အပင်အောက်ရောက်သည်နှင်ဆွဲကိုင်လာတဲ့လက်လေးကိုလွှတ်ပေးလိုက်ကာသူဘယ်ကနေဘယ်လိုစပြောရမှန်းမသိအောင်အာစေးမိလာသည်။သို့ပေမယ့်မပြောလို့လည်းမဖြစ်.မဟုရင်ဒီကောင်လေးကသိမှာမဟုတ်ချေ။
"မျိုးဇင်ဦး...."
"ဟင်"
"အကယ်၍လေငါကမဖြစ်နိုင်တဲ့အရာတစ်ခုကိုလိုချင်နေမိရင်ရော....ဘယ်လိုလုပ်ရပါ့မလဲ"
မျိုးဇင်ဦး ဖြိုးပြည့် ကိုကြည့်ရတာမွေးနေ့လက်ဆောင်ကိုပြောမယ့်ပုံမဟုတ်အခြားတစ်ခုခုကိုသာရည်ညွှန်းပြီးပြောနေသလိုခံစားရသည်။ဘာလည်းဒီကောင်ကဒီအထိခေါ်ထုတ်လာပြီးတော့သူ့ကြိတ်ကြိုက်နေတဲ့ကောင်မလေးအကြောင်းပြောမို့လား....ဒါပေမယ့်သူ့ကြိတ်ကြိုက်နေတဲ့ကောင်မလေးရှိတယ်လို့မကြားဘူးပါဘူး....သို့ပေမယ့်ဒီကောင်ကအဲ့လိုဘက်ကိုရည်ညွှန်းနေသလိုဖြစ်နေသောကြောင့်။
"မင်းလိုချင်တဲ့အရာကိုတကယ်တန်ဖိုးထားပါရဲ့လားပြီးတော့အဲ့ဒီအရာကကောမင်းဆီလာချင်ပါ့မလား၊မင်းပြောသလိုမဖြစ်နိုင်တဲ့အရာဆိုရင်သေချာပေါက်မဖြစ်နိုင်လို့ပေါ့အချို့အရာတွေကမျှော်လင့်တိုင်းလည်းမကောင်းဘူးကွ"
ဖြိုးပြည့် မှာပြောစရာစကားပင်ပျောက်ရှသွားရသည်။ဒါပေမယ့်သူကြိုးစားကြည့်ချင်သေးသည်။
"ငါကြိုးစားကြည့်ရင်ကော...ဟင်..မျိုးဇင်ဦး ငါကြိုးစားကြည့်ရင်ကော"
တကယ်ပင်ကောင်မလေးကိစ္စပဲ...ဘယ်ချိန်ထဲကလျှိုထားတာလဲမသိဘူး.......သူ့ကြည့်ရတာတဖက်သတ်ထင်သည်သူမေးတာကိုလည်းပြန်ဖြေပေးရမည့်ဝတ္တရားကလည်းရှိသေးတာကြောင့်သိချင်စိတ်ကိုမြိုချပြီးပြန်ဖြေလိုက်ရပြန်တယ်။
"မင်းနောင်တမရမှာသေချာရဲ့လား....ဒါတွေပဲမေးမှာဆိုငါမုန့်သွားစားတော့မယ်"
ထွက်သွားဖို့ပြင်နေသောပုံရိပ်လေးကိုအမိအရလက်ကလေးကိုဖမ်းဆုပ်လိုက်ပြီးရှိသမျှသတ္တိတွေအကုန်လိုက်စုလိုက်မိသည်။မုန်းချင်လည်းမုန်းပါစေလေ။
"ငါ....ငါလေ..ငါမင်းကိုသဘောကျတယ်"
နွေခေါင်ခေါင်ကြီးခေါင်းတည့်တည့်ကိုမိုးကြိုးပစ်ချလိုက်သလိုပင်။သူနဲ့ဖြိုးပြည့်ကအဲ့လိုဖြစ်လို့မရဘူးလေသူတို့ကသူငယ်ချင်းတွေ၊ပြီးတော့လိင်တူတွေဖြစ်ကြသည်။သူလိင်တူတွေချစ်မြတ်နိုးတာသိပေမယ့်သူကိုယ်သူတော့လက်သင့်မခံနိုင်ပေ။
![](https://img.wattpad.com/cover/354679275-288-k967560.jpg)
CZYTASZ
ဆည်းလည်းသံလေးချိုလှတယ် (Complete)
Akcjaအထက်တန်းကျောင်းသားဘဝကအချစ်များကစစ်မှန်ခဲ့သလိုအချို့အချစ်ဦးတွေကလည်းနာကျင်စေခဲ့တယ်