حبيتة شرقاوي💜🧸

110

روايـــة # حبيته شرقاوي💜🧸
ـ الحلقه المئه و؏ـﺸره💜🧸
ـ منقول

واتصلت بأنسام : ايوه انسام ،
انسام : خيرك نتصل بيك ماترديش
سارة : نقالي راح ،
انسام : لاااا ما تقوووليهاش
سارة : والله ،
انسام : باهي كيف توا شن يصير في اللي درناه !
سارة : المشكلة ان ناسية الايميل والباسوورد متع الايميل اللي كلمناها منه البارح ،
انسام : خساارة ، وايميل مراد ؟
سارة : حتى هو مانحفظاش مدايرتله سكرين في نقالي !!
انسام : باهي دوري زيدي ،
سارة : حتى الصور متع هاذيكا ، قعدوا فيه ،
انسام : لكن خلاص اكيده صار زي ما تبي !!
ام سارة اطق على الباب ، وخشت ،
امها : هيااا هاتي الشطان ساعة ترغي ،
سارة : باهي ماما . شوية !! (وردت ع انسام ) اسمعي تو نكلمك مرة تانية ، ماما تبي نقالها !!
* صكرت ومدتهولها !!
***
*في بنغازي عند محمد*
متكي ويقلب في القنوات ،
صفن لحظة ، يتذكر في ضحكة نجوى وملامحها *( خدود الورد" ابتسم " ما نوصل فيها وتكون عندي ليين شعري يشيب ، " واتذكر موضوع الصور اضايق" الزفت ..!! ميسم زعما شنو دارت في الموضوع ؟
* عند نجوى وميسم ، جوهم مليح ،
على خشة سارة وجهها مقلوب وجايتها صفار ،
سارة : السلااام عليكم ،
نجوى وميسم : وعليكم السلام ،
ومشت سلمت على نجوى فوق من نفسها وبروس صوابعها
سارة : شني لامات بعضكم ، شكلي حيرت عليكم هههه
نجوى شبحت لميسم وشدت ضحكتها ،
ميسم : اي يا حنا وخيرنا شن ناقصنا ، انتم بس صحبات تلتموا !! حتى انا ونجوتة صحبات وبنلتموا ونديروا حوسة وشواء ،
سارة : قالوها ماري ولا تكون حسوود !!
ميسم : انا ونجوووتة ما نتقارنوا بحد ره . ايوااه ،
جبدت سارة الكرسي وقعمزت !
ميسم مشت لنجوى : خلاص اانتي مولية مدهوبة شيرة هاتي حرقتيه ،
سارة تهز في رجليها : شن جوك نجوى ؟ حالك باهي ؟
نجوى : اهو ماشية !! الحمد لله وخلاص .
سارة : خيرك شن فيه ؟
نجوى : سيبت محمد ،
سارة قلبها قريب يطير من مكانه فرحت وضحكت من عيونها ،
سارة : الله ؟ علاش شن السبب ؟
نجوى : هكي وخلاص ،
(ميسم طبعا تراقب في ملامح سارة وتمثيلية نجوى هههه)
سارة : ربي يعوضك خير منه . الله غالب نصيبكم مش في بعض !!
ميسم : ربي يبعتلها ولد حلال ويبعت لمحمد بنت حلال طيبة زيه ،
سارة : ان شاء الله ،
خش مهند وخدي حصته ، وطلع ،

سارة : وين حناي ؟ خيرها ماجتش وقعمزت في الجنان .
ميسم : قالت نسمة عليا ، عطيتها صونيتها داخل !!
*
نجوى : هي ماشي توا ميسم ، بابا يستنى فيا برا !!
ميسم : باهي . استني خودي هاذم ( وجتها مدتلها الصونية ) حصة اماليك ،
نجوى : صحيتي !! هي باي توا ، باي سارة !!
طلعت نجوى وروحت ،
ميسم تلم في الماعين وسارة مقعمزة ،
ميسم : خسارة والله وجعوني ،انفصلوا والله احلى ثنائي ،
سارة : هو هذا كل واحد ياكل نصيبه في الدنيا هاذي !!
ميسم في داخلها *:( اه يا بهيمة البهايم ، جاياتك الفضيحة ( حشا القاريين ) ربي ينتقم منك !)
*

عند نجوى في دارها بعد دوشت وتمدت على السرير تخمم في غدوة ،
نجوى :*( اف امتى بينتهي الكابوس هذا ؟ )
وقعدت تكلم في محمد بعد مابعتلها مسج تكلمه فيديو ،
نجوى مبتسمة : حبيبي ، وين لاهي وين ؟ (وحطت ايدها على خدها
محمد حاط ايده وراء راسه ومبتسم : نفكر فيك يا غالية ، انا فرحان بالخبر اليوم اللي جابه نزار !!
نجوى بنظرة استغراب : خيره شن جابلك ؟
* عند ريمة في دارها هي وراجلها *
ريمة متنررفزة : كييييف تعطي الرد بدون ما تقولي ؟
جمال : على اساس الموضوع صاير من وراك ، ماهو جو اماليع و تعرفيهم يستنوا في الرد ،
ريمة تمشط في شعرها خبطت المشط على الزيانة : مش وقته توا مش وقته ..مليون موضوع شاقيين بيه توا . يصبر مفروض !!
جمال : تي شن يصبر يا مرا ، هو هذاكا شن تبي اطفشيه ولا كيف ؟ ماتبيشي يصير ؟
ريمة : مانبيشي ومش راضية ، انت جبرتني نسكت ونساير ،
جمال : انتي هكي ولا هكي مصكرة راسك ، فلهذا صكريه النقاش ، مزال في كلام بنقوله انتي ماخليتينيش نتكلم ، بلاش منه
ريمة : شن هو ؟
جمال : مش مقايل .
ريمة : على راحتك !
جمال : في اي وقت يكلموني ويحددوا موعد للفضانية ،
ريمة : دير اللي يريحك انت وبنتك . انا ما ادورونيش !! (طفت سهارتها وتغطت وتلفتت لجهة التانية عطاته بالظهر )
جمال يشبحلها ، تكنطا منها ، وجبد الغطاء ورقد حتى هو ، وطفى سهارته

يتبع...