حبيتة شرقاوي💜🧸

باقي حلقة 155

روايـــة # حبيته شرقاوي💜🧸
ـ تكمله الحلقه المئه والخامسه والخمــ๛ـون💜🧸
ـ منقول.

محمد : امسكي اعطيها !!
عطت نجوى الدواء لامها وشربتها مية !!
نجوى : صحة،
ريمة : سلمك !!
محمد فاتح نقاله ، ويقرا ، ويرجع يقرا في حكة الدواء اللي في ايده!!
نجوى : شن ادير ؟
محمد : شي ، تعرفيني فضولي نحب نتطلع !!
كمل جمال صلاة ،
وطلعوا للممر مقعمزين !! الثلاثة ،
الممرض يشبح من اول الممر لقاهم الثلاثة مقعمزين برا !!
رجع الممرض تاني خش لغرفة ريمة !!
محمد قعد يشبحله ومخنس
طلع الممرض من الغرفة !!
وجمال يهدرز ، ومحمد عقله في مكان تاني !!
محمد : اها فهمت عليك ، انا بنخش للحمام عند اذنك ها ، سامحني !!
جمال : ولا يهمك ، تفضل !!

خش محمد لدار بشوية وبدون مايفيق ريمة ، مشي لكيسة الدواء فتحها ،
خدي حكة الدواء ، لقاها رزينة ، شاف داخل المغطة لقاها مافيهاش الامارة بالبيرو اللي حطها محمد !!
محمد نصدم وطلع من الحجرة ،
محمد : عمي !!
جمال : نعم ،
محمد : تعالا شوية ،
خش جمال ووراه نجوى ،
محمد فتح المغطة وقلبها : مغيرين الدواء !!
جمال : كيييف ؟ مافهمتش كيف مغيرين الدواء ،
محمد : الممرض هظا ، وانا جاي امبدري نسمع فيه يحكي هو والممرضة ،
قاللها ان كان مايعطينيش بخشيش ،زيك ، نغيرلها الدواء !!
نجوى نصدمت حطت ايدها ع فمها : شنييي حي عليا !!
جمال مصدوم !!
فتح محمد النقال وقعد يقارن في صورة الحكة اللي في النقال ، بالحكة اللي في ايده !!
محمد : مش نفسه ، شفت ؟
جمال : كييف فهمني !!
محمد : هظا الممرض جا وحط حكية اخرى ، شوف اقرا هنا . 60 حبة ، ان كان نفسها الحكية اللي يعطوا منها الدواء لخالتي ، بتكون ناقصه صح ؟
نجوى مصدومة : اي صح !!
محمد مد الحكة لنجوى : عديهن الحبوب يا نجوى !!
خدت نجوى الحبوب وقعدت تعد فيهم ،
جمال يشبح لمحمد ويشبح لبنته ومرته اللي راقدة !!
نجوى شبحت في محمد : ستين !
محمد : عرفت توا ؟
جمال : الوسسسسخ !!
محمد خدي الروشيتا من الكيسة : هذي هي الوصفة !! الحكية هذي ماليهاش علاقة بالوصفة !!
نجوى : لازم ننزلوا نكلموهم ،
محمد : اكييد شن بنسكتوا !! (وشاف لجمال)

طلع محمد هو وجمال . . وقعدت نجوى مع امها سرحانة فيها مصدومة وايديها يرعشوا ،
نزلوا جمال ومحمد لريسبشن ، ووصلوهم بالدكتور المسؤول على ريمة !
ومحمد يحكي معاه بالتركي ويفهم فيه ، وراله الروشيتا ، والحكة الجديدة ، وقاله علي سمعه في الممر !!
الدكتور طول نادى على الممرض ، وطلع محمد وجمال من الغرفة !!
ويسمعوا في الصداع والتكشيخ ،
طلعوا جمال ومحمد برا المستشفى ، وقعدوا واقفين !!
جمال من كثر ما متعصب من الموقف قال لمحمد : عندك سبسي ؟
محمد تحشم منه : ااا ، اها ؟ (ومدله الباكو والولاعة)
خداه جمال وولعه !!
على طلعة الممرض وقف على محمد وجمال ، يترجى فيهم ،
جمال مش فاهم شي ، ومحمد يشبحله ومتكنطي يرد عليه !!
محمد : كيف لك ان تقوم بفعل بشع كهذا ؟
الممرض : اتوسل اليكم سامحوني ، لقد فُصلت من عملي ، وليس عندي مصدر اخر اطعم به اطفالي وعائلتي ، ارجوكم ، سامحوني ، واخبرهم أن يعيدوني الى عملي ،
محمد : اين ضميرك ؟ تطعم اطفالك الحرام ؟
سكت الممرض !! ومواطي عيونه !!
جمال لمحمد : خيره ؟
حكي محمد لجمال !!
جمال سخف عليه : نمشوا نكلموهم؟
محمد : مش عارف انت ورايك !!
جمال : قطع اعناق ولا قطع ارزاق يا محمد ،
*
خش محمد هو وجمال لادارة المستشفى ، وكلموهم ،
جمال يسأل في محمد : شن قالوا ؟
محمد : الدكتور والادارة رفضوا ، وقالوا مستحيل يرجع تاني ، خليه درس لزملائه !!
جمال قعمز فاشل !! على الكرسي !!
محمد : الحمد لله مشت على خير !!
جمال زفر فاشل : اااه ياربي ، (وشبح في محمد ) بارك الله فيك ( وحط ايده على رجل محمد طبطب) لولاك بعد ربي واللغة اللي عندك ، كنا في موضوع تاني !! فعلا. "من تعلم لغة قوم امن شرهم"
محمد : الحمد لله الحمد لله ، خالتي ادير في الخير ،
جمال اتذكر وقفة ريمة مع اخته جميلة وولدها ميلاد ،
جمال : اي والله ،
ومشوا خشوا للغرفة ، نجوى تشرب في امها في الشوربة تغذي فيها ،
نجوى شافتهم خشوا : شن صار؟
جمال : فصلوه ، من عمله !!
نجوى : يستاهل ، مفروض اكثر من هكي ، معقوله ؟ على خاطر فلوس ؟
جمال : انا الحق مانبيش يفصلوه !!
محمد ساكت ،
نجوى : لا خلي يفصلوه ، يتحمل عواقب فعايله ،
ناضت ريمة على صوتهم : شن خيركم ؟
محمد رن نقاله : عن اذنكم شوية ( وطلع)
وصكر الباب وراه !!
ريمة لجمال : شن فيه؟
جمال حكالها ،
ريمة انصدمت : حسبي الله ونعم الوكيل !!
* عند محمد في الممر !!
ريماس : شنو صار في الطناجر !!؟
محمد : انا وين وانتي وين توه !!
ريماس : شنو خيرك ؟
محمد : تو نروح للفندق ونحكيلك !!
*وصكر ..
خش محمد : عمي ، انا طالع توا عندي مشوار ،
جمال : باهي خود راحتك تعبناك معانا
محمد يحط في التليفون في جيبه : ولا يهمك ما ادور شي !
ريمة تشبح لمحمد ومبتسمة
جت محمد عينه في عين ريمة
ريمة :

يتبع..