حبيتة شرقاوي💜🧸

26😂😂🥺

ـ روايـــة # حبيته شرقاوي💜🧸
ـ الحلقه الـ๛ـادســـه والـ؏ـشرون💜🧸
ـ منقول

ميسم : هاذي اول حاجة بنحكيها لو نقولك مش حتصدقني ،
محمد : شنو هي
ميسم : البنت في حياااتها ما دارتش علاقة بكلللل ولا كلمت حد ،
محمد : والله ؟
ميسم : ورحمة جدي ، تي قتلك نعرفها زي نفسي ،
محمد : مصدقك ، باه كملي
ميسم : هي راس بنية مواليد 95 وعندها ثلاثة خوت واحد اكبر منها و زوز خوت توأم ولاد اصغر منها ، بوها تاجر سيارات امها دكتورة جراحة وتجميل ، والوسط المادي اللي عايشين فيه جيد جدا قريب للممتاز ،
محمد يسأل : عندها اخ كبير ؟
ميسم : اي نزار اسمه ، ويخدم في الصحراء ،
محمد : اممم
ميسم : اي بس شن تحب تعرف تاني ؟
محمد : انا تعرفيني يا ميسم الماديات والسطحيات ما ندورش فيهن ، اهم شي الثقافة والعلم ،
ميسم : والله عارفاتك حميدا
محمد : بالتمام ، باهي هي شنو تقرا او شن قرت ؟
ميسم : معهد حاسوب عالي ومكملة ،
محمد : جميييل جدا ،
ميسم : انا كله حطيتهولك قدامك ، وانت حر توه .
محمد خلل اصابعه في شعره وجبده للخلف : بصراحة والله !! تبي الحق !
ميسم : ايه .
محمد : وبيناتنا بالله عليك ،
ميسم متحمسة لبعد الجملة اللي نطقها حست في شي مهم ،
محمد : الحق اول ما شفتها استريحتلها يبان عليها بنية طيوبة ، مش خبيثة ، ورزينة ، وعجبتني من اول ما شفتها بجديات ،
ميسم : الله اكبررررر
محمد : كنك ؟ شنو فيه ؟
ميسم :لاااا شي ، بس شكي طلع في محله ،
محمد : نششششهد بالله انك وحدة مختله عقليا هههههه
ميسم : باهي صحيت ، تو لم تعرف بعدين بنت خالتك شنو تو يأنبك ضميرك ع الكلمتين اللي قلتهم توا ،
محمد : ههههه ماتزعليش ، تعرفيني نحب نتكلم بالطريقة هذي ،
ميسم : ههههه تمام خليها للايام يا محمد ،
محمد : تمام ،
ميسم : شني توه تبي تكلمها انت ولا انا نكلمهالك ؟
محمد : خليني نفكر في الموضوع و نقولك ، يا اما نتصرف انا ،
ميسم : تماااااام به ،
محمد : شكرا
ميسم ابتسمت : على شن؟
محمد : على سؤالك على هدرزتك وتغييرة الجو ، يعني لازم مايكون فيه حاجة تانية نشكرك عليها ، ؟
ميسم : فوق من انك بصايري ودمك خفيف ، لكن مرات بارد ، مصمطها على قولتكم في الشرق ،
محمد : هههههه مش اصمط منك ،
ميسم : ههههه باهي زيد غادي هي يا بارد ،
محمد : انتلفي هي ههههه
وصكروا الخط ،
ميسم *( داير روحه جوه عادي وهو قلبه مداير نوبة توا من الكلام لسمعه ههههه لئيم ولسانه سليط )
محمد مبتسم ومتشجع للموضوع *( ههههه هالميسم هذي ما تفوت عليها حاجة ، عيونها كيف كاميرات المراقبة شغالات ٢٤ ساااعة ، لا حول الا لله وخلاص )

يتبع...