حبيتة شرقاوي💜🧸

48

روايـــة # حبيته شرقاوي💜🧸
ـ الحلقه الــٌثامنه والاربـ؏ـون💜🧸
ـ منقول

وام العروسة لابسة ردي حرير .. وعلى قد ماحولوا يقنعوها تلبس قفطان قالت شي الردي ولا بلاش ..

• عند محمد روح شطب اموره دوش ولبس سروال جينز ازرق وبدي شتوي على الحني وجاكة اسود في ايده حطها في بوكس الموطو وبوت جلد اسود
• وخدي معاه الجيبوطي الجلد .. لبسه
• محمد يتصل بمهند : ها شن صار معاك يا خال ؟
• مهند : كيف خديتهم من المزين .. نتلاقوا في شار ال ... جنب محل الحلويات متع
• محمد : تمام اللي في طريق ال ..
• مهند : ايه ايه
• محمد : تمام
• والشباب يستنوا فيه قدام حوش خاله بموطواتهم .. وطلعوا ..
• محمد : اسمعوا بندرسوا نرجوا مهند يوصل بش نعدوا مجموعة خمسة وراء السيارة وخمسة القدام
• الشباب : تماااام
مشوا سرب واحد وعطوها الشياط في الكياس و وصوت المطوات 10 نفار وعينا ما اضرهم في نص الكياس الله يبارك .. ويجتازوا في السيارات
محمد سبقهم ودرس يمين ..
خفضوا المطوات السرعة ودرسوا وراه ..
الشباب : هاه نرجوه هنا ؟ ؟
محمد : أهاا
الشباب : تمام ..

ووصل مهند بأخته العروس .. والسيارة بيضاء مزينةباللون البنفسجي وباقة التوليب على مرش السيارة ..
مهند في السيارة خفض سرعة .. : اهما يستنوا فينا ..
رندة : ما شاء الله عيني ما اضرهم ..
مهند : اهو زنيتي زنيتي لين جوك ..
سارة : ربي يستر عليهم .. كان ما تصير حاجة ..
ام سارة : تفائلي خير وانتي بكل ..
رندة : أي عاد يا سارة فكيني عاد ..

وطلعت سيارة العروسة ,,,
والموطوات خلف وقدام السيارة واستعراض ..
مهند : تقول ماشيين بالحرس ههههه
رندة : حتى انا مقصودة درتها .. يعرفوا البنت هاذي وراها خوتها وصغار خوتها تريس
مهند : هههههه على من يخطر ..

وتوكلوا كلاكسات وصوت الموطوات دايرة ضجة في الشارع ..
ووصلوا للصالة ..
وناضوا يزغرطوا فرحانين ..
نجوى : شكلها رندة وصلت ..
ميسم : أي اوني صوت المطوات والألعاب النارية ..
نجوى : هي شني بتنوضي ؟
ميسم : والله ما قادرة نوقف رجليا رعشني الفرخ احمد ..
نجوى : باهي امالا خلي نحط الوشاح واهو ماشية ..
وخشت رندة لدار العروسة واستقبلوها بالزغاريط والغني و سلموا عليها كلهم ..
نجوى : ما شاء الله عليك ربي يحفظك من العين ويحميك ..
رندة : سلمها يارب العقباليك ..
رندة : هيا معش وقت والمشوار بعيد بيجوا بكري ..
نجوى : وين تاكمك ودنيتك ؟
رندة : اهيا في الكيسة بالله لبسهملي ..
وبدت نجوى تلبس فيها في التاكم والساعة وتمت ..
ومحمد واقف هو واحمد ومهند يلبسوا فيهم ..
خميسة : العقبة لوليداتي بعد خالهم ..
محمد متحشم واحمد حتى هو .. برا يستنوا في الممر ..
نجوى لرندة : هيا خلاص كملتك يا حلوة ..
رندة متوترة : تمام هكي خلاص .. ذكريني بالك ناسية حاجة !!
نجوى : نشوف فيك تمام ..
رندة وقفت وخدت الباقة ..
خميسة : هيا امسكوها ..
نجوى تساوي في الوشاح قامت عينها لقت محمد واقف ومبتسم .. ويستنى في خالته تطلع من الدار ..
طلعت نجوى متحشمة سبقتهم ومشت لطاولة .. وطلعت رندة يدرجوا فيها صغار خواتها الزوز ومهند خوها على أسماء الله الحسنى
والزغاريط .. وكلهم عيونهم على العروس ..
الصبايا : حي ع الطروف مانحصلوش واحد منهم .. يهبلوا ..
وخودلك عاد من تعليق وضحك ..
ميسم : اوني الدراه خاش ..
نجوى : ما تحطيش في بالك تو يلهى في الدوشة ويفوت الموضوع ..
ونجوى طبعا عيونها في محمد ..وقلبها فرحان ..
محمد متحشم .. واحمد يكحل مرة مرة يحدف في عينه على طاولا الصبايا ..هههههه
ميسم : شوفيه كيف يكحل اللي مايتحشم وانا داير روحه يحزر ..
نجوى تضحك : هههه ماهو قالوها يا فالح في امه وخواته يا سعد اللي جاته ..

وحطوا الشباب خالتهم وطلعوا ...
وخميسة تلقت محمد من اخر الممر تتلبط فيه وتعاود .. (اهو شوفوا هذا ولدي ) هههههههه
محمد : يما كنك مش انا المعرس اختك ..
خميسة : ههههه الفال ليك يا وليدي شفتك خاش تحيرت مواجعي .. نبي نفرح يك ..
محمد : ان شاء الله توه نحكوا فيه الموضوع هظا بعدييين ..

يتبع.