حبيتة شرقاوي💜🧸

179

روايـــة # حبيته شرقاوي💜🧸
ـ الحلقه المئه والتاسعه والسبــ؏ـون💜🧸
ـ منقول

خيرية : ما نشربش فيه حليب الباكو انا ، غالي عليا الحكة !!
ريمة : كيف تم ، تو نشوف وحدة من البنات تجيبلك من الغذائية تحت !!
خيرية : مش لازم عادي !!
ريمة : وين عمتي لا عارفاته غالي عليك انا وناقصة السفرة بلا حليب حكة !!
ضحكت خيرية !!
ريمة : مي تمشي تجيبي ؟
مي تاكل في نفصها : انا ؟
ريمة : ايه كان ماعندكش مانع !!
مي : اه به !!
مدتلها ريمة الفلوس ولبست جلبابها ووشاحها ونزلت !!
وهي خاشة للغذائية ، مشت جهة حكاك الحليب ،
مهند بصوت عالي جنب حكاك الحليب والهريسة : هريسة عربية هااااذي؟ ( وشاد الفازو ويقرا)
مي بتاخد الحكة تلفتت لقاته مهند انخلعت !!
مهند شبح فيها قعد فاتح عيونه مصدوم ، وبعدين ابتسم !!
خلصت مي الحليب ، وطلعت طلع مهند ببضاعة الفطور وخلص وخف مشيته وراء مي !!
مهند : عفوا!! معليشي نسألك ؟
تلفتت مي : شني تفضل !!
مهند : انتي شن تقربي لعيلة ال.. ؟
مي ابتسمت : بنت خالة العروسة !!
مهند : بالجودة بيك !! نعطيك رقمي عادي ؟
مي شحطت ملامحها وتعابير وجهها : وعلاش ؟
مهند : غر نبيك في موضوع !!
مي بلكنة حادة : اسمع سلم خوي ، انا مش متع دوة فاضية ، ستين وحدة غيري ، (ومشت وفاتاته)
مهند : تي لا ماتفهميش غلط !!
مي ماشية ومش معدلة !!
مهند : اسمعي ، ت اسمعي !! بسسس ، نكلم فيك والله جديات بالله !!
مشت مي كملت طريقها وركبت للعمارة !! ،
* عند محمد ونجوى *
جابوا طاولة المتحركة فطور !! فتح محمد الباب ودخلها !!
نجوى لابسة البيجامة بيضاء كربستان حريري !! وتنشف في شعرها قدام المرايا !!
جي محمد ووقف وراها وحاط ايديه على خصرها ودقنه علة كتفها ( وبوسه) نجوى تراقب فيه من المرايا وعيونها كلها حب ،
محمد : الريحة السمحة هذي ، نموت في اليسمين ،
تلفتت نجوى ورفعت شعرها المبلول وراء ظهرها وحطت ايديها على كتافة
نجوى : تموت في اليسمين وانا ؟
محمد يشبحلها : انتي يسمينتي اللي نموت فيها !!
نجوى : نحبك وكلمتين تانيات انا هكي بيغمى عليا !!
محمد : مزال شنو ريتي انتي ؟
نجوى قربت منه وبوساته !!
مشي محمد قعمز على الكرسي وطبطب علي رجله : قمعزي هنا !!
قعمزت نجوى ، ويوكل فيها وتوكل فيه !!
نجوى خدت طرف الكريب بايدها وحطاته في فمه !!
نجوى : امتى طالعين لبنغازي ؟
محمد ياكل : العشية !! (ايده على خصرها)
نجوى حطت كفها على خده : متشوقة نشوف حوشنا ماهو !!
محمد : الحوش اكثر مني عارف انا !!
نجوى : والله ما صارت !!
مد ايده محمد على طاسة العصير يبي يشرب نجوى ، سكب عليها بدون قصد وهي تشرب !!
نجوى تضحك ،
محمد : سامحيني مش قصدي !! ( وخدي الكلينكس بسرعة وقعد يمسحلها في رقبة البيجامة )
نجوى : عادي عادي تو نبدل !! ( وهي تشبحله كيف يمسحلها )
حدف الكلينكس على الطاولة وايده على دراعها ضامها بقوة
خدي بوسة من دراعها بعمق !!
حطت نجوى ايدها وراء رقبته وقربت من وذنه : حبيبي ، ربي مايحرمني منك
*
ريمة : هيا يا مي ، صابرين ، بسرعة جمال يستنى فيكم !!
جميلة طالعة بالشنطة !! وهند وراها !!
سلموا ،
ريمة : توصلوا بالسلامة ان شاء الله !!
* قعدت ريمة مع امها و عزوزتها ونسون خوتها !!
*
ركبوا السيارة رافعهم ميلاد وجمال ، وقدامهم سيارة صحاب مهند ، رافعين مهند واحمد ،
وايمن يسوق في سيارة مهند رافع ريماس وعمتها ،
وطريقهم للمطار !!
وصلوا للمطار وتلاقوا بمحمد ونجوى !!
مهند لابس نظاراته ويكحل في مي ، ومبتسم ، مي مبتسمة مش قادرة تشد روحها ورازنة قدامهم ،
أحمد يشبح لصابرين ويهدرز على محمد واقف عليه ومرة مرة يحدفلها في النظرات ويغمز ،
صابرين عجبها الجو فنتاستك ، وتبادل فيه في النظرات !!

وركبوا الطائرة طلعوا في الجو
محمد جنب ايمن ،
وريماس بروحها ، وعمتها جنب نجوى
مي جنب صابرين وتكلم فيها : تعقدت ، من الشباب !!
صابرين ضحكت : عادي ارخي روحك وخلي جوك حلو تعيشي !!
مي حاطة ايدها على فمها : تعقدت ( وشبحت قدامها لقت مهند يهدرز على احمد ويشبحلها ، وكل ماتجي النظرة في عيونها يبتسم )
هند جنب جميلة وشادة بنت مي !!
البنت اتعيط !!
تلفت مهند ومد شيشة ميا لهند : عطيها تشرب ودانها البنت من ضغط الجو !!
ومي تشبحله كيف تصرف !!
خدت هند المية وشربتها !!
سكتت البنت !!

يتبع...