روايـــة # حبيته شرقاوي💜🧸
ـ الحلقه المئه والثالثه ؏ـشر💜🧸
ـ منقول
.
ورد محمد على تليفونه ،
محمد : ايوه ميسم شنو الجو ؟
ميسم : الحمد لله ، شن توا وين واصلين ؟
محمد : قطعنا نصف المسافة من الصبح طالعين!!
ميسم : باهي توصلوا بالسلامة !!
محمد : تسلمي !!
ميسم : نبي نقولك حقا ،
محمد : ان شاء الله خير !
ميسم : قلت تو بتعطل انت .. ومرات هاذيكا تلعب وتخرب كل شي !! "تقصد سارة"
محمد في الاستماع : تماام !!!؟
ميسم : مشيت لمحل فتحلي النقال !!
محمد تكنطا: علييييش هكي !! كيف هكي اي واحد انتي توثقي فيه ؟؟؟،مافيهنش امان الجماعة هذينا !
ميسم : به خليني نكمل به ، وبعدين قول شن تبي !!
محمد يزفر ويتأفف : افففف باهي به وبعدين
ميسم : المهم صورت كل شي اهو عندي ، طلعت في واحد واقف معاها في الموضوع وعاطيها ايميله ، وهي اللي بعتتلك صور نجوى يعني مش ولد!!
محمد : الزففت ،
ميسم : المهم صحب المحل اللي مشيتله هو نفسه اللي يكلم في سارة عموما ومساندها في الجرية ، اول ماشفته وقبل حتى لنعرفه مني ، حسيت بشي مش مزبوط
محمد : يا سلاااام وانتي توه كشفتي كل شي وهو عرف ! والصور وصلنله ومواااال
ميسم : لاا ، المهم انا قلتله دير كل شي قدام عيني اعترض في البداية وبعدين فيه شاب هكي شرقاوي شوره !! فهم التطش و وزعه وقالي اطمني اهو انا انديرهولك ، هذاكا التو وين اطمنت انا وتم كل شي وطلعت !!
محمد : غير نوصل تو نتفاهموا ، عطيني نجوى ،
ميسم شبحت لنجوى : نجوى مش جنبي في الحمام تو تطلع ونعطيك تكلمها !!
*نجوى تضرب على خدودها وخايفة ،
محمد : انا عليش جاي امالاا .. بش نحله بطريقتي ، الصور مانبيهمش يوصلن لحد ، وباهي لو طلع واخدهن كيف نتصرف انا ، يا غبية ؟؟
*وخش عليه صديقه "فرج" انتظار*
محمد : تمام توه تشاو ، !!
**
نجوى مخلوعة : شن قااالك ؟
ميسم : تكنطا
نجوى : قتلك انا !!
ميسم : ما دوريشي المهم تنحل ،
*عند محمد يتكلم في النقال !!
فرج : خير يا طير !! تي وينك وصلت ولا مزال ؟
محمد : لا والله ققاعدين في الطريق ومصبيين توه على مسجد ..بنرتاحوا
فرج : بنقولك شي صار توا !!
محمد : قول شنو ؟
فرج : توه وانا مكسد في محل وليد نعرفه متع نقالات ..في بنية جت وطلبت تفتح باسوورد النقال مانعرفش هل ليها النقال او لا لاني لقيت صورتك انت خلفية !!
محمد استغرب : منو هذي زعما ؟
فرج : مش عارف ..
محمد اتذكر : ااااا هظا نفسه النقال اللي قتلك بنجيبه لك وتفتحه ..توا قالولي فتحناه !!
فرج : نسألك لو مافيهاش ازعاج ..
محمد :اها اسأل
فرج : البنية الي جت هي هذي اللي خطبتها ؟
محمد :لا صديقتها !!
فرج فرح ونبرة صوته تغيرت : اااا تمام
محمد باستغراب : عليش ؟
فرج : لااا شي !!
محمد : بالله يا فرج بنسالك !!
فرج : تفضل ..
محمد : الوليد هظا اللي عديتله وقاعد توه في محله .. شنو وضعه ؟ انسان امين وكويس ولالا ؟
فرج : والله شنو بنقولك ؟ هو خدوم الوليد .. بس من ناحية انك تامن فيه لا !!
محمد : اممممم .. (ومزال يبي يتاكد ومش مصدق ميسم) زعما مانسخش الحاجات اللي في النقال امبدري ؟
فرج : لالا اطمن ..هي البنية كانت تبي كل شي قدام عينها هو اضايق ..وعدى وكملت انا الشغل !!
محمد : ريحتني الله يريحك يا فرج ..
فرج : شنو قصته النقال هظا ؟
محمد : هذي وحدة .. دايرة راسها من راس البنية اللي خاطبها واخدة صورها ودازتهن ليا بايميل شاب .. ودازتهن للبنية وتهدد فيها ان كان ماسيبتيش محمد صورك في النت تلقيههن
فرج : لاا حول ولا قوة الا بالله !!
محمد : تعرف من الشاب اللي عاطيها الايميل ؟
فرج : من ؟
محمد : مراد هظا !!
فرج : بالله عليك ؟
محمد : تي خاشة بعضها الامور .. انا عليش سالتك عليه امبدري ؟
فرج : لا هو يديرها ويدير اكبر من هكي .. لكن البنت امبدري صحة ليها عرفاته !! المهم كيف عرفت انه مراد هو صحب الايميل ؟
محمد : الولد هظا يعرف البنت وطلبت منه الايميل بيش تبتزني وادير فتنة بيني وبين خطيبتي !!
فرج : يا سيدي ربي يجيركم من بنات الحرام وولاد الحرام !!
محمد : سلمك .. انا نبي نعرف صورها عنده اولا !! دامه الايميل هظا ليه !!
فرج : تمام .. توه غير تعالا انت ونحاول كيف ناخده منه ونعطيه لك فتشه براحتك !!
محمد : نجك يا فرج .. والله من قبل كنت نبيك انت تعبى بيه موضوع باسوورد النقال .. سبحان الله وصل فيك وصل فيك وفتحته انت .. تعرف ماعندي حد نوثق فيه غيرك !!
فرج : نجك يا غالي .. تمام .. لم توصل ديريلي مكالمة .. توه نتموا الموضوع ان شاء الله !!
محمد : تم اوكي ..
يتبع..
VOUS LISEZ
حبيتة شرقاوي💜🧸
Roman d'amourرواية سمـحة عجبتنـي لانه فيـها حب صـادق ومش لعـب بـ قلوب ناس🤤♥️☹️✨ ان شاء الله تعجبكم .
