حبيتة شرقاوي💜🧸

130✨🥺

روايـــة # حبيته شرقاوي💜🧸
ـ الحلقه المئه والثلاثون💜🧸
ـ منقول

محمد قام عينه لقي نجوى في البلكونة ..
بعد مامشي مهند اتصل بيها !!
نجوى ردت : ايوه يا غالي !!
محمد : الغالي شنو قايلك ؟
نجوى : شني؟
محمد : في النهار معش تطلعي برا !!
نجوى : ماهو ننشر في الدبش !1
محمد : تي شباب يخطموا !!
نجوى : حاضر !!
محمد بلكنة حادة : انشريهن في الليل مش توا !!
نجوى : غر خييرك والع ..ههه
محمد : الحاجات هذي تكنطي فيا مانحبهاش ..
نجوى : حاضر اخر مرة ..
محمد : تمام .. (وقعد ساكت)
نجوى : خيرك ساكت ؟ هدرز !!
محمد ولا كلمة !!
نجوى : باهييي .. انا نحبك !!
محمد : باهي كويس !!
نجوى : شن باهي كويس ..قولها ترا هههه
محمد : شنو هي ؟
نجوى : نساي لهدرجة ولا تستغبى ..
محمد : باهي .. انحبك .. شن تبي نقولك اخرى ؟
نجوى : قولها هلبا مرات ههههه
محمد : نحبك هلبا مرات
نجوى : ههههه بارد ..
محمد متكنطي وشاد ضحكته .. : بعدين شوية نكلمك !!
نجوى : به غر رد بالك من هاذيكا اديرلك حاجة
محمد : منو هي ؟
نجوى : سارة .. مرات تقتلك ..
محمد : تي باهي به يا مجنونة !!
*صكر محمد وهويهز براسه *
محمد :عليك بنت .. مجنونة وجننتني في جرتها !!
وهو راكب من الدرج لشقة خاله .. لقي سارة تكنس في الدرج(طروح)
محمد : السلام عليكم ..
سارة : وعليكم السلام (ورمت روحها ع الدرجات وعيطت ) اااه ايييي رجلي ..
محمد انخلع تلفت مشالها يجري : كنك ؟ شنو رجلك ؟(وطبس شد ايدها بيوقفها)
وسارة وجهها قريب منه وعيونها فيه !!
محمد شافها عيونها في عيونه ..
قربت منه ..
محمد تغير من اللقطة وخر وجهه طول : امسكي في السياج وتسندي ..(ووقف سيبها)
سارة : علاش تهرب مني ؟
محمد : شنو نهرب .. شن صيلتي بيك غير انك بنت خال فقط ..
سارة : باهي شكرا !!
محمد : شيلي الافكار اللي في بالك .. انا بكرا حفلة خطبتي !!
سارة : امشي .. امشي ماتعرفش قيمتي انت اصلا ..
محمد ركب وكمل طريقة لشقة خاله بدون اي كلمة ..
خشت سارة في ايدها المكنسة والبالة وحدفتهم على طول ايدها تبكي : امشي يا حيوان يجيك مايرفعك .. مرض ليها هالنجوى ..ان شاء الله تترزوا في بعضكم ونتشمت فيكم يا كلاب (حشا القاريين)
*مهند خش لشقة خاله*
محمد يتذكر في نظراتها وكيف قريبة منه : اعوذو بالله من الشيطان الرجيم .... هذي مستحيل تكون ادمية .. هذي شيطانة !!
****
في يوم الخطبة والفضانية !!
في النهار مع الصبحيات ريمة هي وهند اختها تعاند وتجري
هند ترتب في الطواسي والصواني :توقعتك نهتيه الموضوع
ريمة ايديها في وسطها وواقفة : كلمته ولا احترمني ومشي بكلمتي !!
هند : انتي ماتعرفيش تتصرفي !!
مي معاهم في المطبخ وماحسوش بيها لين تلفتت هند لبنتها لقتها واقفة شادة النقال وتشبحلها من تحت !!بمعنى (شن تقولي .. )ّ
طلعت مي وسيبتهم !!
هند لاختها بصوت واطي : حي سمعتنا !!
ريمة : كان ماتقول لنجوى !!
هند : تو نعفس عليها !!
ريمة : كان تعرف نجوى دبارتنا معش نسلك !!
هند : لالا تو نقوللها !!
**
نجوى في المزين وتخمم شن صاير عند امها !!
نجوى : خلي نتصل بمي شن صاير معاهم
مي تتصفح في الفيس ردت : ايوه نجوى !! كيف بنكلمك تعرفي !11
نجوى : شن ان شاء الله خير نقصت حاجة ؟
مي : لالا .. نسمع في امي وامك يهدرزوا .. (وحكتلها شن قالوا)
نجوى نصدمت : اصلا عارفتها امي فيه من يدبر عليها !!
مي : ديري روحك غبية ماتعرفيش وصحة ليك ماخليتوهمش يلأثروا عليكم !!
نجوى : ان شاء الله !!.. شن كل شي تمام ؟ جت اميمة ؟
مي : نزار جايبها في الطريق ..
نجوى : ونساوين خالي ؟ جايين ؟
مي : الوسطية جت وزوز شكلهم بيجوا بعدين ..
نجوى : باهي به ..
مي : امتى دورك انتي ؟
نجوى : مزاااال بعد المغرب نكون في الصالة ان شاء الله !!
مي : متشوقة كيف بتطلعي
نجوى : يلا انا والحظ ..
مي : ههه باهي باهي .. اهم شي التفاؤول
نجوى : ايوه هذا هو.. اسمعي عندي مكالمة انتظار شوية بس !!
مي : خودي رااحتك !!

ردت نجوى : ايوه حبيبي !!
محمد كيف فايق من نومه : صباح الخير يا عمري
نجوى : صباح النور نوض يا كسول وراك يوم طويل !!
محمد : مش معدي للفضانية ..
نجوى ارتبكت : اااه نسيت ههه
محمد مبتسم وقاعد تحت الغطاء : وين عدى عقلك ؟ من امتى العريس يعدي للفضانية هههه
نجوى : نسوة .ز جرة هالجري واللهيد ..
محمد : ربي يعاونك .. (شنو صوت الوجيج هظا؟)
نجوى : استشوار هذا .. ماهو في المزين انا !!
محمد : والله ماتحتاجي شي .. البسي القفطان وبس !!
نجوى : ههه بالغت ..
محمد : والله راضي بيك كيف ما انتي !!
..
*صكر من نجوى اتصلت ميسم *
ميسم : محمد تعالا ضروري قالتلك اختك !!
محمد : شنو فيه ؟
ميسم : كل الخير غر تعالا !!
مشي محمد غسل وجهه ونزل !!

يتبع...