"မ"
"မျိုးဇင်ဦး "
"ဟို ကျွန်တော် မ ဆီကအဖြေတောင်းထားတာလေးလေ စဥ်းစားပြီးပြီလားဟင်"
သူ အမမေသစ္စာနွယ်ဆီကအဖြေတောင်းထားတာဒီနေ့ကောဆိုသုံးလပြည့်ပြီ။အရမ်းကိုတန်ဖိုးထားလွန်းလို့သူမဆီကအဖြေကိုစိတ်ရှည်လက်ရှည်အခုချိန်ထိစောင့်ခဲ့ချေ။သူမဆီကရမယ့်အဖြေကိုသိပေမယ့်သူမကိုယ်တိုင်ပြောလာမယ့်စကားလေးကိုသာကြားချင်သည်။သူ့အချစ်တွေကစစ်မှန်ခဲ့တာမို့ရလာမည့် result ကလည်းကောင်းမည်။
"တို့လည်းမင်းကိုသဘောကျပါတယ်"
"ဗျာ...ဟုတ် "
သူမလည်းသဘောကျရတာမို့ဒီကောင်လေးကိုအဖြေပြန်ပေးလိုက်သည်။ဒီကောင်လေးကိုချစ်လိုက်လို့သူမနစ်နာသွားမှာတစ်ခုမှမရှိ၊အလတ်တန်းလူတန်းစားဖြစ်ပြီမျိုးရိုးနှစ်ဖက်လုံးကပါပညာတတ်မျိုးရိုးတွေပင်။ပြုံးချိုချိုလေးတွေနဲ့ချစ်စရာကောင်းအောင်ပြောတတ်သောဒီကောင်လေးကြောင့်လည်းသဘောကျရသည်။ပြီးတော့ဖြိုးပြည့်နဲ့လည်းပြိုင်ထားကာဒီပွဲမှာသူမအနိုင်ရလေသည်။
"မောင်"
"ဗျာ.....ဗျာ"
"တို့ကမင်းနဲ့ချစ်သူတွေဖြစ်သွားပြီးဆိုတော့အသက်ငယ်တဲ့မင်းကိုမောင်လို့ခေါ်မယ်ရတယ်မလား"
"ဟုတ်....ဟုတ် ရတယ်ပါတယ်"
သူမဆီကခေါ်လာတဲ့နာမ်စားလေးကြောင့်မျိုးဇင်ဦးမှာပို၍ပင်အသည်းယားသွားရပြန်သည်။သူ့ရဲ့မကအရမ်းကိုချစ်ဖို့ကောင်းသလိုသိပ်လည်းမြန်မာဆန်လေချေ။အမြဲကျစ်ဆံမြီးလေးနှစ်ဖက်ကျစ်ထားပြီဖဲကြိုးအစိမ်းတပ်ကာပါးကွက်ကြားလေးအမြဲလိမ်းသောသူမကိုမြတ်နိုးရပါသည်။
ကလောင်! ကလောင်!
"ဟုတ် ပြီမောင် တို့သွားရတော့မယ်ကျောင်းတက်ခေါင်းလောင်းတီးလာပြီ မောင်လည်းဝယ်စရာရှိတာဝယ်ပြီးပြန်တော့နော်"
"ဟုတ်ကဲ့ပါဗျ"
အားလပ်ချိန်ဆင်းမျိုးဇင်ဦးတို့မုန့်စျေးတန်းသို့သွားကာဆိုင်ထိုင်မုန့်စားနေကြတုန်းမုန့်လာဝယ်တဲ့သူမကိုတွေ့သည်မို့ဆိုင်ကထကာသူမဆီသွားပြီးအဖြေသွားတောင်းရသည်။ရလာသည့်အဖြေကအရမ်းကိုရင်ခုန်ဖို့ကောင်းတာဖြစ်ချေ။ကျောင်းတက်ခေါင်းလောင်းတီးလာ၍ပြန်သွားပြီဖြစ်သောသူမရဲ့ကျောပြင်ကိုငေးကြည့်ရင်းဆိုင်ထိုင်နေတဲ့ဟိုကောင်တွေဆီသွားပြီးပြန်ဖို့ပြောရမည်။မကပြန်တော့မို့ပြောလိုက်သည်မလား။
YOU ARE READING
ဆည်းလည်းသံလေးချိုလှတယ် (Complete)
Actionအထက်တန်းကျောင်းသားဘဝကအချစ်များကစစ်မှန်ခဲ့သလိုအချို့အချစ်ဦးတွေကလည်းနာကျင်စေခဲ့တယ်
