حبيتة شرقاوي💜🧸

29🔥✨

ـ روايـــة # حبيته شرقاوي💜🧸
ـ الحلقه الـتـاســـعـه والـــ؏ـشرون💜🧸
ـ منقول

ريماس : نجوى ، حبيبتي تعالي شوي ،
نجوى تلفتت : نعم ،
ريماس : طرابلسية اصلية ؟؟
نجوى : اي طرابلسية ، امي وبوي طرابلسية ،
ريماس : ما شاء الله على عويناتك تبارك الله يهبلن ، ريتك طلعتيلي في الشهور الاولى بالك يجي عيونه ملونين زيك ،
نجوى : سلمك ، كلك ذوق حبيبتي ، وماتندريش لعند ربي مش بعيد ، ربي قادر على كل شي ،
ريماس ابتسمت : ربي يحفظك ،
نجوى : ويحفظك يارب وينوضك بسلامتك ،

خميسة جت لريماس : بنتي رني على حميدا خوك يشيل الرشدة "مسقية" والحار ،ليه ولجماعته ،
ريماس : حاضر هي ،
واتصلت بخوها محمد ، ورد عليها ،
محمد : ايوه !!
ريماس : تعالا شيل العشاء ليك ولجماعتك ،
محمد : تمام .. لكم نفر حطيتن ؟
ريماس : ثلاث تباسي ، لحظة خليك على الخط (وتلفتت لنجوى )
نجوى .. كم تبسي ؟
نجوى : ثلاثة وفيه واحد زايد ،
*طبعا محمد سمع اسم نجوى وصوتها ولقاها تعول مع البنات زااادت كبرت في عينه ، ومخيلته مشت بيه لبعيد بكل ، تمناها تكون ليه في يوم وتعول على ماكلته ، ( الرجااالة كلهم اول شي يفكروا فيه بطونهم وعقدتهم الجوع هههههههه)
ريماس : خلاص حميدا ثلاث تباسي كانكم تبوا مزال فيه بزايد ،
محمد : تمام ،
وصكر الخط ،
ريماس : نجوى ميسم شيلن السفر ، محمد برا ،

وخدوا نجوى و ميسم العشي مغطي ،
*عند مهاب وجهاد*
يلعبوا جنب الخيمة برا مع الصغار ،
على جية محمد ،
محمد لفتوله نظره مهاب وجهاد ، شعرتهم كيرلي وطويلة ولبسهم نازك ،
محمد : تعالوا ، (وسلم عليهم )
محمد : شن اسمك انت؟
مهاب : اسمي مهااب
محمد تلفت لتاني : وانت ؟
جهاد : جهاد جمال ال... ونقرا صف اول
محمد يضحك : سيفي كامل ما شاء الله

*طبعا ميسم دفت نجوى هي الاولى ، وهي وراها ،
نجوى لمحت خوتها برا واقفين وهي شادة السفرة ،
نجوى : جهاااد مهاااب شن اديروا برا ؟؟ خشوا ،
زادت كبهت نجوى لقتهم واقفين على محمد ، تحششششمت لين خلاص
محمد عيونه لمعوا ، وجي بياخد منها السفرة ،
محمد : كيف حالك توه ؟ كيف حال يدك اليوم ؟
نجوى مبتسمة : الحمد لله ، احسن من قبل ،
محمد : الحمد لله ،
وخشت نجوى ،
ميسم : تعالي هني مديله هاذي ،
نجوى : لااا ههههه
ميسم : تو نوريك ، (وحطتها على الارض)
جت نجوى بالسفرة الثالثة،
وجي محمد هو واحمد خو ميسم ،
نجوى واقفة تستنى ،
محمد شبح نجوى خف مشيته وسبق احمد وخدي منها السفرة : خلاص خشي جوا تو نشيلها الاخرى ( مايبيش احمد يشوفها)
نجوى فهمت اللقطة : حاضر (وواطت عيونها وابتسمت )

خشت نجوى مبتسمة ، و طبعا داخلها فرحانة ، اكتشفت طبع جديد على محمد ، حزارته عليها وغيرته ، خلت نجوى تاخد جانب اجابي ،
نجوى في نفسها : *( يا ربي الانسان هذا قداش واضح وعفوي في تصرفاته ، "وقعدت سرحانة حست بشي داخلها ، وكانها تعرفه ليها سنين " ، سبحانك يا ربي و كأن مشي كل واحد في مكان وتلاقينا تاني بعد سنين )
على جية ميسم : نجوى ، يا هو ، ويييين ساااارحة ؟
نجوى فاقت : نعمم ، شني خلعتيني ،
ميسم : بعيد السو عليك ، تعالي جيبي معاي الصواني والمشروب . لينا ولخوتك خلي يجوا يتعشوا ،
نجوى : تمام ، به ،
مشت نجوى هي و ميسم ، خشوا للمطبخ يسمعوا في صوت خميسة شكلها تتكلم بالنقال وفاتحة المايك ،
خميسة : يا ولدي خليك على رايي أنا أمك نعرف مصلحتك ،
محمد : أمي والله نمشي ومعش نرجع أخرى ، معش تفتحيه ليا الموضوع هظا ،
خميسة : حمادي سلم وليدي أنا ما نبيكش تتغرب برا البلا ، سلم ولدي الله يربحك ،
محمد : أمي توه جنبي الشباب ، مش وقته الكلام هظا ، هنا ،

*ميسم قربت من روشن واحد من الديار اللي يطل جنب المطبخ الخارجي،
مشت بالشوي بدون ما ادير صوت بالكعب واشرت لنجوى بصبعها
ميسم : اششش
نجوى بايدها تاشر بمعنى " شن فيه خيرك ؟ "
ميسم كله تسمع فيه ،
خميسة : توه تقولي ، في وحدة في بالك انت ؟
محمد انفعل : اهاا في وحدة ، تمام ، خلاص قفلي على السيرة هذي ، وما توترنيش ،
خميسة : و منوو هي ؟ من تكون ؟
محمد : تو يجي الوقت وتعرفيها ،
خميسة : نعرفها انا ؟
محمد : امي يا غالية ، بالله عليك ، خلاص ، توه جنبي الشباب مرة اخرى نحكوا ، (وصكر الخط )
خميسة لخديجة : شفتي يا خديجة !!! مش قتلك أنا امبدري انه في وحدة يكلم فيها ،
خديجة : خيرها سارة مش عاجباته ولا كيف ؟
خميسة : أنا مستحيييل مستحيل ناخد لولدي برانية ع عيلتنا، اتلفهولي برا ، فهمتيني خديجة ؟ لكن بنت خوي نقدر نقوللها شن ادير وشن ما اديرش ، وهي وخوي وانا ، نلفوا عليه ، مش خير ما يضيع ، ؟
خديجة : فهمتك ، انتي حاولي اقنعيه وخلاص ،
خميسة : هظا دماغه كاسح ،
خديجة : ربي معاك يا وخيتي ، بس نصيحة تفكي روحك من الاقارب ، لو ما تفاهمش معاها تقعدي انتي وخوك النوري في مشاكل ،؟ خلي الولد على راحته !
(نجوى ما سمعتش كل شي ، لانها كانت بعيدة من الروشن ، لكن ميسم سمعت كل شي ،)

يتبع..