حبيتة شرقاوي💜🧸

146

روايـــة # حبيته شرقاوي💜🧸
ـ الحلقه المئه والسادسه والاربــ؏ــون💜🧸
ـ منقول.

وصل جمال وبنته وريمة للفندق ...
وقعد محمد وراهم وحجز في نفس الفندق !!
نجوى حطت الشنطة : شنو شفته صاحبك ؟ قلتله وين مكانها المصحة ؟
جمال : تو بيبعتلي العنوان الليلة !!
نجوى : غدوة الصبح نطلعوا ؟
جمال : ان شاء الله نطلع انا نشوفهم قبل وبعدين نجي ناخدكم .. خير ما نقعد ندور بيكم ...
نجوى : به !!
جمال لريمة : شن حالك توا باهي ؟
ريمة هزت براسها وبصعوبة تتكلم : به !!
*مشي جمال هو ونجوى وسندوها وتكوها في السرير !!
طفى جمال الضي واتكا ..
ونجوى قعدت في سريرها متكية تحاول ترقد لكن ما قدرتش !!
ناضت نجوى جبدت الستار .. وكانت واجعة الفندق جزء منها كلها مرش ومطلة على الشوارع والمباني التانية المقابلة ..
قعمزت الارض ربعت رجليها .. وبعتت لمحمد : حبيبي !!
محمد مقعمز ياخد في دخاته !!سمع صوت الرسالة !!
خدي نقاله لقاها نجوى باعتتله .. ابتسم !!
رد عليها ..
محمد : مارقدتيش قاعدة ؟
نجوى : ماجانيش نوم !!
محمد : تعرفي عليش مانبيش بوك يعرف ؟
نجوى : اي علاش ؟
محمد : انا مش قادر نخليك في الازمة هذي بروحك .. نبي نكون معاك في كل لحظة ..
نجوى : ربي مايحرمني منك ..
محمد : في نفس الوقت مانبيش بوك ياخدها فكرة .. انها خفة عقل او يقول يتسبل وهو يبي يحق بنتي ..
نجوى : لالا بوي مايقولش هكي !!
محمد : تريس ونعرفوا بعضنا كويس !!
نجوى : باهي براحتك !!
محمد : شنو صار امتى بتشلوا امك للمستشفى ؟
نجوى : غدوة بوي بيمشي يشوف ويربط معاهم بعدين بنرفعوها !!
*قاطعتها ريمة من تركيزها : ميااا نجوى .. نبي ميا
ناضت نجوى مشت لامها .. تمسح على شعرها : شن ماما تبي ميا ؟
ريمة هزت براسها : ايه ..
بوست راس امها ومشت جابتلها ميا ومصاص .. وتشرب فيها : بالشوية عليك .... ايوه بش ماتشرقيش
ريمة تشرب شوي وترتاح ..
*
عند ميسم سرحانة وتشببح لباكو الدواء وتتنهد
فتحت الباكو وخدت الحبوب .. وشربت طاسة المية واتكت !!
وهي تفكر !!
*(زعما يتحسن حالي .. زعما نخف ونقدر ننسى الوجع .. ياربي رحمتك يارب)
وغمضت عيونها وهي تدوي بهمس (يارب رحمتك واسعة ارحمني .. واجبر كسري يارب)
*ودورا ماتندريش على روحها لين خداها النوم "
*
تاني يوم ضوت الدنيا وخش ضي الصبح مع المرش !!
فاق جمال وقعمز يتاوب .. شاف بنته بالبيجامة راقدة على الارض بمخدتها !!وجنبها النقال
جمال : نجوى !! نجوى !!
نجوى تقاوم في النوم : هممم !!
جمال : نوضي وطا صقع عليك بنتي !!
ناضت نجوى خدت نقالها ومخدتها واتكت في السرير !!

جمال خش بدل في الجهة التانية .. وهو يلبس في جاكته !!
جمال : بنتي ! في بوفي فطور لوطا .. كان بتنزلي تفطري وتاخدي ماما معاك !!
نجوى : به (وقاعدة تتعافر مع النوم وتتكسل)
جمال ضحك : شن نفسيتك ارتاحت تغير عليك المكان !!
نجوى : ايه (ومبتسمة)
جمال : خلاص انا ماشي توا بنشوف المستشفى ..
نجوى : به !!
طلع جمال !!

ريمة لنجوى : نجوى بتي !!
نجوى : نعم ماما (وقعمزت)
ربمة : اضايقت منه !!
نجوى تلف في شعرها : حاضر هي !!
ناضت نجوى سندت امها وقعمزتها على الكرسي وخشت بيها للحمام غيرتلها وطلعت بيها !!
ريمة نفسيتها زيرو مضايقة على ولدها وعلى حالها !!
كيف كانت وكيف ولت !!
نجوى كملت بدل لامها وهي تسلتلها في شعرها : شن ماما ننزلوا للبوفي انا وياك نفطروا ؟
ريمة : تؤ ..
نجوى : تغيري جو ..على الاقل !!
ريمة : لالا!
نجوى : باهي على راحتك .. (وخدتها بالكرسي وحطتها مقابلة للمرش ..
نجوى : هني باهي ؟ ولا تبي تتكي ؟
ريمة : لا باهي !!
حطت نجوى الشال على كتاف امها !!وقعدت واقفة تتأمل في المنظر !!
ريمة تتكلم ولسانها رزين وكلمة وقص ..
ريمة : بري انتي !!
نجوى طبست عليها : وين ؟
ريمة اشرت بصبعها اليسار تحت !!
نجوى شافتها : للبوفي ؟
ريمة : ايه !!
نجوى : وانتي ؟ تقعدي بروحك ؟
ريمة : عادي خليني هني !!
نجوى : به
مشت نجوى لبست وفتحتلها التلفزيون .. ونزلت ..خدت طاولة وقعمزت ..
والقارسون كانوا يجهزوا في البوفي قاعدين !!
اتصل محمد ماسنجر .. ردت عليه !!
محمد : صباح الخير (ويتكسل)
نجوى : صباح النور !!
محمد : امتى نضتي ؟
نجوى : امبكري شوية ..
محمد : شنو صوت الماعين شكلك تحت ؟
نجوى : اي في البوفي !!
محمد : شنو ننزل ولا حد يشوفنا ؟
نجوى : لا عادي انزل .. بوي طالع ..
محمد :وامك ؟
نجوى : فوق خليتها مقعمزة في كرسيها ..
محمد : كيف خليتيها بروحها ؟
نجوى : ماتبيش تنزل ..قالتلي انزلي انتي .. بعدين انا مش معطلة ا!!
!!
محمد : اها .. باهي تمام .. انا شوية ونازل
نجوى : تمام !!

نزل محمد وكانوا عيونه منفخات من السهر !!
جاي ووعيونه في نجوى ..
قامت عينها وابتسمتله .. بادلها الابتسامة !!
وقف عليها : شن نقمعز في الطاولة هذي لحداك ونهدرزوا من بعيد ؟
نجوى ضحكت : قعمز هني !!
جبد محمد الكرسي وقعمز !!
قعد يشبحلها : شنو الجو ؟
نجوى : الحمد لله اهو !!
محمد : اشتقت لعيونك موت !!
ابتسمت نجوى واطت عيونها وقامتهم

يتبع...