حبيتة شرقاوي💜🧸

60

روايـــة # حبيته شرقاوي💜🧸
ـ الحلقه الـ๛ـتوڼ💜🧸
ـ منقول

*في بنغازي *
محمد حاس بشي ناقص .. ما تصبحش في نجوى وما سمعش صوتها ..
مشي خش للمطبخ لقي رمزي يقلي في دحي ..
محمد : صباح الخير ..
رمزي : صباح النور .. اليوم انا واخد دور الحاجة خميسة ..
محمد : ارتاحت منك ..خلي تقعد عند بنتها ترتاح من حوستك
رمزي : شنو بترتاح مسكينة اكيد تعول على اختك وحاصلة فيها هي وعويلها ..
محمد : غر هيا شن درتلنا الفطور ..
مد رمزي لمحمد السندوتش ..
عند خميسة وريماس
ريماس : امي مزال قصدك بعد اللي صار يومها في العرس والفضيحة والكلام اللي تقول فيه جارتهم .. مزال قاااعدة مصكرة راسك تبي تاخديها لولدك محمد ؟
خميسة : انااااا مانبيش خاااارج العيلة فهمتي ؟
ريماس : ولو محمد ما اقتنعش شنو تبي اديري ؟
خميسة : يقتنع انتي اطلعي برا الموضوع ما تتكلميش
ريماس : يا امي محمد رااااهو طباااعه صعبة في حاجات .. لو شك في البنت هكي شوية بس (واشرت بصبعها) مستحيييييل يوافق ..
خميسة : انا هكي رزقنا وضنانا مانبوش يعدي برا فهمتي .. مزال فيه أراضي من حقي وما تنسيش جدك عاطي التوكيل لخااالك النوري ..
ريماس تصفق في ايديها في بعض : اناااااا خلااص معش فهمت على شان هنا ولدك ولا عشان الرزق يا امي ؟
خميسة : عشان كله .
ريماس تزازي ببنتها في حجرها : انا مش راااضية بكل عللي تقولي فيه
خميسة : اسمعي هظا هو رايي .. اسمعي يا بنتي. انا ما نضمنش حقي من خوي الا لم ناخد سارة لمحمد خوك ..
ماتنسيش صح انا وحدة من وخياته لكن من ام أخرى ..
ريماس : بلعكس يا امي نشوف فيهم كيف يحترموا فيك ويقدروا فيك ..
خميسة : لالا لكن وين توصل في الرزق تتغير الوجوه يا بنتي ..
ريماس : امي ديما انتي شكاكة .. عديها بالبركة وتو تشوفي كيف تجي معاك
( طبعا ام محمد "خميسة" بوها من طرابلس وأول مرا تزوجها هي ام خميسة شرقاوية ... جابت خميسة بس ومعش زادت صغار .. تزوج التانية طرابلسية وجابت .. النوري وعلي وخديجة ونجاة .. ومهند .. وفي ولادة رندة توفت .. ربتهم ام خميسة وماحسوش بيها انها مرت بوهم ابدا .. وينادوا فيا يا امي .. وخصوصا رندة اللي تربت على ايدها من القماط .. خميسة خداها صديق خالها .. واصله شرقاوي .. واللي هو بو محمد وريماس و رمزي)

*عند محمد *
انشغل على نجوى طول اليوم ما كلمتاش والوقت مع القايلة قرر يتصل بميسم يستفسر على حالها
محمد : اهلا ميسم شنو جوك ؟
ميسم : الحمد لله كيف حالك انت وشن جوك ؟
محمد : بخير والله ..بنسألك !!
ميسم : تفضل !!
محمد : ما كلماتكش نجوى ؟
ميسم : كلمتني من نقال خوها امبكري ..
محمد : وشنو حالها بالله ..
ميسم زلقت : والله الباين انها متضايقة كلمتها قالتلي تعالي العشية ونهدرزوا
محمد تغير جوه : باهي ما قالتلكش شنو السبب ؟
ميسم : لا والله .. خيركم ماتقوليش متعاركين ..
محمد : لا والله جونا تمام .. امس بعتتلي قالت نقال أمها تكسر وخدت أمها نقالها ..
ميسم : اااااااا .. تو نشوفها ..
محمد : بالله عليك طمنيني عليها ..عطيتيها الشفرة ؟
ميسم : والله من العرس ما تلاقيناش لتوا .. لكن حاضر توه فكرتني فيها تو نمشيلها اليوم ونعطيهالها ..
محمد : هظا عليش كلمتك على الشفررة اقل شي توصليهالها وتكلمني منها .. و انا خايف عليها تكون أمها ولا بوها كشفوها ولا خدوا منها النقال !!!
ميسم : لالا كنهذا راهو قالتلي .. انت المفروض كلمت نزار واتفقت معاه انك تبيها بش حتى كان صارت حاجة خوها يوقف معاها ويقول عندي علم الشاب وقف عليا ..
محمد : ماهو انا مابيتش نتصرف لين نصح بعدها نقول للوالدة وتقتنع وطول نشيلها تخطبها ليا
ميسم : خيرها مشش مقتنعة هي ؟
محمد : كل مرة تطلعلي بالموضوع وكله سارة سارة لين زهقت خلاص ..
ميسم : صار زنت عليك وقالتلك حتى على سارة ..
محمد : ت من العرس وهي تنطق غير في الاسم هظا .. كرهته ..
ميسم : لوح عليك .. صارت دوشة هكي كبرها يوم النجمة ..
محمد : شنو صار ؟
ميسم : جت جارة حوش جدي ماخلت ما حطت على سارة وقالت شدوا بنتكم و و و وصارت دوة بكل وراهي تكلم في ولدي ومش عارف شنو
محمد تكنطا : وامي تعلم يعني ؟
ميسم : أي وصار الشي قدامها .. لكن بالله عليك دير روحك ماتندريش ..
محمد : لالا كوني متهنية......... صار هكي هي الحكاية ؟
ميسم : لكن بعدها جت جارتنا تاني واعتذرت وقالت ولدي يكذب والبنت ظلمتها ..
محمد : وين حوشها الجارة هذي؟
ميسم : عمارة حمراء كبيرة مأجرة هي ،
محمد : عرفتها ..
ميسم : يمكن امك واثقة في سارة وشافت المرا لم اعترفت بالحق وقالت الدوة كذب .. نحس فيها خالتي مستحيل تاخدلك وحدة وعليها الدوة
محمد : تي قبل ماتاخدها ليا .. اناااا ما ناخدش وحدة مكلمة من قبل .. مستحييييل ..وانا أصلا نعرف حكايتها سارة كلها ، غير انا مانحبش ندوي ونهدرز بولية مهما كانت نيتها .. بينها و بين ربي
ميسم : أي خلاص دير روحك عدا الله ما سمعت شي مني بالله عليك !!
محمد : تي عيب الكلام هظا يا ميسم .. مش عويل انا ..
ميسم : حشاك ..
محمد :

يتبع..