حبيتة شرقاوي💜🧸

109

روايـــة # حبيته شرقاوي💜🧸
ـ الحلقه المئه وﭤسـ؏ـه💜🧸
ـ منقول

محمد : انتي اشين ، تشاو ، (صكر مكالمة ونزل من السيارة)
*
ميسم : ريتي ريتي ، !!
نجوى : خيره هههه
ميسم : قال نعطيها عيوني من غير ما تطلب ،
نجوى : ههههه بش تعرفي ،
ميسم ناضت : هيا البسي !! تو نكلم امك ،
نجوى : به ،
ميسم فتحت الدار ومشت نجوى نادت امها ،
ميسم : خويلة امدايرين زردة وشواء في الجنان هني مقابلكم ،
ريمة : لالا بنتي ، قريب المغرب توا ،
ميسم : بالله عليك خلي تغير جو ، على خاطري ،
ريمة : سكتت ،
نجوى : شن قلتي ؟
ريمة تنهدت مش راضية : باهي وماتعطليش ، مش تطلعي بلا علمي لاي مكان ؟
نجوى وميسم شبحوا لبعض
نجوى : توا وين بنطلع ، اهو قدامك خشي من داري وشوفي !!
ريمة : امممم ، باهي ، بعدين نبعتلك بوك مع ال10 ،
نجوى به ،
خشت نجوى لدار بتاخد نقالها ،
لحقتها ميسم ،
ميسم مدت نقال سارة : هاك خودي هذا دسيه عندك ، غدوة نخطم ناخده ،
نجوى : به ، هاتي هي !! (وحطاته في الدرج وقفلت بالمفتاح ودساته)
طلعت هي وميسم ومشوا للحوش ،
ميسم : زي ما وصيتك ، انفصلتي ومعش تكلمي فيه ،
نجوى : به ،
نجوى : السلام عليكم ،
العزوز فرحت بجية نجوى : مرحبتين مراحب بيك بنيتي ، (وبالسلام الحار استقبلت نجوى )
ميسم : هي تعالي معاي نوتوا البضاعة ،
*في بنغازي عند محمد *
محمد في داره مقعمز وينقص في صوت التلفزيون
وفي ودنه النقال و يتكلم ، : شنو جوك وشنو جو الصحراء ؟
نزار : شن بيكون جوها الصحراء غبرة وريح هههه
محمد : صدقت والله ، شنو جو الشباب غادي ،
نزار : والله تمام ، كل واحد شادها جرة المدير يبي اجازة بيروح لحوشه واهله ،
محمد : ربي يوفقكم ان شاء الله ،
نزار : بارك الله فيك ،
محمد : انا اتصلت نسأل على الحال ونبي رد هلك في الموضوع !
نزار : والله ماعارف ردهم لكن ، تو نشوفهم ونكلمك ان شاء الله ،
محمد : ان شاء الله ،
نزار : مش معطل ، توا انكلمهم ان شاء الله ،
محمد فرح : تمامم مية في المية ..
*
*
نزار صكر من محمد : خيرهم هاذم ؟ مشحطين الراجل يراجي في ردهم ، كان انا راهو فوتهم هما وبنتهم ، باله واسع ...
المدير : هيا يا باااش مهندس صكرلنا النقال والهالنا بالخدمة ورانا ضغط شغل ،
نزار : شوية بس المكالمة هاذي وجاي. ،
واتصل ببوه ،
نزار : ايوه بوي كيف حااالك ؟
جمال : الحمد لله ،
نزار : وين شكلك طالع صوت سيارات ،
جمال : والله كيف مروح للحوش ،
نزار : كلمني الراجل توا اللي يبي بنتك ، ويبي الرد ، شن انقوله ، الراجل مشحططينه ،
جمال : اما تشحيط غير خدتنا مشكلة حناك وعمتك ، هو الموضوع مش في بابه توا بكل ،
نزار : شن مش في بابه يا بوي . نصيب البنت توقفه على خاطر شوي مشاكل ؟
جمال : كان بيوسع باله معانا باهي ، مانبوش العرس توا ، كنهذا سلامته، وراي ستين موضوع بنكمله ، واحتمال نشري حتى حوش واتي ،
نزار : المهم ردك شني ؟
جمال : باهي ، قوله موافقين ، !!
نزار : به تمام ،
محمد مقعمز ياكل في غذاه ،
محمد : اما يا امي غذاك اليوم حاجة منلاخير ،
خميسة مقعمزة. مقابلة ولدها : صحيحتين !! .. (وسكتت.. وتكلمت) حميدا !!
محمد : نعم امي ،
خميسة : شنو صار في موضوع البنية ؟
محمد قعد ساكت .. دورا رن نقاله ،
محمد : هظا خوها ،
رد محمد : ااا يا بي ،
نزار : اسمع ، مش معطل وراي شغل ، كلمت الوالد توا وقال موافق، كان بيوسع باله . لانه مايبيش العرس توه ،
محمد : اااها مش مشكلة . بعد قداش قالك ،
نزار : والله صاير هو شوي مشاكل عندهم لين تنحل مرات تاخد شهور مرات سنة ،
محمد : تمام .. به تو نكلم كبار العيلة ويحددوا الفضانية وكل شي يتم فيها ،

نزار : تمام ... ربي يتمملكم على خير ، !!
**
صكر محمد !
خميسة : شنو ردوا عليك ؟ موافقين ؟
محمد : اها ، لكن اسمعيني توا ، الموضوع هظا ما نبيش حد يسمع بيه لين نحددوا موعد الفضانية ،
خميسة : عليش ؟
محمد : هكي وبس ، بعدين تو تعرفي !!
خميسة احتارت ، وقعدت تفكر ،

*في طرابلس*
نجوى : اقلبي بينحرق يا هبلة ،
ميسم : نقلب من امبكري ،
نجوى مقعمزة في الكرسي : زودي حطي في صواني السلطات كملتهم ،
ميسم : باهي هي ، (ومشت جهة الطاولة )
نجوى : الله الجو ناقص منغير الحب ،
ميسم : اتزوجوا وديروا الزرادي لين تملي انتي وياه
نجوى واقفة على الشواء : ان شاء الله ( وسرحت مشي بالها في محمد ❤)
ميسم : وييين سرحتي ره ينحرق . .حي عليك تاكليها كلها انتي الطرحة هههه
سارة طلعت تكبه من البلكونة : من قلة الوساع ؟ يشووا تحت البلكونة !!
شافت الطاولة مفرشة ومرتبة والجو حلو ، حاسدتهم بتموت ،
وزايدها النقال مهناش راح ،
خشت على امها في دارها : ماما !!
امها : شني ؟
سارة : اعطيني نقالك نبيه شوية نتصل بانسام بالك طايح عندها غادي ،
امها : انسام وهاتي . نهدرز على خالتك مش وقتك ،
سارة : به !!

يتبع..