حبيتة شرقاوي💜🧸

45♥️✨

روايـــة # حبيته شرقاوي💜🧸
ـ الحلقه الــٌخامٌسُِه والاربـ؏ـون💜🧸
ـ منقول

درس محمد قدام المزين : هو هظا ؟
نجوى : أي هو هظا ..
ميسم تضحك : هههههههه دقيقتين البنت بدت تتكلم شرقاوي ..
نجوى تضحك هي وريماس ..
محمد : من بيجيكم بعدين ؟
ميسم : تعالانا انت باهي !!
محمد : انتن امتى تكملن ؟
ميسم : قبل المغرب اكيدة ..
محمد : تمام .. لان مع المغرب بنرد السيارة للوليد صاحبي وبنطلع في الموطو ..
ميسم : تمام اوكي ..
ونزلت ميسم ونجوى و ريماس للمزين ..
نجوى لريسبشن : معليشي اختي .. انا حاجزة عندكم واليوم الموعد ..
البنية : شن الاسم ؟
نجوى : نجوى و ميسم
البنت فتحت المذكرة .. : أي اهما ..
نجوى : ومعليشي عادي جت معاي بنت عمي ماحصلتش مزين تاخدوها عادي ؟
النت : والله مش عارفة .. اسألي ابلة ... تو تقولك تاخد ولالا ..

ومشت نجوى وقفت على المزينة ادير في تسريحة لزبونةة ..
المزينة : اهلاااااا نجووو كيف حالك .. كيف حال ماما ؟
نجوى : الحمد لله بخير ..
المزينة : شن قاعدة ولا مسافرة ؟
نجوى : لالا قاعدة في تونس ..
المزينة :باهي ربي يعاونها ..
نجوى : معليشي ابلة "فلانة"
الزينة : تفضلي حبيبتي شني ؟
نجوى : عندي بنت عمي جت معاي وماحصلتش مكان عفست فيها وحدة بعد ماكلمتها .. تاخديها ؟
المزينة تفلير في شعر الزبونة : امممممم (وشافت لريماس ) شن تبي ادير هي ؟
نجوى : مكياج وتسريحة ..
المزينة : خليها حاجة من الاتنين لان والله مضغوطة وتعرفي ماعنديش عاملات هلبا اغلبهم سافروا ..
نجوى : باهي خلاص .. انا بلاش مكياج باهي تسريحة بس وهي مكياج وتسريحة ..
المزينة ابتتسمت : حاضر .. لو عندي وقت تو نديرلكم الزوز ان شاء الله مكياج وتسريحة باهي ؟
نجوى : سلمها صحيتي !!
المزينة : سلمك احبيبة ادللي ..

مشت نجوى قعمزت مع ميسم وريماس : كلمتها قالت على أساس تاخدك مكياج يا تسريحة بس .. قلتلها خليني تسريحة وهي ديريلها كامل .. قالت باهي ..
ريماس تاترت : باهي علاش درتي هكي ..
نجوى : عادي : ما ادوريش انا تعرفيني في المكياج ايدي وتو نديره خفيف اهم شي التسريحة لان شعري طويل ..
ريماس : نجك ياربي .. ان شاء الله يواتيك الوقت الطيب ويعطيك مافي بالك ..
نجوى جي في بالها محمد : امين سلمك ..
وقعدوا يهدرزوا وجوا زباين وانقلب المزين ضحك وبصارة وتغير جو المزينة ..
ووقعد يووووم عالمي ما ينتساش ..
جي دور ميسم .. بدوا يستشورولها ..
وخشت مكيجت ..
المزينة : هيا نجوى قعمزي خلي يستشورولك ..
نجوى : خلي ريماس الأولى ..(وتلفتتلها) هيا بري خلي يديرولك شعرك وبعدين مكيجي )
مشت ريماس استشورت ..
وطلعت ميسم .. تشوف للمرايا ... وخشت ريماس وراها تمكيج
نجوى : ترا !!
ميسم تلفتت لنجوى : حلو ؟
نجوى : يهبل ناعم محلاه .. رسمة العين كان اطولهالك شوية ..
ميسم : تو نمشي نقوللها
نجوى : لالا خليها بعدين .. فكينا منها تو تتكنطا ماتحبش من يعقب وراها
ميسم : به ... اسمعي انا جايبة ايلاينر معاي ديريهالي !!
نجوى : في الصالة غادي .. مش هني ماتحبش حد يمكيج عندها ..
ميسم : شن المزينة هاذي !! تقول حرس بلدي
نجوى : ههههه عارفاتك تقعدي تربشي ماترتاحيش لين نديرهالك .. تعالي للحمام غادي ..
ومشوا للحمام ودارتهالها ..
نجوى : هكي تمام ..
ميسم : خلاص هي خلي نمشوا نقعمزوا خير ماتشوفنا ..
وطلعت ريماس كملت مكياج ..
ميسم : محلاااك تهبلي تقول بمبلة ..!!
نجوى : عسل طالعةةة
ريماس شافت للمرايا : ياناعلي مسمحني هههههه
نجوى : بالصحة عليك ..
ريماس : سلمك ربي يعطيك مافي بالك يا قلبي ..
نجوى : تسلمي ..
ميسم : هيا نجوى بري استشوي انتي ..

مشت نجوى استشورت وكملت مشت قعمزت ..
والمساعدة خدت ميسم وريماس دارتلهم التسريحة وبدت تاخد في زباين تانيين
وقعدت نجوى تستنى تستنى .. والمزينة لاهية في الزباين تمكيجلهم ..
ميسم : بري خودي مكان شن تراجي ؟
نجوى : لالا مانبيهاش هاذي اديرلي .. نبي الابلة .. قبل دارتلي لقطة نبيها تعاود اديرهالي ..
وفات الوقت قريب تجي ال5 ..
نجوى مشت للمزينة وقفت عليها : ابلة "فلانة" شن صار في التسريحة ؟
المزينة : استنيني شوية بس .. نكمل لزوز تانيين ونبدا فيك .. تبي مكياج توا وله ؟
نجوى : لالا مش لازم مكياج تسريحة بس ..

وقعدت نجوى تسنى .. وخشت الساعة 6 ..
ومحمد يكلم في نجوى على الفايبر ..
محمد :  ..

يتبع..