حبيتة شرقاوي💜🧸

3

ـ روايـــة # حبيته شرقاوي💜🧸
ـ الحلقه الثالثه💜🧸
ـ منقول

جي يوم مرواح خوها ،
وهي في المطبخ اطيب في مكرونة بشاميل و تغني ،
نجوى تحط في الصالصة : اياااام في العمر ما بتعديش نفضل فاكرينها سنييين وسنين ، مسافات وفراقنا ما بينسيش مهما تمر ال ،
قاطعها صوت نزار : الايااااام فاكرين ،
قامت عينها لقاته نزار خوها واقف يشبحلها ويضحك
نجوى ضحكت من عيونها : حيييي نزااار ههههه
*حطت الكاشيك على الطاولة وجت تجري طوووول تغمرت خوهااا ،
نجوى : ليك وحشة يا غالي " و دمعت عينها "
نزار يضحك كيف اخته مكبشة في رقبته : هههههه والله حتى انتي ،
*بوست نجوى على راسه
نزار : حشاك ، ...
نجوى : خش خيرك واقف ،
نزار : شن اديري ؟
نجوى : محبوبة قلبك مكرونة بشاميل ،
نزار : اووووه منلاخير ، والله انتي مش عادية ،
*حطت نجوى الجبنة وفتحت الكوشة
نجوى : شن جو الخدمة ؟
نزار : ماشية الامور ،
*صكرت نجوى على الكوشة وهي تعول وتهدرز ،
نجوى : كلماتك ماما ،
نزار : انا علاش روحت امالا ، قالت بنسافر واختك بتقعد بروحها ،
نجوى : باهي بارك الله فيك ،
نزار : قداش عندي اخت امالا،
*نجوى صبت عصير مانجا وحطت الكاس على الطاولة قدام خوها ،
وقعمزت قبالته ،
نزار : نبي وحدة تفهمني زي ما تفهمي فيا ،
نجوى : ان شاء الله ربي يسخر الحال ، واطيح في بنت حلال،
نزار : كيف حال صحبتك هاذيكا اللي جت مرة في عيد ميلادك ،
نجوى تستغبى : اما هي ؟
نزار : اللي كفت عليا فنجان النسكافيه ،
نجوى : اهااااا ميسم تقصد !
نزار : انتي فاهمة يا شطانة غر اديري في الجو !
نجوى ضحكت : ايه ههههه ، حالها باهي وتسأل عليك حتى هي ،
نزار : والله ، باهي هي مرتبطة ؟
نجوى : لالا من يومها ماعندها حد ،
نزار : تأكديلي منها ،
* نجوى حطت ايديها في بعض وعين مسكرة وعين مفتوحة ومبتسمة
نجوى: به وكان الاخبار تبشر بالخيييير ؟ شن انحصل انا شن الزردة ؟
نزار : تعشاية في ارقى مطعم ، لكن بشرط هي معانا ،
نجوى : هههههههه مش ع سواد عويناتي ههههه
نزار : اصلا هما مش سود ،
نجوى : بااارد ، غر ماتسبقش الاحداث ، خلي نجس نبضها وبعدين تو نوريك لم انحيها بجلدتها ههههه
نزار : تاخدي عويناتي ،
نجوى : لا عويناتك خليهم لحبيبة القلب ههههه
نزار : بلاش باهي هههه
*وطابت المكرونة وتحمرت الجبنة من فوق ،
وحطت منها نجوى في صواني وحولت لخوتها وحناها ،
وطلعت شادة الصونية ،
نزار يتفرج على التلفزيون : وين ماااشية ؟
نجوى : رافعة لخوتك وحناك حصتهم ،
نزار : اي حق نسيتهم انا ، لوطا هما ؟؟
نجوى : ايه لاقيين صغار عمتي هذا باش
نزار : لاقيين مع من يلعبوا ،
نجوى : ايه
نزار : قوليلهم يكملوا غذي ويركبوا ،
نجوى : خليهم ، انت انزلهم ودير دورا على حناك سلم عليها ، ولا ما تبيش ؟
نزار : فكيني منها بتفتحلي سيرة صابرين بنت عمتي تبيني ناخدها بالسيف ،
نجوى : ما تكترش دوة سلم واركب ، فك روحك من اللومان ،
نزار : باهي باه غر بسرعة هيا ما نحبش ناكلها مصقعة ،
نجوى : به ،
*ونزلت نجوى شوي و ركبت ،
نزار : بسرعة بسرعة جيتي ،
نجوى قالبة وجهها ومش عاجبها : ميلاد ولد عمتي لوطا ،
نزار : عريس المستقبل ههههههه
نجوى : بالله اسكت بصر في اي حاجة الا هاذي ،
نزار : ههههه
*مشت نجوى وجت بسفرة الغذي ،
نجوى : كان نعرف علاش حناي مُصرة لدرجة هاذي ،
نزار كيف قام الفركيتا من السفرة : كيف ؟! لم افهم !
نجوى : انت تبيك تاخد صابرين ، وتبيني أنا نوافق على ميلاد ،
نزار : في حاجة في دماغها حناي ما فهمتهاش لتوا ،
نجوى : تبي تحسن من وضع عمتي المادي ، انا هكي حللتها ،
نزار : صح مرات هكي ،
نجوى : وكان نموت ما ناخده ، بقباق الدوة هذا ،
نزار بنظرة شك حادة : بالك في حد يا بنت ؟
نجوى : و راسك يا غالي مافيه ، كان فيه ره بعتهولك هههه
نزار شاد ابتسامته : بديتي معش تتحشمي
نجوى : اي بجديات ، يجي حد يقولي نبيك نقوله هذا رقم خوي وتفاهم معاه ،
نزار : ههههه
*نجوى جوها حلو وتاكل مع خوها
نجوى : شن رايك في البنة ؟؟
نزار : مية مية ، اطلع طول ،
*نجوى سكتت سكتت سكتت
وبعدين تكلمت
نجوى : وخيي الغالي ،
نزار : دام قلتي وخيي الغالي فيه طلب ،
نجوى : ههه صح
نزار : ان شاء الله خير شني ؟
نجوى : بعد اسبوعين عرس صحبتي ترفعني؟
نزار : من صاحبتك ، وين تسكن هاذي؟
نجوى : في شارع ال...
نزار : من عيلة مني؟ (وقام طاسة المشروب يشرب )
نجوى : عيلة ال... خالة ميسم هي !
نزار حط الطاسة : اهاااا (ووجهه وعيونه ضحكوا )
نجوى : في الموضوع ميسم ، اكيد حترفعني ! (وابتسمت )
نزار : مش قتلك معش تتحشمي انتي
نجوى : هههههه
نزار : به وكان ما رفعتكش!
نجوى : الله غالب ، خوي و ردني ، لكن لم يطلب مكرونة بيشاميل مش حنديرهاله ب نية ، زي هاذي !
نزار : لسان المصريين ، تهديد من تحت الطاولات ههههه
نجوى :غر ما تعقدش الموضوع ارفعني والله خاطري نحضر ، صحبتي حتى هي وكنا نقروا مع بعض قروب واحد انا وهي وميسم
نزار..

يتبع..