حبيتة شرقاوي💜🧸

117🥺🌚"بنت كاتبة 118 متلخبطة وبنمشي بنكتب زيها وخلاص"

روايـــة # حبيته شرقاوي💜🧸
ـ الحلقه المئه والثامنه ؏ـشر💜🧸
ـ منقول

محمد ضحك : نحنا غير نديروا الفضانية ههه
فرج ابتسم : ااااا به على خير ان شاء الله !!
محمد : ان شاء الله .. هي تصبح على خير ..
فرج : قدامك : كل خير !!

وصل محمد قدام حوش جده ..
وقام تليفونه واتصل بنجوى ..
نجوى مقعمزة تتعشا هي وامها وخالتها .. حست بهزة النقال ناضت ..

هند بصوت منخفض : يا مرا شدي بنتك ونحي منها النقال ..
ريمة : شن بندير خلاص توا قالهم بوها موافق !!
هند ملامح وجهها بتفاجئ وتعجب :شني ؟
ريمة :والله
هند : بررررا يا شينك حال انتي فيه يا ريمة .. كيف صغارك يمشوا كلمتهم عليك ؟
ريمة : يدبر راسه .. ما لياش دخل !!
هند : قالك هم البنات للمات .. فما بالك انتي بنتك اللي بتعطيها غادي في الشرق .. كيف بديري ؟ بتقعدي حارقة دمك .. ياسرك فيك ما سادك من سكر ..
ريمة : مالقيتش حل .. كله درته .. كلمتها كلمت بوها .. شي
هند : في حل ما درتيشي !!
ريمة : شن هو ؟
هند : هو انك ...
*عند نجوى *
نجوى تتكلم هي ومحمد بالنقال : وصلت انت ؟
محمد : اها مقمعز في السيارة !!
نجوى مشت للبلكونة وجبدت الستار : شبحتها سيارتك امبكري مدرسه .. علاش ما اتصلتش بيا اول ما وصلت ؟
محمد : والله يا عمري قعد في بالي الموضوع وما ارتحتش لعند ما حليته !!
نجوى : والله فرحت لم قلتلي مسحت كل شي عنده !!
محمد : توه ميسم الدور عليها !!
نجوى : انا خايفة توصل الدوة للعيلة .. تنتقم وتشدها ورانا مش حتهنينا !!
محمد : هذي ضروري حد يوقفها عند حدها !!
نجوى : ان شاء الله خير وخلاص !!
محمد نزل من السيارة وسكر الباب !!
نجوى : ترا اشبح فوق ههههه
شبح محمد فوق ويدور !!
نجوى تلوح بايدها باي : هني هني !!
محمد شاف نجوى مبتسمة وتلوح بايدها .. ابتسم : ياناعليا بتهبليني !! ننقز توه ولا كيف الراي ؟
نجوى : مجنوون !!تبي سارة تنقزلنا من البلكونة !!
محمد : هههههه لنقنها اطير طيارة كيف الخفاش هههههه
نجوى : هههه
محمد : مسمح ضحتك .. ان شاء الله ديما هكي !!
نجوى : وانت معاي انا ديما مطمنة ومرتاحة !!
محمد : تمام حبيبي خشي جوا ومعاش تصبي في البلكون منغبر ما تغطي على راسك ..
نجوى : حاضر يا غيور ..
محمد : كان ما نغارش عليك على من بنغار امالا ؟
نجوى : ربي ما يحرمني منك ..
محمد : ولا انتي يارب .. خلاص توه وصلت لشقة بعدين في الليل نكلمك فيديو

نجوى : تمام ..
محمد بصوت منخفض : انحبك ..
نجوى : نحبك حتى انا !!

عند ميسم مقعمزة وتتفرج على التلفزيون هي وحناها وياكلوا في الكاكاوية والسامينسة ..
رن نقال ميسم شافاته (نجوى تتصل) ردت : الو
نجوى : اسمعي محمد تم الموضوع مشي لمراد هذا ومسح منه الصور هو وصاحبه وعطاه درس مليح
ميسم ناضت من مكانها : الله !!! (وسيبت المكان) به شن صار ؟

العزوز اتبع في ميسم بنت بنتها بعيونها وتنقب في السمينسة :عجب هالتليفونات .. كيف يخلن في البنات يزقبن من مكناتهم ويتجارن من تركينة لاخرى تقول يحلن في قضية الاوكربي

*
ميسم فرحانة : معناها الليلة .. ليلتها سودة مغبرة على راسها !!
نجوى : كيف بديري ؟ بتقوليلهم انا خديت النقال ؟
ميسم : ايه !!
نجوى : مرات يجووا ضدك ..
ميسم : الموضوع اللي داراته مش ساهل !! لازم تتربى ..
نجوى : ان شاء الله خير .. امتى بتمشي ؟
ميسم : نستنى خالي النوري يروح !!
نجوى : به ربي معاك ان شاء الله !!

*وصكرت المكالمة *
ميسم : باهي والله !! نجمعهم تجي الوسخة سارة تبي تفرقهم .. اهو اليوم بتاكلي بايك يا سارة ..
وبدت ترقص و تغني " اللي ما يطول العنب حامض عنه يقول " وتصفق !!

وهي ميسم من الرواشن تصطاد في خالها امتى يجي !!
جي وهو خاش جايب بورزات وسبيزة لامه !!
النوري : السلاااام عليكم !!
ميسم : وعليكم السلام !!
النوري : وين حناك ؟
ميسم خدت منه البورزات : تتفرج على التلفزيون !!
خش النوري سلم على امه : شنو حالك اليوم ؟
العزوز : الحمد لله اهو ..رجيلاتي معقدات من التقمعيز ..
النوري : اتمشي يام ماتقعديش في مكانك .... اوني قدامك الجنان واسع ..
العزوز : وين صقع برا مانتحملش !!صحتي مش كيف قبل يا وليدي !!
النوري : حتى في الحوش !!
نوري وهو كيف طالع لحقاته ميسم
ميسم : خالي !!
النور تلفت : نعم ؟
ميسم : نبيك في حاجة !!
النوري : تفضلي !!
ميسم : مش هني تعالا للمطبخ !!مانبيش حناي تسمع ..
خش النوري وميسم ..
ميسم : قعمز على الكرسي ارتاح !!
ومشت ميسم تسخن في الشاهي ..
النوري : شني وحاطة البراد على النار شكله الموضوع طويل عريض ..!!
ميسم : قعمز قدام عمها في الطاولة : مش هلبا !!
وطلعت نقال سارة : هذا نقال سارة !! ادور فيه امس طايح منها .. وانا نضم لقيته طايح .. المهم فتحته ولقيتها واخده الصور متع صحبتي وباعتتهم بايميل ولد لمحمد ولد خالتي (ومدتت النقال ) اقرا !!
وبدي النوري يقرا وتكنطا
النوري : من اللي قالك ان بنتي لباعتتهم ؟
ميسم : ...

يتبع...