حبيتة شرقاوي💜🧸

142 " خو سنـدك فـ دنتيـك "🥺🔪

روايـــة # حبيته شرقاوي💜🧸
ـ الحلقه المئه والثانيه والاربــ؏ــون💜🧸
ـ منقول

مشت هند وقفت على ريمة ونجوى !!
هند : اسمعوا قال جمال توا كان بتعيطوا مش حنخششه !
ريمة تفرفش وعيونها مدمعات : وينه نبي نشوفه جابوه ..
هند : بلا عياط ونواح ،
ريمة هزت راسها " به"
هند شافت في نجوى : باهي نجوى؟
نجوى : به!!
وقفت هند في وسط الخيمة ، وقدام النساوين !!
هند : بالله مايعيط حد اهو بيدخلوه توا !!
* ودخله ميلاد وجمال ،
وميسم تبكي في حال هي ونجوى .
فتح جمال عليه ،
عرا على وجهه ، نزلت ريمه على ركابها تبكي وتبوس فيه : الله يرحمك الله يسامحك ،
نجوى شافاته وزادت دموع يدرفوا وتبكي نزلت سلمت عليه ،
اما ميسم من شافت ملامحه . جي في بالها ذكرياتها معاه كلها ، واخر مرة من يومين كيف عطاها السلسة !!
صابرين متغمرة امها وتبكي !!
وخيرية بفراشيتها مقعمزة وتبكي مابتش تنوض تشوفه !!
طلع بيه جمال وميلاد ، ومشوا رفعوه بش بيدفنوه ،
نجوى مندسة في حضن ميسم وتبكي بالعبرة . اما ميسم دموع تزل سخونة جمر والقلب في نار !! وسرحانة في التابوت كيف طلعوه !!

ريمة وقفت على رجليها وقالت :الحمد للله ، الحمد لله (ومشت خطوات ، وبعدين صاااخت على طولها !! )
نجوى عيطت : اميييي !!(ومشت تجري) امي خيرك امي ،جيبولي ميا !!
(والنلس التمت وصحبات ريمة حتى هما )
مشت مي جابت المية وجت
نجوى تبل فيها وتعاود !!
نجوى : يا ناس امي مابتش تفييق . مابتش تفيق !! (شافت فمها متعوج وايدها ترعش وتفتح في عيونها وتسكر) ميسم اتصليلي بخالي يجي ولا اي حد منهم
وحدة من صحباتها : نوضوا شاملوها معاي تو نرفعها بسيارتي !
وشاملوها النسون وركبوها السيارة !!
نجوى كيف طالعة بتمشي معاهم !
هند : خليك انتي الناس تملى وتفرغ ، انا تو نمشي معاها !!
خشت نجوى قعمزت على الكرسي تبكي !! : ياربي مات خوي وتوا امي مرضت !!
ميسم شدت على ايد نجوى : خلاص استهدي بالله كلنا الوجع واحد ، ادعي تنوض بخير !!
نجوى عيونها مدمعات و تشبح في عيون ميسم : ماشفتيهاش يا ميسم ايدها ترعش وفمها كيف ؟،
ميسم : ان شاء الله خير (وتغمرت نجوى)

صلوا الجنازة وكملوا دفن ..
جمال قريب فقد توازنه .. لكن جنبه محمد شده .. وسند عليه !!
الناس تسلم محمد في الصف !!معاهم وتسلم مع جمال ..
ووقت المرواح جمال ماشي وجنبه محمد : نتعبك سلم ولدي ..
محمد : تفضل ولا يهمك !!
جمال : انا مانقدرش نسوق الدنيا سودة قدامي !!(ودخل ايده في الجيب ومدله المفتاح )
تسوق انت ؟
محمد : تمام ولا يهمك !!

مهند تلفت لمحمد : شن محمد بتروح ؟
محمد : برا انت تو نلحق !!
مهند شاف محمد فتح باب سيارة جمال وركب .. مشي وكمل طريقه !!
في الطريق
جمال : بارك الله فيك ولدي !!
محمد : وفيك بارك الله ع شنو
جمال : نشبح فيه من امبكري تنزل وتكركر !!
محمد : مش بينا حني عيلة وحدة توا !!
دورا رن نقال جمال .. طلعه من جيبه !!
لقاها هند
رد : ها شنو ؟
هند :احني في المصحة رافعين ريمة تعبت شوية .. وطلبوا عليها دخول !!
جمال انصدم : وييين اما مصحة !!تمام انا جاي !!
صكر جمال مكالمته !!
جمال لمحمد : بالله سلم ولدي برا بيا لمصحة ال.. المرا تاعبة وطالبين عليها دخول !!
محمد انصدم : لا حول ولا قوة الا بالله !!
ومشووا للمصحة ووصلوا !!

جمال لهند : ها كيف شن صار .. خيرها ريمة ؟
هند : قالوا جلطة نصفية !!
جمال تنهد وفي قلبه ستين وجع !!
محمد واقف من مسافة ..
هند من بعيد : خير كيف حالك ؟
محمد مواطي عيونه ومتحشم : الحمد لله كيف الحال !!
هند : الحمد لله
خش جمال على مرته .. لقاها بالاجهزة وراقدة في دار الانعاش
شد ايدها : شدي العزم يا ريمة .. يارب تنوضي بالسلامة ..مزال فيه نجوى وولادك الزوز وانا نستنوا فيك !!
* في العزي !!
صابرين : نجوى خشي ارتاحي خلاص اهو حني قاعدين !!
نجوى مقعمزة وسرحانة : منين بتجيني الراحة بالله خوي مشي وامي في المصحة !!
صابرين لميسم : خوديها لدارها خلي ترتاح .. واحني تو نقيموا بالواجب !!
هزت ميسم راسها "به"ّ
ومشوا ركبت نجوى لدارها معاها ميسم !!
نجوى خذاها النوم !!
ميسم طلعت من الدار بهدوء وردت الباب !!
خشت لدار نزار وفتحت الدولاب متعه وهي تبكي خدت التيشرت متعه وتشم فيه ومغصوصة تبكي بالعبرة !!
**
في الليل مع الساعة 12
رن نقال نجوى وردت ..
نجوى : ايوه حبيبي !!(بعفوية من كثر ما ماشية فيها)
محمد قلبه عليها ورد : عيون حبيبك .ز كيف حالك توا احسن ؟
نجوى : باهي من ربي بخير !!
محمد : تعشيتي ؟
نجوى : ايه !!
محمد : شن تعشيتي ؟
نجوى : طرف خبزة وشاهي !!
محمد واقف في الممر متع المستشفى : عليش به ؟
نجوى : والله ماخاطري بالله
محمد : به على راحتك .. ماتزعليش مني .. انا خايف عليكي بس !!
نجوى : عارفة .. ربي مايغيبك .. وجودك انت اللي مهون عليا .. لو انت مش في جنبي مش عارفة شن صار فيا ممكن
قص عليها محمد : اسس يا عمري خلاص انا معاك ومش رح نخليك !!
نجوى : ان شاء الله !!
محمد شاف جمال جاي : ..

يتبع...