حبيتة شرقاوي💜🧸

178

روايـــة # حبيته شرقاوي💜🧸
ـ الحلقه المئه والثامنه والسبــ؏ـون💜🧸
ـ منقول
.

تنهد محمد : ان شاء الله ، حجزت في مكتب بنعدوا للعمرة ان شاء الله الاسبوع الجاي !!
نجوى بفرحة ومتفاجئة : الله ؟
محمد : والله !!
نجوى : ربي مايحرمني منك !!
بوس راسها : ولا يحرمني منك !!
خدي محمد الريموت وفتح التلفزيون : خلي نحقوا فيلم ولا حاجة !!
نجوى تغمض في عيونها وتفتح !!
وقعدوا يتفرجوا ،
محمد : نجوى !! حقيتي ال.. ( ويسمع في نفسها متنظم كبه عليها لقاها راقدة وواخدها النوم جبد اليرغان وغطاها ، عدل مخدته وعلى طول خداه النوم !!
* الصبح مع الساعة ال 7
ناضت نجوى فتحت عيونها ، وهي في حضنه راقدة ،
شبحت فيه ابتسمت وتنهدت مرتاحة ، حطت كفها على لحيته وبوساته على خده وهي تشم في ريحته بكل هدوء
محمد مغمض عيونه ومبتسم : نضتي حبيبي ؟
نجوى : ايه انت فايق صار !
زاد ضمها محمد : فقت من بوستك السمحة كيفك ،
شبكوا ايديهم ببعض ،
نجوى : انا مش جايني نوم !! ( وتعدلت قعمزت ) نوض ياسرك نوم هيا ،
محمد بابتسامة : بنرقد كيفك البارح ،
نجوى انصدمت شادة ضحكتها : هااا هكي هي ؟
محمد شاد ضحكته : امممم بالضبط !!
نجوى خدت المخدة الصغيرة جنبها وضرباته : نوض ههه
فتح محمد عيونه ويضحك : هي هكي ؟
نجوى : ايه نوض (وتضرب فيه بالمخدة وتضحك ) ههههه
ناض محمد وجبد المخدة وضربها "ببصارة " : تنابشي هاا ؟ ها ها !!
نجوى تضحك : هههه والله لم نزيدك هاها ها ( وتخبط فيه )
محمد تحرك من مكانه ببيشدها : تعالي هنا ،
هربت نجوى من السرير نزلت وهي تقرقر : ههههه
نحى الغطاء ونزل من السرير ويضحك بمكر : وين بتعدي يعني ؟ ( وقرب منها )
نجوى تشبحلة كيف بتخوى تهرب يمينه جبدها وايديه حايطة على خصرها ،
نجوى ميتة من الضحك ، : خلاص بالله عليك !! ( وهي حاصل عليها على الحيط )
محمد يشبح في عيونها : وين تضربي بالوسادة ودايرة روحك بطلة ( وغمز، ...وقرب وجهها من وجهها ، ويداعب في ارنبة خشمه بخشمها ) شنو ، كنك ؟
نظراته الناعسة لعيونها وشفايفها ، ذوبت نجوى واستسلمت !! و...
خداها وتكاها على السرير ، وهو يشبح في عيونها ،
محمد : لقد هرمت من اجل هذه اللحظة التاريخية ،
نجوى : ههههههههه
محمد ضحك : اسكتي يسموعنا جماعة الفندق !! ، ( ويشبح فيها) والله نحبك ، وانا لتوا مش مصدق .. انتي بين ايديا توه ،
نجوى : انا لتوا نوسوس بالك حلم !!
محمد : نعضك بش تصدقي ؟
نجوى بتهرب مش قادرة : لالا بالله عليك ،
محمد شاد ايديها الزوز على السرير
وونزل بنظراته لرقبتها : اممم في رقبتك ، تبيها يمين ولا يسار ( واندس وجهه وانفاسه بين حوسة شعرها ورقبتها وعطرها)
نجوى ، لكن هدت وسكتت !!
* في بنغازي *
ميسم نايضة بكري توتي في الفطور للعويلة !!
على نوضة وحدة من البنات : شنو بكري ؟
ميسم تستف في الطواسي على السفرة : اي نشاط وحيوية !! ( وحطت القلاية على النار )
*
رمزي فاق من نومه لقي زينب واقفة على المرايا تلبس في الاستريتشا على شعرها ،
رمزي : حبي صباح الخير !!
زينب بابتسامة : صباح النور نضت !!
رمزي : لالا قاعد راقد ، شنو تحقي فيا امالا!!
زينب ضحكت وقربت قعمزت جنبه : هي نوض افطر !!
رمزي :واتي ؟
زينب : اها
رمزي : وانا نحق في بنة الشاهي والنعناع ، ( قعمز وقرب منها )
على طقة الباب ،
زينب : من زعما ؟
رمزي : صبي البسي حاجة مستورة وحقي من !!
ناضت زينب لبست طرف الروب وسترت روحها !!ومشت فتحت الباب !!
خديجة شادة السفرة : صباحية مباركة عليك عريستنا !!
زينب ابتسمت : تسلمي !! (وخدت منها السفرة نزلت خديجة وسكرت الباب)
على طلعة رمزي من دار النوم : من ؟
زينب : مش عارفة يمكن خالتك جابت الفطور !!
رمزي خدي منها السفرة : هاتي عليك !!
(وخشوا للمطبخ يفطروا)
*
خميسة شادة النقال : الحمد لله بخير كيف حال حميدا ؟ ما كلموكمش ؟
ريماس : امورهم كويييييسة ، اليوم احتمال معديين بنغازي مع بعضنا !! انتي توا كيف حالك امي ؟
خميسة : الحمد لله ، بس عندي الدهشة ونساير في روحي بالسيف !!
ريماس متأثرة : اها ، ربي ياربي يشفيك يارب ، مش مأيسة انا وعندي امل !! غير كان تاخدي العلاج بس
خميسة تنهدت : كل واحد ربي كاتبله عمر بيعيشه !!
*
*في طرابلس في حوش امالي نجوى *
مي في البلكونة متع غرفة نجوى تنشر في دبش بنتها !
على طلعة مهند كيف بيولع سبسيه في البلكونة المقابلة شافها ، لابسة التسمال على راسها رابطاته وقصتها الذهبية تلمع في الشمس !!
مهند قعد يشبحلها وحال فمه وخلاص !!
مي كيف مزال بتقيم الدبش وبتحط على المنشر ، قامت عينها لقاته مهند يشبحلها !! انصدمت وانخلعت وارتبكت ، خشت تجري !!
خش مهند قعمز في الدار وولع دخانه ويتذكر في اللقطة !!
مهند : تي شن الطرف المغبر هذا ع الصبح ، (شقراء و شعرها شواط شمس )
مي تفطر مع العيلة وسرحانة في اللقطة اللي صارت !!
خيرية : ما نشربش فيه حليب الباكو انا ، غالي عليا الحكة !!
ريمة :..

يتبع..