حبيتة شرقاوي💜🧸

85

روايـــة # حبيته شرقاوي💜🧸
ـ الحلقه الخامسه والثمانون💜🧸
ـ منقول

.
ريمة : هيا انزلي قلها تخف ايدها ،
نجوى : تمام (ونزلت)
ريمة في السيارة حاطة راسها على الستيرسو وتبكي وجعتها بنتها الوحيدة ، حست انها عاجزة وعلى قد ما دارت ماقدرتش تفصلها على محمد ، تبكي لانها حاسة انها ببنتها في يوم بتسكن بعيييد عليها بمسافة الموضوع والحب اللي في قلب نجوى لمحمد اقوى من انها تفكر و تحاول ادير محاولات تفرقهم ،
ريمة في داخلها :*( بنتي ياربي ، بنتي الوحيدة بتمشي بعيد عليا وبتسكن في الشرق !! ، رويس بنية وبتمشي وتخليني ، معقولة ماتحبنيش لدرجة انها مش حاسة بيا ولا رق قلبها ومصرة انها تسيبني وتمشي ؟؟ بنتي الوحيدة يا ربي بنتي هاذي !! لا نقدر نمشيلها في الوقت اللي نبيه ولا نطل عليها امتى مانبي ، شوفتها تبدا زي هلال العيد، انا اللي كنت متأملة ان بنفرح بيها وحتى تزوجت نديرها معاي في كل مناسبة وندللها زي قبل واحسن ، !!)
طلعت ريمة دارت دورا نص ساعة ،
نجوى تستشور قريب تكمل ، اتصلت بها ميسم ،
نجوى : ايوه يا شفشة ،شن الجو ،
ميسم : الحمد لله يا حلوو ، ماكلمكش محمد ،؟
نجوى : لا كلمني ،
ميسم : شن قالك ؟
نجوى :قال ساعة 5 يكونوا واصلين ، حقا بتجي ؟؟
ميسم : وووك منه مايشد شي قبل بنديرها مفاجئة .
نجوى : امالا ماتقوليلاش قتلك فكيني موقف بايخ ،
ميسم : لالا اكيد ، شنو دوشة جنبك شكلك في المزين؟
نجوى : اي قريب نكمل حصلت في القضية وماوتيتش روحي ، جت امي قالتلي هيا نرفعك .
ميسم : خاااالتي ريمة !! باهي قلبها ارطاااب ،
نجوى : ان شاء الله يمشي على خير كل شي !!
ميسم : ان شاء الله ، هي خلي بنبدل حتى انا جايينكم هههههه
نجوى : حسستيني مداهمة مش خطبة هههه
ميسم : هههههه هي باي يا باردة
نجوى : انتلفي حتى انتي هههه
كملت نجوى ، واتصلت بأمها ،
نجوى : ماما وين ؟
ريمة : برا هي اطلعي ،
طلعت نجوى كيف بتركب السيارة تشوف في امها وجهها احمر وعيونها منفخات *( خيرها زعما ، شكلها كانت تبكي ، ) ركبت نجوى ودارت روحها مشبحتهاش ماتبيش تقوللها خيرك لان عارفة بيرجع الجدال من جديد ويبدوا زي كل مرة من الالف .
وصلت نجوى ، فتحت الكيسة لقت بلوزة زهري هاذى واكمام ورقبة مرصعات ، عجبتها نجوى *( ماما ديما ذوق ) فتشت لقت الاكسسوارات وسروال جينز ،
نجوى : نلبس قونة احسن ،
لبست نجوى وحطت مسكرا فقط وشوي زهري على الخدود واكتفت وحطت عطر الياسمين ، ولبست الاكسسوارات وساعة اسود في الفضي .
على خشة ريمة : شني ترا شعرك ؟ (وتفاجئت) خيرك لبستي القونة؟ البسي السروال اللي جبته ،
نجوى : مانقدرش قونة استر ،ماعندهمش فيه السراويل وبعدين مش لايقة يخطبوا ونلبس سروال ،
ريمة : البسي رضوا عجبهم باهي ماعجبهمش يملحوا ،
نجوى كيف بترد وبتعاند تراجعت وتنهدت وفي نفسها *( توا كان بنعترض بتكبرها ، اهم شي خضعت للأمر الواقع ، ) وردت على امها ،
نجوى :باهي حاضر .
ريمة : ياريت الحاضر هاذي في كل شي !! (وطلعت وسكرت الباب ، )
نجوى : اففف امي ماتفوتش ساعة الا وتلقح فيها !

ريمة ولت تاني : البسي الكندرة المشماشي اللي في الكيسة ،
نجوى : لا ماما هكي هلبا ، مش ف عرس انا !!
ريمة : والله ماتلبسيهاش ماتعبي تطلعيلهم !!
نجوى اتضايقت وشادة الكندة وقعمزت على السرير !!
ريمة : الحوش مش مفرش شي طبيعي بتلبسي كندرة !!
نجوى : تمام تمام ،
فتحت نجوى الدولاب وطلعت شبشب ابيض فرو ، : تي والله لم نلبس هذا . شن هاذيكا !!
خشت نجوى للمطبخ تاكدت من كل شي واتي في الصفر ،
دورا اتصل بيها محمد ،
ردت وهي في المطبخ : ايوه روحي !!
محمد : ربع ساعة عشرة دقايق ونكونوا قدام الحوش ان شاء الله !!
*نجوى مشت لدار امها لقتها تلبس في اكسسواراتها ،
نجوى : ماما قريب يوصلوا ، زعما حناي ماتشوفهمش ؟ وتكبرها ؟ مفروض نادينا عليها ،
ريمة ادير في كودة بالتوكات : بالله عليك فكيني منك ، هي قصت رجلها وتبي اطلعنا وتلز فينا !! كلمتيها انتي وله ؟
نجوى : لالا ،
ريمة : خلاص فوتيها ،
نجوى : والله غلطة مفروض قلتلها ،
ريمة : حناك هاذي متع عار حشيشتها الفضايح وهي تبيك لميلاد شن متوقعة ادير ؟
نجوى : اي صح
 
ودورا رن نقالها يرن ،
ردت نجوى : ايوه !!
محمد : كيف نزلوا من السيارة ،
نجوى تفرفش ومتوترة ومرتبكة :اهم جو بش تفتحي الباب ،
ريمة : هيا به ،
نجوى في المطبخ واقفة ، رن محمد عليها تاني ،
نجوى : ايوه ؟
محمد : شنو جوك لنقنك خاشة بعضك كيف البنات اللي في باب الحارة لم تخطب فيهم ام زكي ههههه
نجوى تضحك وشادة روحها بالسيف : خلااص عاد الصوت بيطلع لشارع حرام عليك اضحك فيا توا مش وقته ،
محمد :تي عادي اضحكي ، كان ماضحكتيش امتى بتضحكي امالا ، هظا وقته هو نقعد انا وانتي جنب بعضنا في دارنا ونتذكروا ونضحكوا ،
* ريمة فتحت الباب لخميسة و نجاة و ميسم ،
وكيف سلموا و بينحوا كنادرهم وبيخشوا ،
ريمة خدت من خميسة سفرة فضة فيها بكلاوة مشكلة
ريمة :....
يتبع..