ငလျင်ကြောင့်ဖြစ်သွားတဲ့အပျက်အစီးတွေကြောင့်စက္ကန့်ပိုင်းအတွင်းမှာပဲစံအိမ်ကြီးကမမှတ်မိနိုင်လောက်အောင်ဖြစ်သွားတယ်။ဒါပေမဲ့ငလျင်ကမြန်မြန်ဖြစ်ပြီးမြန်မြန်ပြီးသွားတယ်။သရုပ်ဆောင်တော်တော်များများတံခါးအပြင်ဘက်ကိုရောက်သွားပြီးချိန်မှာငလျင်ကရပ်သွားတယ်။
"Huh , huh...."
လူအချို့ကထိတ်လန့်နေတုန်းပဲ။တံခါးအပြင်ဘက်ကိုဖရိုဖရဲထွက်လာပြီးအသက်ပြင်းပြင်းရှူနေကြတယ်။အဲ့ဒီ့အချိန်မှလူနှစ်ယောက်ပျောက်နေတာကိုသတိထားမိသွားတယ်။ကျိနင်းနဲ့ကုချန်မထွက်လာသေးဘူး။
သူတို့ဘာဖြစ်သွားကြတာလဲ။
လူအချို့ကတံခါးထဲကိုစိတ်လှုပ်ရှားစွာနဲ့ကြည့်လိုက်ချိန်မှာကုချန်ကသွေးတွေစွန်းနေတဲ့ကျိနင်းကိုခေါ်ထုတ်လာတာတွေ့လိုက်ရတယ်။တစ်ယောက်ကအံ့ဩသွားပြီးထစ်ထစ်ငေါ့ငေါ့နဲ့ "စီနီယာ....မင်း..မင်း"
"စီနီယာကကျွန်တော့်ကိုကယ်ဖို့လုပ်ရင်းမီးဆိုင်းနဲ့ခိုက်မိသွားတယ်"
ကုချန်ကနှုတ်ခမ်းကိုစေ့လိုက်ပြီးသူ့ရဲ့ချောမောတဲ့မျက်နှာကတိမ်မည်းတွေနဲ့ဖုံးအုပ်နေတယ်။သူ့ကိုယ်သူအပြစ်တင်ရင်းနဲ့ပဲမျက်လုံးတွေကိုငုံ့လိုက်ပြီးကျိနင်းကိုေတာင်းပန်လိုက်တယ်။ "တောင်းပန်ပါတယ် ပြဿနာတွေဖြစ်စေမိပြီ"
"ရှမိရုံလေးပါ ငါသေတော့မဲ့အတိုင်းကြည့်နေစရာမလိုပါဘူး"
ကျိနင်းကသွေးထွက်ေနတဲ့လက်မောင်းကိုတင်းတင်းကိုင်ထားတယ်။မျက်နှာအမူအယာကပြောင်းလဲမှုမရှိဘဲအသံကလည်းတည်ငြိမ်နေတယ်။အမှန်တော့နာလွန်းလို့ငိုချင်နေတာပါ။ကာရိုက်တာကိုချိုးဖောက်မိမှာစိုးလို့သွားတွေကိုကြိတ်ပြီးတောင့်ခံနေဖို့ပဲတတ်နိုင်တယ်။
ကာရိုက်တာကိုထိန်းသိမ်းတာနဲ့မစ်ရှင်အောင်မြင်တာရဲ့ကြားမှာဆက်နွယ်မှုရှိတယ်။ကာရိုက်တာကိုချိုးဖောက်မိရင်မစ်ရှင်ရှုံးနိမ့်သွားလိမ့်မယ်။ကျိနင်းအဲ့လိုအဖြစ်မခံနိုင်ဘူး။
ပုံမှန်အားဖြင့်သူ့ရဲ့မစ်ရှင်ကြောင့်မူရင်းဝတ္ထုထဲမှာမပါတဲ့အရာတွေကိုလုပ်ရတတ်တယ်။ဥပမာဆိုရင် 'interstellarသရုပ်ဆောင်ပြန်လည်မွေးဖွားခြင်း'မူရင်းဝတ္ထုထဲမှာကုချန်ကိုဘယ်တုန်းကမှမကယ်ခဲ့ပါဘူး။ဒါပေမဲ့အဲ့ဒါကထိန်းချုပ်နိုင်တဲ့အပြောင်းအလဲလေးဖြစ်တယ်။မကြာခင်မှာသူ့ရဲ့လုပ်ရပ်တွေကိုကျိုးကြောင်းဆီလျော်အောင်လုပ်မယ်။ပြီးရင်ရလာတဲ့ရလဒ်ကသူ့ကိုအကျိုးပြုလိမ့်မယ်။
YOU ARE READING
ကမ္ဘာဆယ်ခုကိုဖြတ်သန်းပြီးတဲ့နောက်ငါထွက်မပြေးနိုင်တော့ဘူး
FantasyThis is not my work. This is a fan translation. All credit to original author and English translator.
