ဟယ်ရီနော့စ်ကိုဖက်ခွင့်ပေးလိုက်တာကသူတို့နှစ်ယောက်ကြားကရင်းနှီးမှုကိုပြလိုက်တာပါ။ဒီကမ္ဘာရဲ့ကျိနင်းစရိုက်အရတခြားသူသာဆိုရင်အေးစက်စက်မျက်နှာနဲ့လက်ကိုဆွဲဖယ်လိုက်မှာပါ။ဒါပေမဲ့အခုချိန်မှာတော့ဟယ်ရီနော့စ်လုပ်ပေးထားတဲ့မှတ်ဉာဏ်အတိုင်းလိုက်လုပ်ဖို့လိုတယ်။မှတ်ဉာဏ်တုအတိုင်းဆိုသူက 'ရင်းနှီးတဲ့သူငယ်ချင်း' ကိုအဲ့လိုလုပ်မှာမဟုတ်ဘူး။
ကျိနင်းကအကူအညီမဲ့နေတဲ့မျက်နှာထားနဲ့ပုခုံးပေါ်ကဟယ်ရီနော့စ်လက်ကိုတွန်းလိုက်ရင်း "တခြားတစ်ယောက်ကြည့်နေတယ်လေ"
"စီနီယာ ဒီအမျိုးသားကဘယ်သူလဲ"
ကုချန်ကဟယ်ရီနော့စ်ကိုပြုံးပြီးနှုတ်ဆက်လိုက်တယ်။ကုချန်ကအရည်အချင်းရှိတဲ့သရုပ်ဆောင်တစ်ယောက်ဖြစ်ပြီးမျက်နှာအမူအယာတွေကိုထိန်းချုပ်တဲ့နေရာမှာသိပ်တော်တာကြောင့်သူ့အမူအရာကနေသူဘယ်လိုခံစားနေရမှန်းမပြောနိုင်ဘူး။
"ကျိနင်းသူငယ်ချင်းပါ"
ဟယ်ရီနော့စ်ကပေါ့ပေါ့ပါးပါးအမူအရာနဲ့လက်ဖယ်လိုက်ပြီးကုချန်ကိုလှမ်းကြည့်တယ်။ဒါပေမဲ့တိုက်ရိုက်တော့မပြောဘူး။အဲ့ဒီ့အစားကျိနင်းဘက်ကိုခေါင်းလှည့်လိုက်ပြီးအပြုံးလေးနဲ့ "ရှောင်နင်းသူကဘယ်သူလဲ"
"အတူအလုပ်လုပ်နေတဲ့သရုပ်ဆောင်ကုချန်ပါ ဆေးကူထည့်ပေးဖို့လာတာ"
ကုချန်ကိုကာကွယ်ဖို့အတွက်ကျိနင်းကဒဏ်ရာရထားတဲ့လက်မောင်းကိုဘယ်လိုဖြစ်ခဲ့တယ်မပြောဘဲမြှောက်ပြလိုက်တယ်။ ကုချန်ကိုတော့ဝါကျတစ်ကြောင်းနဲ့ပဲရှင်းပြလိုက်တယ်။ "ဒါကဟယ်ရီနော့စ်"
"ဟယ်လို မစ္စတာဟယ်ရီနော့စ်" ကုချန်ကရှက်မသွားဘဲအမှန်တိုင်းပြောလိုက်တယ် "စီနီယာပြောထားလားတော့မသိပေမဲ့ အဲ့ဒီ့ဒဏ်ရာကကျွန်တော့်ကိုကယ်ဖို့လုပ်ရင်းဖြစ်သွားတာပါ။ဒါကြောင့်စီနီယာဆေးထည့်တာကိုကူဖို့ကကျွန်တော့တာဝန်ဖြစ်သင့်တယ်"
"အဲ့ဒီ့တော့မင်းကြောင့်ပေါ့?"
ကုချန်ရဲ့စကားကိုကြားလိုက်တဲ့အချိန်မှာဟယ်ရီနော့စ်အပြုံးတွေကနည်းနည်းဖျော့သွားပြီးမျက်လုံးတွေကလေးနက်သွားတယ်။ သူကအေးစက်စက်နဲ့မေးလိုက်တယ်။ "ဆေးထည့်ပေးတာကတောင်းပန်ဖို့လုံလောက်တယ်လို့ထင်နေတာလား"
YOU ARE READING
ကမ္ဘာဆယ်ခုကိုဖြတ်သန်းပြီးတဲ့နောက်ငါထွက်မပြေးနိုင်တော့ဘူး
FantasyThis is not my work. This is a fan translation. All credit to original author and English translator.