روايـــة # حبيته شرقاوي💜🧸
ـ الحلقه المئه والتاسعه ؏ـشر💜🧸
ـ منقول
وبدي النوري يقرا وتكنطا
النوري : من اللي قالك ان بنتي لباعتتهم ؟
ميسم : شوف دردشتها هي والولد !! طالبة منه الايميل !! ووعاطيهولها دايره بيه العملة هاذي ..
وشوف هذا ايميلها التاني باعته للبنت خطيبة محمد .. يا تبعتلها الكروت يا تنشر صورها !!
النوري ساكت ومصدوم : بنتي هكي ادير ؟ سارة ؟
ميسم : مع الاسف يا خاليي هاذي بنتك .. لحظة نسمعك تسجيل صحبتها !!
وفتحت ميسم التسجيل والنوري يسمع !!
*التسجيل*
ميسم : توا احكيلي انتي ما يطق فيك شي !!!
فاطمة : باهي !!
ميسم : من مراد وشن علاقته بسارة ؟
فاطمة : هذا الشاب تكلم فيه سارة قداش ليها ..وكلماته قالتله عطيني ايميل .. وعطاهولها
ميسم : شن دارت بيه ؟
فاطمة : بعتت رسالة لمحمد ولد خالتك وبعتت صور البنية
ميسم : نجوى ولا من ؟
فاطمة : اي نجوى ..
ميسم : تمام كملي !
فاطمة : وفتحت ايميل تاني وهددت نجوى كان ماتسيباش تنشر صورها في القروبات والصفحات
ميسم : به وشن تاني ؟
فاطمة : اي وقعدت تهدد فيها تبعتلها رصيد ..قالتلها ابعتيلي يا كنهذا ننشر صورك .. ولم تأخرت هي البنية نزلت سارة صورة بلا وجه مقصوصة
ميسم : يا عيني وانتي وينك من هذا كله ؟ علاش ما وقفتيهاش ؟
فاطمة : والله قلتلهم مابوش يسمعوا كلامي الزوز ويقلبوا في وجوههم !!
ميسم : هي ومني ؟
فاطمة : هي وانسام ..
ميسم : حسبي الله فيهم
وركب النوري طلع يجري متكنطي !!
ركب ويخبط في الباب متع الشقة ..
مشت سارة فتحت الباب !!
شافت بوها متكنطي !!
سارة حالة فمها في بوها ..
يجبدها النوري من شعرها : تعاااااالي !!
سارة تتالم : بابا خيرك ؟ خيرك شن فيه ؟
طلعت امها من المطبخ مخلوعة من عياط بنتها ..
النور لا تفاهم ولا شي كل الادلة بعينه شافها !!
سكر الباب بالمفتاح .. وفتح الدولاب وطلع السبتة !!
وهو يثني فيها !! : علاش باعته الصور لولد عمتك وتهددي في البنت ؟
سارة مصدومة وصفراء .. : اما صور ؟
النور : اما صور صار ؟ يا قردة .. عقاب الوقت تخليني على لسانات الناس .. قالبتيها على راسك !!
وبدي يجلد فيها وهي تعيط على على طول حسها ..
امها تخبط في الباب برا : النوري افتح يا نوري خلي البنت ..
وسارة : يا بابا خلاص يا بابا ياسر
وتعيط ما بطلتش ..
مهند سمع الصوت هو ومحمد !!
مهند : هذا وين العياط ؟
محمد في داخله *(لنقنها لميسم مقربعتها )
محمد : الصوت جاي من بعيد
!!
تي الصوت في العمارة يا راجل !!
الشاب : ان شاء الله خير !!
نزل مهند !!
يسمع في سارة تعيط ومشهوقة بالبكي ..
وامها : ليه عليك زرقت البنت هني .. ووجهها حتى هو شن تبي تشوهها ..
النوري : تي تقعدلي معاقة بالشمال ولاني مستعد نشوف العار اللي ادير فيه !!
*طقطق مهند*
مشي النوري فتح في ايده السبتة ومتكنطي
مهند مصدوم : خيركم شن فيه الصوت ل لوط ؟
النوري : مافي شي .. غير الواحد يغفل ايام يقلبوها على راسهم !!
مهند : مايمشيش الضرب كله ينحل بالهدوء والعقل ..
وشاف سارة فايتة طالعة من الدار وشادة دراعها وتبكي ووجهها خطوط حمر ودم منفخات ..
مهند : لا حول ولا قوة الا بالله .. ماتجيش يا راجل !!
النوري : تو كان نقولك تجي تكمل عليها !!
تهند مهند وزفر: والله الشباب يسمعوا فيه كله ..
وطلع !!
يتبع...ح
YOU ARE READING
حبيتة شرقاوي💜🧸
Romanceرواية سمـحة عجبتنـي لانه فيـها حب صـادق ومش لعـب بـ قلوب ناس🤤♥️☹️✨ ان شاء الله تعجبكم .
