حبيتة شرقاوي💜🧸

139💔😞مات

روايـــة # حبيته شرقاوي💜🧸
ـ الحلقه المئه والتاسعه والثلاثون💜🧸
ـ منقول

نجوى تشرب في المية وفجأة سمعت امها بصوت عالي : كييييف ؟؟ (وقفت من الصدمة)
حطت نجوى طاسة المية وطلعت تجري ،
نجوى : خيرك ياام ؟
ريمة داهشة وايديها يرعشوا : نزاار خوك يا نجوى ، نزار وخيك مات !!
نجوى انخلعت من كلام امها وقعدت تعيط على طول حسها : نزااار ماات !! كيف مات يام طلع امبكري يضحك ويسلم يام

ريمة : مشي نزار مشي يا نجوى ، دار حادث في الطريق هو واللي رافعه ،
نجوى مشهوقة تبكي : مش مصدقة لا مستحيل ، وخيي مات !!
وتغمروا بعضهم يتباكوا !!
ريمة انبلطت على الكرسي : اتصلي ببوك وخوالك ،
نجوى خدت النقال تتصل ببوها
رد.جمال : ايواه
نجوى تبكي وماقدرتش تقوله مدت النقال لامها .
ريمة شادة النقال وتبكي من الصدمة : ها يا جمال ،وصوتها يرعش
جمال وهو يسوق : خيرك شن فيه ؟

جمال انصدم شد فرين طول من صدمته بالخبر ،
جت هند تجري خاشة هي وبنتها ويتلبطوا ويعاودوا هما وريمة ونجوى ،
زهرة جت هي و كنتها ، ولحقوا كناينها التانيات ،
*
التموا الناس وبدت تزحم ، من الاقارب للاصحاب لناس العمارة ،

ريمة من هاذيكا العيطة اللي عيطتها معش عيطت قعدت مصدومة اما نجوى مقعمزة في وسط الحوش وتبكي !!
نقالها في تركينة ومش في بالها شي غير نزار اللي خداته الموت منهم !!
مي جت تجري بنقال نجوى : نجوى !! نقالك يشرين ..
لقتها ميسم ردت ،
ميسم : صباح الخير وينك البارح ؟
نجوى انشهقت بالبكي ،
ميسم خافت : نجوى خيرك تبكي وشن الدوشة هاذي ؟
نجوى : نزاار خوي (وتبكي)
ميسم نخلعت : خيره نزااار خيره !!
نجوى : عطاك عمره يا وخيتي !!
ميسم : لا يا نجوى ما تقوليهاش .. (وبدت تبكي ) لا يا نجوى قولي كذب قولي نبصر !
نجوى : توفى نقلبت بيه السيارة هو والولد اللي رافعه !!
ميسم صكرت من نجوى وقعدت ايدها على قلبها وتبكي فشلت عى الارض حاطة راسها وتبكي بالعبرة !!
*نجوى نقالها يرن " محمد"
ردت وصوتها تعبان من البكي ومشت لدار ردتها ،
محمد : كنك اربعة مكالمات ماترديش ،
نجوى : والله ملوح في الدار مانندري عليه !!
محمد : كنه صوتك شنو فيه ؟
نجوى : نزار خوي توفى
محمد انخلع : لا اله الا الله . امتى ؟
نجوى : اليوم الصبح وهو في الطريق نقلبت بيهم السيارة (وبدت تبكي منهارة )
محمد معش عارف شن يدير وجعه نزار وواجعاته نجوى : لا حول ولا قوة الا بالله عظم الله اجرك ،
نجوى معش سكتت !!
محمد : لا حول وبا قوة الا بالله ، الله غالب
نجوى : سلم عليه انا امبكري قبل ما يمشي ووصلته لدرج !!
محمد : الله غالب قضاء الله هذا ،
نجوى : اللهم لا اعتراض ،لكن مصدومة !!
محمد وجعاته نجوى لين خلاص سكر منها !!
*
ميسم على الارض راسها على ايديها زي الطفلة الصغير ومشهوقة باليكي والعبرة !!

ميسم : يا نزار مشيت وخليتني مشيت وسيبتني . ياربي ياربي ،ياربي حلم ونفيق منه ياربي !!
خشت امها نجاة عليها ، : يابنت خيرك ..خيرك شن فيه !!
ميسم ناضت قعمزت وبعبرتها : نزار توفى !!
نجاة مش فاهمة شي : من نزار ؟؟ شن تقولي انتي ؟
ميسم : خو نجوى يام !!
نجاة مصدومة في بكي بنتها وتشبحلها !!
مشت ميسم قلبها مهزوز من الصدمة وتغمرت امها !!
نجاة تخلط راسها وتاترت لبكي بنتها ، وهدتها طبطبت عليها ،
نجاة : استهدي بالله يا بنتي ادعيله بالرحمة ،العياط مش باهي للميت !!
ميسم : مصدومة يااام مصدومة راني بنموت الغصة في كبدي !!
نجاة فهمت : باهي نوضي اغسلي وجهك ..
ناضت نجاة ونوضت بنتها وماشية بيها للمطبخ وضامتها في حضنها شربتها مية وغسلتلها وجهها !!
ميسم صوتها يقطع فيه العبرة : نبي نمشي لنجوى غادي يام !!

نجاة : تو نكلم خوك يرفعنا . امسحي دموعك راهو يلاحظك!!
* عند جمال في المستشفى *
جمال دموعه على خده
والدكتور : الضربة جت في راسه وكسر في رقبته الباقي جسمه مش مضرر ،
مشي جمال هو والدكتور للغرفة ،
زوز على السرير مغطيين عليه بالشرشاف الابيض !!
مشي جمال وقف !!
واللحظة اللي تموت !! لم الدكتور قام الغطاء الابيض
وشاف جمال وجه ولده نزار ، مغمض عيونه وراسه مدمدم شوية !!
جمال نار في كبده ،طبس عليه وبوس راسه ،
جمال : الله يرحمك ويسامحك ، اللهم اغفرله يارب ،
وطلع جمال مكسور محروق الكبد على ولده ،
*
عند مهند مروح في الطريق !!
مهند يسوق : والله توا سمعت منك ره ، اهو غيرت مكاني قبل ماشي لشركة !!
محمد : بالله عليك حقهم ، شنو ناقصهم لم روحك انت وشباب الجيران ،
مهند : ان شاء الله !!
محمد : وانا تو ندبر كيف نجي انا والعيلة !!
مهند : تمام به ان شاء الله !!
**
جو جماعة جمال صحابه واقرابه من صغار خالات وصغار عمات ،
وبمعاونة الجيران في العمارة داروا الخيمة ،
والجيران اللي في الدور الاول فتحوا بابهم ومطبخهم لعوالة العزي !!
والنوري وهو مروح من الخدمة يشوف في الخيمة منصوبة
سأل واحد من شباب الجيران ،
النوري : شن فيه ؟ ان شاء الله خير !!
الشاب : ...

يتبع...ح