حبيتة شرقاوي💜🧸

127

روايـــة # حبيته شرقاوي💜🧸
ـ الحلقه المئه والسِابّْعه والـ؏ـشرون💜🧸
ـ منقول

بعد مشوار طويل روحوا تعبانين !!ّ
ريمة : مش عارفة علاش معاندة معاي يا بنت في كل شي !!
نجوى : ماما سايريني زي ما نساير فيك ديما !!
قامت ريمة نقالها من جهة وخشت نجوى لدارها قعمزت متفشولة من المشوار !!ّ
اتصلت بميسم !!
ميسم ردت : شن كملتي مشوارك ؟
نجوى : لين جهدي خلااص !!..حقا بنقولك
ميسم : شن ان شاء الله خير ؟
نجوى : حجزنا في صالة ما صارش من الخيمة !!
ميسم : الله ؟ علاش ؟
نجوى : دبارة امي !!
ميسم : معليشي غر كان جت في هكي !!
نجوى : ماهو ماتندريش انتي !!
ميسم : شن اللي مانندريش عليه ؟
نجوى تنهدت : اااه وخلاص ياميسم !!
ميسم : شن فيه ؟ ماتقوليش نكدة تانية ؟
نجوى : امس مكلمة محمد قالتله سيبها وانا مش راضية .. محمد الليل كله مافتحش نقاله وقعدت في نار
ميسم : حييي ..شن صار توا ؟
نجوى : لا توا الامور كويسة !!
ميسم : به الحمد لله !! اصبري لين ياخدك عنده وبعدها ماعندك على شن تخممي !!
نجوى : ان شاء الله ..وكل ما نقول اموري احسن مع ماما وكل شي تمام .. لازم اطلع موضوع ولا حاجة تخليني انا وياها زي الفار والقطوس ونقاش ونقاش لين الراس ينشف !!
ميسم : لا حول الا لله وخلاص ربي يهديها
نجوى : توا تعاركنا نا وياها على الديكور ..
ميسم : فيه حاجات يا نجوى ارخي عليها عادي خليها ادير زي ما يعجبها .. امورك الخاصة بينك وبينه ماتخلي حد يخش فيها !!
نجوى : توا بنكلموا المعازيم بنديروا تليفوناتنا انا وماما وبنعزموهم على الصالة !!
ميسم كيف ركبت السيارة : على الخير ان شاء الله
نجوى : شكلك طالعة .. المهم توصلي وكان فضيتي خلينا نهدرزوا على الماسنجر !!
ميسم : ان شاء الله به !!

وبدت ريمة في مكالماتها وتعزم في الاقارب والاصحاب والاحباب ..
*عند محمد *
محمد كيف خش : السلام عليك !!
ريماس : وعليكم السلام !!
محمد : نبي رايك ..
ريماس : ان شاء الله خير في شنو ؟
محمد قرب منها قعمز جنبها وفتح نقالها : اي واحد فيهم
ريماس : الاخر اسمح بواااجد !!
محمد : والله ؟
ريماس: والله سمح بجد ونازك !!
محمد : تممم .. مزال الدبلة !!
ريماس : ماعديتش لمحل ذهب ؟
محمد : منين الفضوة ؟ مضغوط واجد هاليومين .. عندي صديقي تاجر في الذهب الطلياني كلمته امبكري قتله دزلي صور دبل !!
ريماس : خير وخير !! مافيك وتعبت روحك ..
محمد : لا هظا ثقة !!
ريماس : لكن الظقم الي قتلك عليه توا اختارله دبلة سلوتير لايقة معاه !!
محمد : اهو دزهن الصور !!
ريماس : ترا نشوف ؟
محمد يوري في الصور لريماس !!
ريماس : كلللل وحدة اسمح من الاخرى .. تعرف نقولك شي ؟
محمد : اهاا ..
ريماس : دزلها الصور وخليها هي تختار !!
محمد : تممام !!
ناض محمد ماشي لداره ..
على خشةخميسة طالعة من دارها ..
ريماس : تقبل الله !!
خميسة : منا ومنك صالح الاعمال .. شنو محمد نسمع فيكم دبلة ما دبلة ؟
ريماس : اي جي وورالي صور محتار يبي يختار !!
خميسة : وكنه ما جاش وياخد رايي ؟ (وشبحت تحت تحسست وزعلت )ّ
ريماس ترقع فيها : اااه لا قالي بناخد شور امي حتى هي !!
خميسة : امممم !!

*عند محمد في داره يتكلم فيديو !!
محمد : حبيبي دزيتلك الصور شنو رايك ؟
نجوى : كلهم حلوات الحق .. احترت !!
محمد : اختاري ..
نجوى : عجبوني زوز ..
محمد ك اين فيهن ؟
نجوى :فضي في الذهبي هاذي (وبعتتله الصورة)
محمد : لحظة بس (وشافها) تصدقي (وابتسم )اختياري حتى نا ؟
نجوى : الله ..
محمد : والله
نجوى : بش تعرف القلوب عند بعضها !!
محمد : اكييد يا عمري ..بنسألك
نجوى : تفضل حبيبي
محمد : كم مقاس الدبلة ؟
نجوى : نلبس 13و نص
محمد : صوابع البشكوط ههههه
نجوى :وين بنهرب من تلقيحك انا هههه

وسمع طقة الباب !!
محمد : لوفي لحظة الباب يطق تو نكلمك ..
نجوى : قوية لوفي جديدة هاذي ..
محمد ضحك : مزال ماسمعتي شي ههههه
نجوى : باهي به ماشي
*وصكرت نجوى تضحك : عجزت مع لسانه .. هو يتغزل وانا مش عارفة شن نرد !!

محمد :خش !!
ريماس فتحت الباب وخشت : حميدا !!
محمد مرتاح وجوه رايق وحلو ..
محمد : اها شنو ؟
ريماس سكرت وراها الباب وخشت وتكلمت بصوت منخفض : امك امبدري سمعتنا وهي تصلي .. قالت كنه ماياخدش رايي ؟قلتلها قال بياخد رايك حتى انتي !!
محمد ضحك : ههه نبع الحنان هذي !! ههه بدت تغار من توه ؟
ريماس : عدي رقع معايا هههه وخود رايها !!
محمد : حاضر !!
ابتسمت ريماس لخوها وطلعت !!
طلع محمد ومشي لامه قعمز جنبها !!
محمد : امي !!
خميسة زعلانة : نعم !!
محمد حط راسه على ركبتها : نبي رايك !!
خميسة : في شنو ؟
محمد شاد النقال فتحه : شنو رايك اي دبلة فيهن ؟
خميسة تشوف ووازت وحدة : هذي ..
محمد قعد محتار بين اللي وازتها نجوى ووازتها امه !!
محمد : هي هذي عجبتك ؟
خميسة : اها .. حسيتها عملية اكثر !!
تلبسها في اي وقت ..
محمد : تمام .. (وتلفت لاخته غمزلها ) ذوق امي خير من ذوقك يا ريماس !!
ريماس شادة بنتها وضحكت : حتى هي نبع الحنااان ..

يَتْبّْع...