုရားကိုသုံးကာ ခြိမ်းခြောက်ခဲ့သည်။ ပြီးနောက်မှာတော့ ဧကရာဇ်အဖြစ်နန်းတက်ခဲ့သည်။
ရက်စက်သည်ဖြစ်စေ ဥာဏ်ကောင်းသည်ဖြစ်စေ ချီရုဝမ်ကရှပြည်ထောင်စုရဲ့ နောက်တက်မည့် ဧကရာဇ်ဖြစ်လာလိမ့်မည်။ကျိနင်းက သူ့ရဲ့လမ်းမှာ ပိတ်နေမှာမဟုတ်ပေ။
ချီရုဝမ်ရဲ့ရည်ရွယ်ချက်ကို ငြိမ်းသတ်ပစ်မဲ့ ဂရုစိုက်တာတွေ ချစ်ခြင်းမေတ္တာတွေကို ခွင့်ပြုပေးမှာမဟုတ်ပေ။ ချီရုဝမ်ကသူ့ကိုမုန်းလဲမုန်းရမည်။ ချစ်လည်းချစ်ရမည်။
—----------------------------------------------------------------------------------------------------------------------------
ကျိနင်းနိုးလာပြီး မျက်လုံးတွေကို ဖွင့်လိုက်သည်။ ပထမဆုံးမြင်လိုက်ရတာက ချီရုဝမ်ရဲ့ ဖြူဖျော့ဖျော့မျက်နှာဖြစ်သည်။
ထိုမျက်လုံးတွေက ထိုစဥ်ကငယ်ရွယ်ပြီး ကျက်သရေရှိသည့်ကောင်လေးနဲ့ ဆင်တူသည်။ သို့သော် ပိုပြီးရင့်ကျက်ကာကြမ်းတမ်းသည်။ ထို့အတူအေးစက်ကာ လစ်ဟာနေသည်။
YOU ARE READING
ကမ္ဘာဆယ်ခုကိုဖြတ်သန်းပြီးတဲ့နောက်ငါထွက်မပြေးနိုင်တော့ဘူး
FantasyThis is not my work. This is a fan translation. All credit to original author and English translator.
