حبيتة شرقاوي💜🧸

104

روايـــة # حبيته شرقاوي💜🧸
ـ الحلقه المئه واربـ؏ــه💜🧸
ـ منقول

*صكرت نجوى ، وبعتت الرقم لميسم ، وبعتتلها رصيد .
ومنها على طول كلمها محمد ،
محمد : شنو حبيبي قاعدة ما رقدتيش ؟
نجوى : ومنين بيجي النوم ،
محمد : ان شاء الله تنحل ، كلمت الشاب وتوا بيعرف مكانه صحب الايميل ،
نجوى : به . تعرف من امبكري رسايل وتهديد ،
محمد : هانت تو نعرفوه من الجربوع هظا ونأدبه على طريقتي ،
نجوى : كنت نهدرز مع ميسم ،
محمد : وعرفت منك الدوة ؟
نجوى : اي حكيتلها ،
محمد : الحقيقة انا اول ما خبرت خبرتها هي مانبيش نقعد انا وانتي في توتر بعدها قلت لازم تعرفي هي المشكلة اصلا تخصنا ،
نجوى : اي صح ،
محمد : ما قالتش انها تعلم من قبل .
نجوى : لا
(الصحباات كيف يغطوا على بعضهم ههههه)
محمد : حبيبي مسج على الفايبر خليك ماتسكريش الفيس ، هظا الولد
نجوى على نار : تمام ،

محمد فتح الفايبر ،
فرج : هذي هي الصورة ، المكان في شارع ال.. . ادخل الرابط ، تو يفتح عندك موقع " ايرث" و شوف المكان تحديدا تلقى مؤشر احمر هو هظاكا المكان اللي متواجد فيه .
محمد : تمام لحظة ،
خش محمد الرابط ، استغرب ، المكان هذا ما يعرفاش !
محمد : مشكوور والله ماتقصر يا غالي .
فرج : ولو ، واجبنا ، ديما قايم القدر يا خال ،

* محمد يتحسس في لحيته ويخمم : من اللي يسكن في الشارع هذا ، حي سكني قريب من الحوايز . زعما مايكونش شاب ومعكس في استراحة ،
زاد ركز في الصور ، لقاه حي سكني .
محمد *( هظا حي سكني ، وحوش مكانه في مزرعة ، مش استراحة .. امممم ، توا نسأل نجوى ، )

محمد يتصل فيديو ردت نجوى ،
نجوى : ايوه ؟
محمد : بنسألك ، تعرفي حد يسكن في منطقة ال.. شارع ال...
نجوى تخمم : والله !! اممم ، لا حتى اقاربنا مافي حد يسكن الجهة هاذيكا ،
محمد يزفر : افففف ، باهي من ؟ خلي نتصل بميسم ونرد نكلمك ،
نجوى : تمام ،
محمد : انحبك
نجوى : انحبك موت ،
* رن على ميسم ،
ميسم تشرب في المية ، حطت الطاسة وخشت للفراش شافت النقال ،
ردت : ايوه محمد كيف حالك ،
محمد : تمام . اسمعي بنسألك !!
ميسم مقعمزة في فراشها ومنصته : اسأل ؟
محمد : تعرفي حد يسكن في منطقة ال... شارع ال ..
ميسم : في منطقة ال... ؟؟؟ (وقعدت تفكر داخلها : سارة عندها اقارب ولا ناس تعرفهم في المنطقة هاذيكا ؟؟؟)
محمد : اهاا ، الباين انه حوش في وساع مزرعة ، شاك انه ولد يهدد بايميل بنت .
ميسم : به كيف انت جاك ايميل ولد . وهي جاها ايميل بنت ،
محمد : انا مانقبلش في البنات ، وهي ماتقبلش في الشباب فهمتي ؟
ميسم تحك في راسها وتفكر : اهاا فهمت ،
محمد : احساسي شاب ،
ميسم : لا انا نقول بنت ،
محمد : كيف؟
ميسم : بنت تبيك انت واضحة ،
محمد : اماني ؟
ميسم : مش عاارفة .
محمد : لو يطلع فعلا زي ما قلتي ، فعلا ان كيدهن عظيم ،
ميسم : انا في حاجة في دماغي وان شاء الله تطلع صح ،
محمد : شنو هي ؟
ميسم : نتاكد قبل ،
محمد : عرفتي من اللي خذا الصور ؟
ميسم : مجرد شك !!
محمد : باهي من ؟
ميسم : محمد نتاكد وغدوة نقولك ، عاطية عهد لنفسي لين نتاكد ،
محمد : افف يا ميسم ! فكينا ، ياريت تطلع وحدة من افلامك
ميسم : هبلت انت انا مانديرش في صحبتي مقلب هكي ،
محمد : حاس نفسي مربط اليدين والكرعين والله ادوشنت .
ميسم : انت جبت راس الخيط والباقي عليا ،
فصل شحن نقال محمد ..
محمد : افففففف ، (ومشي يفتح في القجورة ، يدور في الشحن )
طلع من الدار : امي !!
خميسة اطبق في الدبش : نعم ؟
محمد : شحن نقالي كان في الدرج وينه ؟
خميسة : مش عارفة شوفه في دار خوك ،
مشي محمد خش لدار ، : امي وينه رمزي ؟
خميسة : مزرد ،
محمد : وشايل الشحن بتاعي ، عليك واحد . هظا يدير في روحه شيخ وهو لا استأذان ولا شي ،
خميسة شبحت في ولدها يفرفش ومتكنطي : توه عشان شحن هكي ادير انت ؟
محمد ساكت وخش داره وحدف النقال واتكا ، والليل كله يخمم في حل للمصيبة هاذي ،
* عند نجوى تستنى في محمد يكلمها ، جتها رسالة ماسنجر ،
نجوى فتحت الرسالة ،
[ الباين ماتبيش تبعتي الكرت ، امالا شوفي شن بندير ، ]
نجوى خايفة ترعش ، وتبكي ،
دورا وصل المسج التاني [ اهو نزلتها الصورة في قروب ال... ]
ودارتلها سكرين ، قاصة الوجه
[ قاعدة نستنى في الكرت غدوة والمرة الجاية وجهك باين ، ]
نجوى بدت في البكي ،
وتتصل بمحمد "مقفل"
ردت نجوى من خوفها : باهي خلاص غدوة نبعتلك الكرت ، وخلاص اللي قلتي تبيه يصير ، امسحي الصورة
[ يوصل الكرت نمسحها ، و لو نعرف انك تكلمي فيه ننهيك او انك تفوهتي بحرف واحد من اللي صار ، باي يا حلوة]
سارة : خلاص استسلمت البنت ، ههههه
انسام : والله اما انتييييي!!!
سارة : بش تعرفي ،
فاطمة مشبكة ايديها في بعض ومستلقية وتشبح لسقف ،
فاطمة : توا زعما تعاركت هي ومحمد ؟ على الصور ، ؟
سارة : شي اكيد شك فيهااا . وتوا كان سيباته معناها بيثبت الموضوع ضدها
فاطمة :انا نعست بنرقد ( وغمت راسها )

يتبع...