حبيتة شرقاوي💜🧸

200 جزء الثالت ورابع والخامس وسادس وسابع ..نهايـة🥺♥️تنسوش لايك لـكل حلقة محلاك🎶🥰

روايـــة # حبيته شرقاوي💜🧸
ـ 3باقي الحلقه المئتان والاخيره..💜🧸
ـ منقول

..
محمد : والله ما نبي نقولك قبل مانبيش يخش الشك بينا ونوجعلك راسك ونوجع راسي ..
نجوى : تقولي توضحلي مش هكي .. وبعدين مفرض ماتردش عليها خليها تدوي لغدوة الصبح .. لكن شكلك قاعدة واجعاتك لدرجة هاماتك هي و رديت عليها ..
محمد تكنطا : تو شنو الكلام هظا يا نجوى ..
نجوى : هذا هو يا محمد . والله لو انها مش هاماتك كنت كنصلتها وما دورتهاش
!!
ناضت نجوى من مكانها متكنطية و زعلانة وخشت لدار اتكت ..
خش محمد واتكا جنبها وقعد يشبحلها كيف عاطياته بظهرها وبينه وبينها فراغ
نجوى ايديها في بعض تحت خدها ودمعتها تقطر بروحها !!
قعد عيونه فيها ويتفكر في اماني اللي طلعتله وبتخرب حياته .. جبد شعره بايده خرف ..وزفر : هفففف
حسب نجوى بيه قرب منها وراها ..
اتكا على وسادتها وخدي ايده بايدها !!
محمد بصوت هادي : لو مزلت نبيها كنت وراها .. لكن انا نحبك انتي .. توا انتي ام عويلي اللي جاي !!
نجوى تسمع فيه وعيونها يدمعوا : لكن هي تسعى بش بتاخدك مني !!
قام محمد راسه وبوس كتفها : ما ياخدني منك غير الموت
نجوى وجعتها الكلمة ومارضتهاش فيه : ربي يعطيك طولة العمر !!
محمد : كان اتصلت اخرى انتي ردي عليها وسمعيها اللي يعجبك !!.....انا الانسانة هذي ماتهمنيش ومانخممش فيها ..طلعتها من حياتي من يوم باعتني ..
نجوى : تمنيتك صارحتني !!
محمد : موضوعها مش مستاهل يا نجوى والله ..ما تسوى شي .. توه حسستني لو كلمتني قالت نبيك بنعديلها نجري !!
نجوى : انا واثقة فيك .. بس خفت عليك منها .. تقول حناي الخير نسي والشر نسي ..
وهو مطبس عليها ويداعب في ودنها بخشمه و يهمسلها : شنو خايفة منها تسحرني
نجوى شدت ضحكتها ومن لقطاتها ذابت .. تلفتتله ووجهها في وجهه : نتوقعها عادي
محمد ضحك : ونتزوجها ويوم عندك ويوم عندها
نجوى شادة ضحكتها ومتكنطية دفاته : حول مبردك ..
محمد : ههههه
جبدها من ايدها وخداها في حضنه يضحك : والله عليك نجوتة صدقت هههه ..
نجوى : موضوع زي هذا مافيشي بصارة ايوااه
محمد : تمام به (وهو عاصرها ويبوس فيها)غيرتك هذي .. نموت فيها !!
نجوى : مانرضاش وحدة تشاركني فيك !!
محمد شبح لسقف وبصوت اعلى : يا ناااعلييي
نجوى : ههههه حييي سمعووك

تاني يوم جي محمد على قرب المغرب وخدي نجوى من المزين !!
محمد : تو وين تبي نعدي بيك للقاعة ولا الحوش !!
نجوى : للحوش بنلبس قفطاني !!
محمد : تمام !!
نزلوا خدي محمد غذاه من حوش العيلة تحت .. وركب لحق نجوى لشقة !!
لبست قفطانها ..
نجوى من الدار : حميداا !!
محمد ياكل : نعم !!
نجوى : تعالا سكرلي السحاب ماقدرتاش !!
محمد : هيا حبي شوية بس !!

قعدت نجوى تلبس في اكسسواراتها .. على خشة محمد
محمد ك هي شنو ؟
حولت نجوى شعرها
وسكرهولها .. وبوس كتفها ..
نجوى : صحيت !!
محمد ماعنديش فيه جميل .. ضحكت نجوى ووهي تبخ في الرائحة !!
وتلفتت : شنو هكي تمام ؟
محمد : قمر بيه وبلا بيه (يقصد المكياج)
محمد وعيونه في شفايفها: نحصلوا بوسة ولا يمتسح
نجوى : عادي ثابت !!
وقرب منها و....ّ
نجوى : هيا هيا معش وقت العويلة كلهم في القاعة قعدت غر انا !!
محمد : سيورك مروحة وين بتهربي !!
نجوى : مش قصة هروب هي .. لكن مفروض نكون مع اول الناس غاذي .. مش زي البرانية !!
محمد : باهي هي !!
وخدي جاكته لبسها ولبست جبتها وطلعوا !!