حبيتة شرقاوي💜🧸

194

روايـــة # حبيته شرقاوي💜🧸
ـ الحلقه المئه والرابعه والٺسـ؏ــــون💜🧸
ـ منقول

سلم محمد على ريمة وعلى الصغار !!
وبعد طلعوا بالطائرة !!
روح بسيارته وهو في الطريق !!
قام نقاله لنجوى
وهي تلمع وتمسح في الطاولة متع المطبخ بعد غسلت الماعين ،
خدت نقالها و ردت : ايوه !!
محمد : وين انتي في الحوش فوق ؟
نجوى : ايه !!
محمد : انا جايك في طريقي اليك يا حبي
نجوى : وانا نستنى فيك ،
نزل محمد للغذائية خدي حاجات خفيفة !!
وركب سيارته وطلع وصل للحوش !!
* عند نجوى *
وهي لابسة قفطان قصير ابيض بأكمام شيفون ،ناعم وخفيف
كانت تتفقد في روحها على المرايا وتشوف لنفسها وقلبها يخفق من شدة شوقها ليه ! سمعت المفاتيح خدت ااعطر وحطت منه ، طلعت من الدار وتلقاته بابتسامة حلوة ، وهو من شافها مش قادر يوصف احساسه فيها ،
جت نجوى وتغمراته بحرارة : حبيبي ، استحشتك
وهو ضامها ليه بقوة ويبوس ويعاود في خدودها وشعرها ذاب في ريحتها المعطرة ياسمين !
محمد : يا عمري ياعمري استحشتك والله !!
وقعدوا مشوااار طويل واقفين والاجواء حب ومشاعر !!
* في طرابلس *
عند نجاة تخيط في سورية راجلها بالماكينة ودايرة كدس قماشات تخيط في غلافات المخاد !!
ميسم تفتح في الاقمشة : مايسدوش هاذم امي !!
نجاة تلف في البكرة وتخيط : يسدوا يسدوا غر وتيلي الوجه التاني
على طقة باب الحوش !!
مشت ميسم تجري بتفتح الباب :مني ؟
مهند : انا مهند !!
فتحت الباب وسلمت عليه : تفضل !!
مهند خش : وين امك امالا ؟
ميسم : في الدار تخيط ..
خشت وخش وراها !! سلم عليها : شن الجو تمام ؟
نجاة : الحمد لله كيف حال امي ؟
مهند : الحمد لله بخير !!
نجاة : فطرت ؟
مهند : اي فطرت !!
تلفتت لبنتها : باهي بري ديري شاهي وحطي من الحلاوات !!
*مشت ميسم للمطبخ وقعدت اطيب في الشاهي !!
ناضت نجاة وقعمزت على المندار جنب خوها : حالك باهي شن جو الخدمة !!
مهند : تمام ..(سكت )
نجاة : خيرك سكتت فيه حاجة ؟
مهند : والله جيت وبنكلمك في موضوع !
نجاة : شن هو ان شاء الله خير !!
* عند جميلة *
ركبت تقربع في الباب على سارة .. وسارة ساكة النوم .. ناضت بالسيف !!
وفتحت الباب وعيونها مسكرات : نعم عمتي شني ؟
جميلة : اطلعي اكنسي الدروج معقووولة تراب هكي ؟؟؟ تقول حوش عمال !!
سارة : باهي نفطر ونكنسه !!
جميلة : فطور طياح سعدك توا .. ديري طفيتك على النار ميلاد يروح بكري يبي غذاه
سارة : علاش هكي انتي عمتي تعاملي فيا ؟
جميلة : لانك وحدة هكي تبي .. وقلتلك لو ما تمشيش باللي نبيه نتيتك عند اماليك .. غير العيل اللي في بطنك كنهذا ره فسخت قداش ليا
*عند محمد ونجوى *
متكيين جنب بعضهم ويتبادلوا في النظرات ويهدرزوا
نجوى : والله في خاطري نمشي حتى انا ..
محمد : باذن الله حنعدوا خلي تاخد امي العلاج وتصح وباذن الله حاضر !!
نجوى بابتسامة : ان شاء الله !! (وتفكرت موعد الغذي ناضت ) حي معش وقت بنوض نطيب الغذي !!
جبدها محمد من ايدها : تعالي .. فوتيه الغذاء .. تو نعدوا انا وانتي توه ونجيبوه واتي !!
نجوى : امممممم به !!

ناضت بدلت ولبست حويجاتها .. وطلعت هي ومحمد جرة بعضهم نزلوا من الدرج ..
وزينب راكبة لحوشها تلاقت بيهم في الدروج .. وقعدت اتبع فيهم بعيونها لين طلعوا . زادت عاد حسد وحقد في سلفتها !!

خشت مع الحوش قالبة وجهها !!
ورمزي متكي يتفرج على التلفزيون شبح فيها : تعالي حبي حدايا !! (لاحظها وجهها مقلوب)
رمزي : كنك ؟
وهي تنحي في بدلة الصلاة بالغل !!
رمزي : ردينا اخرى ؟ لنكد ؟
زينب : حقي .. نحق سلفتي تطلع وتغير جو . مع راجلها وانا لا !!
وقعد رمزي قالب وجهه يسحن !!وفي داخله يقول *(توا كل مابتشوف حاجة بتقعد بتنكد عليا هكي ؟؟؟ )
*عند نجاة ومهند *
نجاة : وباهي شن المشكلة دامك تبيها نمشوا ونخطلوهالك !!
مهند : تمام !!
نجاة : غر دير في بالك بوها حي البنية واكيد بيطالب بشوفتها او انه يشوف فيها مرة في الاسبوع كيف حتتصرف مع الموضوع هذا ؟
مهند : جداها حية البنت ويوم بيشوفها تقعد عند حناها !!
نجاة : هذا في حال هو رضي بنته يربيها راجل تاني !!
مهند : اياه يا نجاة توا بتصعبيها عليا بعد ما طمنتيني !!
نجاة : زيد خود حلاوات !! .. (حدي مهند)
ماهو توا اللي نقولك فيه نبيك فايقله بش ماتقعدش في المشاكل بعدين !!

يتبع...