ရင်ချွမ်းချုံရဲ့လက်မောင်းထဲကိုဘယ်လိုခုန်ဝင်မိသွားတာလဲ...
ငွေရောင်ဆံနွယ်တွေနဲ့လူရဲ့မျက်လုံးတွေနဲ့ဆုံသွားချိန်မှာကျိနင်းစိတ်လှုပ်ရှားသွားသည်။ရင်ချွမ်းချုံရဲ့စရိုက်ကနက်မှောင်ပြီးမခန့်မှန်းနိုင်သောချောက်နက်ကြီးလိုပါပဲ။သူ့အနားကပ်လာသည့်သူများ၏ဝိဥာဥ်ထဲထိထွင်းဖောက်မြင်နိုင်သကဲ့သို့သူ၏မျက်လုံးများကဖယောင်းတိုင်မီးလိုတောက်ပနေကြရာတဖက်လူအားကြောက်လန့်စေသည်။
ရင်ချွမ်းချုံသည်လက်မောင်းထဲကကျိနင်းကိုမျက်တောင်မခတ်ဘဲကြည့်နေသည်။သူ၏ဗလာအမူအရာကတော့မပြောင်းလဲသွားပေ။
သူကျိနင်းကိုများမှတ်မိသွားနိုင်လား...
ကျိနင်း၏အမြီးဖျားလေးတုန်ရင်သွားပြီးသူ့ခေါင်းလေးကိုအမြီးထဲမြှပ်ထားလိုက်မိသည်။ရင်ချွမ်းချုံသူ့ကိုမှတ်မိသွားမှာစိုးလို့မျက်နှာကိုဖွက်ထားလိုက်မိပေမဲ့သူ့ပုံစံကတိရစ္ဆာန်သေးသေးလေးကလူကိုကြောက်နေသည့်ပုံပေါ်နေသည်။
ရင်ချွမ်းချုံသူ့ကိုမှတ်မိသွားစရာအကြောင်းတော့မရှိပါဘူး။ရွမ်းဟွမ်ဝတ္ထုထဲကဒီကမ္ဘာက'Devil Saint' ထဲမှာပါဝင်ပြီးသေပြီးနောက်ပြန်လည်ရှင်သန်အောင်လုပ်မရဘူးလို့သိထားကြသည်။
ကျင့်ကြံမှုအဆင့်မြင့်လေသက်တမ်းပိုရှည်လေဖြစ်သည်။အမြင့်ဆုံးအဆင့်၌အမတနတ်ဘုရားများနီးနီးဖြစ်နိုင်ပြီးသူတို့၏တည်ရှိမှုကိုဆက်ရန်ပစ္စည်းများလည်းမျိုးစုံရှိသည်။သို့သော်တစ်ခါသေဆုံးပြီးလျှင်သူတို့၏ဝိဥာဥ်ကဤကမ္ဘာမှအပြီးတိုင်ပျောက်ကွယ်သွားမည်ဖြစ်သည်။ပြန်လည်ဝင်စားခြင်း၊ပြန်လည်ရှင်သန်ခြင်းများကမဖြစ်နိုင်ပေ။
ထို့ကြောင့်ဤကမ္ဘာမှကျင့်ကြံသူများကသေဆုံးပြီးနောက်ပြန်လည်ရှင်သန်ခြင်းကိုဂရုမထားဘဲသက်တမ်းရှည်ကြာစေသောကျင့်စဥ်ကိုသာရူးသွပ်စွာကျင့်ကြံကြသည်။မူရင်းဝတ္ထုထဲ၌ရင်ချွမ်းချုံ၏ဆရာအသတ်ခံလိုက်ရသောကြောင့်သူသည်နတ်ဆိုးလမ်းစဥ်ထဲကျရောက်ခဲ့ရသည်။နှစ်များစွာကြာပြီးနောက်သူ၏ဆရာသေဆုံးမှုအတွက်တာဝန်ရှိသောမိသားစု၁၂စုအားသတ်ဖြတ်ခဲ့သည်။သို့သော်ကလဲ့စားချေရန်သတ်ဖြတ်ခဲ့ပြီးနောက်သူ့ဆရာ၏ဝိဥာဥ်ကိုပြန်လည်ရှင်သန်လာစေရန်မကြိုးစားခဲ့ပေ။စဥ်းစားကြည့်လျှင်မူရင်းဝတ္ထုထဲ၌ရင်ချွမ်းချုံဟာလည်းပြန်လည်ရှင်သန်ခြင်းကိုမယုံကြည်ခဲ့ပေ။
YOU ARE READING
ကမ္ဘာဆယ်ခုကိုဖြတ်သန်းပြီးတဲ့နောက်ငါထွက်မပြေးနိုင်တော့ဘူး
FantasyThis is not my work. This is a fan translation. All credit to original author and English translator.
