حبيتة شرقاوي💜🧸

91

روايـــة # حبيته شرقاوي💜🧸
ـ الحلقه الواحده والتسعون💜🧸
ـ منقول
،
زهرة : باهي تو انوض نديرلكم سفرة فطور ،
نجوى : ما اتعبيش روحك حناي ،
ريمة : اي يما تو بعدين شوية تنوض نجوى توتي توا ما خاطريش زهرة قعمزت على المندار : وين الصغار ؟
ريمة : ركبوا لحوش زكريا فوق ،
زهرة : يدوروا في الصغار ،

*نجوى في وسط الحوش مقعمزة في مكانها سرحانة ، اتذكرت نقالها مقفل !!
فتحاته ... لقتها مكالمات من محمد وميسم ،
نجوى عاودت اتصلت بمحمد ،
محمد في السيارة هو والششباب طالعين ،
شاف النقال يرن لقاها نجوى ماقدرش يرد قدام الشباب ، بعتلها مسج ،
نجوى شافت المسج قراته [ حبيبي انا في السيارة مع الشباب ، بعدين نكلمك ، انحبك ]
ردت نجوى بمسج ،
محمد يهدرز مع الشباب : شنو يا خال حوشك معادش زدت عليه شي ؟ (وفتح مسج نجوى) [تمام دير بالك على روحك]
مهند : وااااقفة الحكاية يا خال ، فلست ، قعدت غير نخلص في الجمعية ووقفت !!
محمد : خش تجارة اي موضوع باهي يخششلك قرشين مقومين وكمل بالشوي عليك ما توقفش ، تبخل بعدين ،
مهند : انا هذا اللي صايرلي اصلا ، وبعدين شكلي مش غريب بنفض الموضوع ونرتاح ،
الشاب : علااش .
محمد : استهدا بالله ،
مهند : جتني صفار خلاص ، كل مرة تتصل وتنفخ فيهم وين انت وشن ادير وفي من تكلم ، تقول خاطب استخبارات ،
محمد : هههههه
الشاب : انت مش محمرلها عيونك من اللول تستاهل ،
مهند : اتشمت توا ، بدل ما تواسي صاحبك !!
الشاب ضحك ودرس : اسمعوا انا نازل بناخد قهوة تبوا ؟
محمد : اكيد ، كريمة بالله بلا سكر !!
الشاب لمهند : وانت ؟
مهند : معاكم نشرب حتى السم ،
نزل الشاب ،
مهند : محمد !!
محمد : نعم ،
مهند : اهلها البنية يوافقوا على سكنتها في الشرق ؟
محمد : مش عارف ، لكن على مافهمت الامور معدية تمام ، على كلمة باتها توه ،
مهند : معناها مش معروف بوها يوافق ولالا على سكنتها غادي ،
محمد : مش عارفة لنقنك ركبتني حالة يأس ، واحباط . ان شاء الله خير
مهند : اسمع كان صعبوها عليك .قولي نلقوا حل ان شاء الله ،
محمد : يصير خير ان شاء الله ،
نزل الشاب ركب لسيارة بالقهوة ، وطلعوا ،
**
في الليل ، نجوى مفرشة منادير ومتغطية تتفرج على التلفزيون وادردش مع محمد ،
ريمة : امي حق ما قتلكش !!
زهرة واخدة مسبحة وتسبح : شني ؟
ريمة : نجوى جوها ناس !!
زهرة : بالله ؟ امتى وخيركم ما قلتوش ؟
ريمة : صار فجأة ،
زهرة : من عيلة مني ؟
ريمة : ما تعرفيهمش ، من الشرق ، عيلة ال..
زهرة تفاجئت : اللطف ، من غااادي !!
ريمة : ايه ،
زهرة : وشن بتعطوها قصدك ؟
ريمة طرحت شعرها على المخدة وتغطت : كان نقولوا لا ، (وكملت بصوت واطي) تنقع الاتشيدو زي بوها ،
زهرة ضحكت : ههه العفوو حقا يا نجوى ؟؟
نجوى مش لاهية : كيف قلتي اميمة ؟
زهرة : قصدك تبيه انتي ؟
نجوى ضحكت : اي اميمة شن المشكلة ؟
زهرة : ايييي يا بنتي صعبين ،
نجوى : مش عارفة الكلام هذا منين تجيبوا فيه !! عايشين زينا زيهم شن الصعوبة في الموضوع .
زهرة : نحكي يا بنتي انتي غريبة بينهم بتشوفي معاملة قاسية وبيستغربوك بينهم ،
نجوى : انا بنعيش مع شخص واحد ، وفاهمني وفاهماته شن عندي في الباقي ،
زهرة تحرك في شواربها يمين يسار : ايييييه الدماغ رشاد يا ريمة ، ( وشبحت لبنتها)
ريمة بايدها بمعنى " خليها "
زهرة : الليل مش حنرقده انا بعد الخبر هذا ،
ريمة : قد ما درت فيها شي مسكرة راسها ،
زهرة : عاد ماهي تردلك فيه هههه (وحاطة ايدها ع فمها تضحك ) درتي شوية على خاطره ،
ريمة حطت صبعها ع فمها بمغنى "خلاص اسكتي مش قدامها "
*نجوى تهدرز مع محمد ،
محمد : بوك موافق يا نجوى على سكنتك في الشرق ،
نجوى : يوافق علاش لا !!
محمد : هو قال عادي ؟
نجوى : لا ما قالش بلسانه ، لكن لو مش موافق ره رد الموضوع من اول ماقاله نزار ، وسكرها ،
سكت محمد ،
نجوى : خيرك شن خطر عليك وسألت ؟
محمد : والله خالي هكي ناخد ونعطي معاه قال فيه واحد مايوافقوش على مكان السكن ، بحكم البعد ،
نجوى : لالا ماتسمعش كلام حد ، بوي نظامه خود شن يعجبك وتحمل مسؤولية اختيارك ، في اي شي تخصص خدمة ! زواج .
محمد : فهمتك اهاا ،
سكتت نجوى وفي داخلها تخمم : *( توا الموضوع بيعطل ، مشكلة الحوش دايرة عائق ، امي وبوي نفسيتهم تعبانة من الموضوع هذا ، وموضوع الخطوبة مش في بابه )
محمد : احم ، كنك سكتي ؟ وين مشيتي ؟
نجوى : شي نخمم اهو ،
محمد : قتلك امبدري ما تخمميش اموركم تنحل ساهلة ،
نجوى : واجعيني امي و بوي نفسيتهم مش تمام ، على الموضوع اللي صار اليوم
محمد : لا حول ولا قوة الا بالله ، ربي معاكم ان شاء الله ،
نجوى : ان شاء الله
محمد : نجوتة حبيبي
نجوى : نعم عمري
محمد : نرجاك عمري كله ، ما تقوليش هظا اناني ومستعجل ، لم سألتك ع موافقة باتك ، انا بس نبي نطمن ! لان الموضوع هظا شاغلي بالي واجد و اكثر مما تتصوري ، مانبيش نخسرك . نبيك ليا مش لغيري ،
نجوى :....

يتبع..