حبيتة شرقاوي💜🧸

4

روايـــة # حبيته شرقاوي💜🧸
ـ الحلقه الرابـــ؏ـه 💜🧸
ـ منقول.

نجوى : غر ما تعقدش الموضوع ارفعني والله خاطري نحضر ، صحبتي حتى هي وكنا نقروا مع بعض قروب واحد انا وهي وميسم ،
نزار : خالتها نفس عمركم ؟
نجوى : اي هي الصغيرة ،
نزار : خلاص تم ..به ،
نجوى رفعت ايديها فوق فرحانة : قصدك بترفعني ،
نزار : على شرط ،
نجوى : اي شن هو
نزار : خاطري في محشي ادريهولي الليلة ، و نبي بسبوسة ، ونبي شاهي بالكاكاوية ،
نجوى فتحت دراعيها وصفقت بكفوفها : اختك فالحة وناشطة يا بابا ، بالك تحسابه مستصعباته هذا كله ،
نزار : ههههه ايوه متفقين معناها ،
نجوى : خلاااص متفقين ،
على خشة التوأم الزوز " مهاب ، جهاد "
مهاب يجري هو و جهاد تغمروا خوهم نزار ،
نزار : يا مشفشفين مزال ما حلقتوش ؟؟؟
نجوى قامت السفرة : هكي احلى ،
نزار : تي منظرهم زي قش العصافير ،
نجوى : هكي احلى طالع عليهم وبعدين الدنيا شتي توا ، يدفا الجو تو يحلقوا ،
*نبدة بسيطة عن نجوى*
" "نجوى " مواليد 95 مكملة دراسة وتخرجت من معهد عالي "حاسوب" وهي البنت الوحيدة وعندها ثلاثة خوت ، الكبير "نزار" والزوز صغار توأم "جهاد "و "مهاب" ، امها "ريمة " دكتورة جراحة وتجميل وبوها صاحب محل ذهب ومهن حرة بمختصر تااجر ، وضع عيلتها مرتاح جدا و حالتهم المادية جيدا جدا ، برغم من ان امها مش حارمتها من شي وكل شي ومن احسن مايكون يصبح عندها طول بطلب ولا من غير طلب ، امها تسافر هلبا ، علاقة البنت ببوها قوية مقارنة بعلاقتها بأمها ، بحكم امها عندها نوع من القسوة في تصرفاتها ومش متعمقة وقريبة من بنتها هلبا ، اللي خلا نجوى قريبة هلبا من ثلاثة اشخاص بوها "جمال " وخوها "نزار " و صحبتها "ميسم" ، برغم من انها لم تحكي معاهم ترتاح ، الا انها ما تقدرش تحكي كل شي في قلبها بحكم انها انسانة ذات طباع غامضة جدا ، تميل مرات للوحدة ، عاطفية وتحب يكون في حياتها شخص قبل ليحبوا بعضهم، شرطها بينها وبين نفسها ، انه يكون جدير بثقتها ، ويحس بي احتياجاتها المعنوية ، هي بنت من النوع اللي لو ما اقتنعتش بشي معين ، تسكر ودانها وتمثل غبية بلهاء ، ادور في راحتها وين ما هي مهما كان الثمن ، "

*في بنغازي *

مع العشيات خش للمطبخ طلع البكرج بيطيب قهوة
حط المية والسكر على النار ، وقعمز في الكرسي يستنى فيها تغلي
و فتح نقاله يتصفح في الفيس ،
خامسة كيف نايضة بتتوضأ ،
خامسة : حمادي شنو ادير ؟ (وكبهت على الغاز ) ادير في قهوة ؟
محمد : نحسبك معاي في فنجان ؟
خامسة : يا ريت ، راسي نحس فيه موجوج ،
محمد : تمام به ، عدي صلي تو تلقيه واتي ،
خامسة : طالع انت ؟
محمد : اهاا ،كنك تبي حاجة ؟
خامسة : قبل نبيك تشيلني عند اختك قالتلي تاعبة شوي ،
محمد : السيارة مش عندي ، عند رمزي كلميه يشيلك ،
خامسة : ان شاء الله ، (ومشت خطوات للحمام وولت تلفتت) حمااادي !
محمد : نعم امي ،
خامسة : متى بتعدي لتركيا ، ؟
محمد : انسيها تركيا ، مش معديلها قاعدلك هنا ،
خامسة : تحكي من جدك ؟
محمد : بعد عرس خالتي رندة كان سخر الله ،
خامسة تنهدت ورجعت بتخش للحمام ،
*محمد ركز على المية والسكر لقاهم يغلوا
نزل البكرج وحط القهوة ، تم وجهزها ،
دار فنجان ليه و لأمه ، اتذكر انه امه مطيبة مقروض وغريبة ،
مشي لدولاب وخدي الحفاظة ، وحط في صوينية صغيرة ،
.
.
.
شاف لقي امه كيف سلمت وكملت صلاة ،
جي بالسفرة وحطها جنبها وقعمز ،
خامسة فرحت : نجك ليا ، مدللني وحاسبني معاك في القهوة ، (وجت عينها على الصونية فيها الحلويات ) ما شاء الله وحلويات ،
محمد : كم عندي ام انا ، ؟
خامسة : ربي يرعاك ، يا سعدها اللي بتجيك ،
محمد : هههه هكي قولتك ؟
خامسة شربت من الفنجان وحطت
خامسة بشهقة : هيء ومنين تلقى زي ولدي !

*في طرابلس *
-يوم تسجيل التوأم-
نزار يسوق ، جنبه نجوى أخته ، و التوأم مقعمزين الخلف وكل واحد عنده تاب يلعب بيه ،
نزار يسوق تلفت وراه : غرييييبة معش فيه شطيح و رديح زي قبل !
نجوى تلفتت لخوها : على مني؟
نزار : على دندي و مندي اللي تالي ،
نجوى تلفتتلهم : ههههه غر معش تنق خير ماتنقلب الحكاية العكس ،
نزار : لا خلاص ، اهو سكتت ،
نجوى : هي هاذي درس هني !
نزار : هاذي خاصة !!
نجوى : اي صحبة ماما مديرة هني ،
نزار درس و جبد فرينو مانو : والله عامة خيرلهم ،
نجوى : ومن يقدر ايناقشها ست ريمة ؟ هذا رايها !
نزار : هي انزلي ،
نزلت نجوى وفتحت الباب لخوتها التوأم ونزلوا ،
وخدوهم من ايديهم الزوز وخشوا بيهم للمدرسة ،
وهما في مكتب المديرة ،
المديرة مبتسمة : لحظة عن اذنكم نكلم استاذ ميلاد يجيب الختم ،
*طلعت المديرة
نزار : تررري وخلاص ختم المدرسة يدور في كل تركينة
نجوى شدت ضحكتها : اسسكت كان ما تسمعك ،

خشت المديرة وقعمزت ، وقعدت تهدرز على نجوى
المديرة : كيف حال امك ؟
نجوى : الحمد لله ،
المديرة :خيرها ما جتش عييت ونوصي فيها تعالي لم بتسجليهم
نجوى : ماهي مسافرة
المديرة :..

يتبع