حبيتة شرقاوي💜🧸

177

روايـــة # حبيته شرقاوي💜🧸
ـ الحلقه المئه والسابعه والسبــ؏ـون💜🧸
ـ منقول

خفض سرعته ودرس !!
ريماس : كنه درس ؟
ايمن : مش عارف !!

*في بنغازي *
رمزي ماباش يخش والعروسة متكنطية تبيه يخش لكن عند !!
ركبت العروس السيارة ، وجي رمزي ركب !!
العروسة والعة : كنك ما خشيتش القاعة وصورنا !؟ !
رمزي : لالا التصوير حرام ، والاختلاط حرام !!
العروسة : ااها باهي !!
رمزي : زعلتي ولا شنو ؟
العروسة : لا عادي ،
رمزي : ت تعجبيني انتي ، والله لو تقعدي هكي تسمعي في كلمتي تاخدي اللي تبيه يا زينب !!
العروسة : ان شاء الله ،
* خديجة في السيارة ومعاها ميسم !!
خديجة : ماكلمتيش ريماس !!
ميسم : كلمتها توا ، قالت في الطريق رافعها للفندق !!
خديجة : باهي ربي يهنيهم ان شاء الله ويشغي وخيتي !!
ميسم : امين !!
* في القاعة *
خميسة : وين ولدك خالد يا نجاة !! نبي نعدي للحوش معش نقدر نقمعز !!
نجاة : هي برا هو ،
* وطلعوا في طريقهم للحوش !!
درس محمد ،

نزل مهند والشباب ، وقعدوا يولعوا في الالعاب النارية وواحد يسطرب في نص الكياس !! وشعلات حمر وتبييب !!
محمد يضحك : والله هظا مايبي يعقل بكل !!
نجوى : سليمتهم وخلاص !!
ريماس : كلكس يا ايمن كلكس !! ( وقعد يضرب في كلاكس)
وركبوا سياراتهم وتحركوا وكملوا طريقهم !!
نزلت نجوى هي ومحمد وركبوا غرفتهم !! ووصلت معاهم ريماس الشنطة للباب الغرفة وطلعت !!

ركبت ريماس السيارة ، طول دورواةوطلعوا !!
نجوى واقفة في وسط الغرفة !!
قرب منها محمد !! والطرحة كانت على وجهها مغطية !!
محمد : بسم الله ( وقام طرحتها ، يشوف فيها والفرحة مش سايعاته !! )
نجوى مبتسمة وعيونها تحت ،
محمد : ماشاء الله ، كنك تحقي تحت ، بحثي فيا هنا !! ( وقرب منها اكثر وشد كفوفها !!
نجوى قامت عيونها فيه ومبتسمة ، لقاته يشبحلها
محمد : عمري كله انتي !!
نجوى : مش مصدقة عيوني ، انت قدامي مستحيل !!
وهو يحول في قصتها بايده بالشوي ويراقب في ملامحها شعرها !!
وحط كفه على خدها : بعد العناذ هظا كله ، ( وسكت ) حبيبي !!
نجوى بنظرات كلها حب : نعم حبيبي !!
محمد : مجنون بيك ، ( وخداها وقعمزها على السرير)
ويمسح في مدامع عينه !!
نجوى من قبل عاد شادة روحها معش قدرت نزلت دمعتها وحضنوا بعضهم !!
نجوى : ربي مايحرمنا من بعض ،
محمد ويشم في ريحتها ومغمص عيونه منسجم !!
محمد : امين ياعمري !!
رجعوا يشبحوا لبعضهم . وابتسموا ، وقعدوا يضحكوا ،
نجوى : قعدنا زي المهابيل نبكوا ونضحكوا ،
محمد : ههه ، مجنونة والله .. جننتيني معاك !!
*
عمة ريماس تسلب في دهبها في الدار !!
ريماس واقفة بالبدلة تتشقلع قدام ايمن !
ايمن : ديريلها صرفة عمتك هذي والا منوم ، خلي نبحث فيك براحتي !! ( وغمزلها)
ريماس تضحك :قالك نبحث ، ت هذي مارقدتش لين رقدتني !
ايمن : ديريلها اكتيفيد ، مايصيرش هكي راهو !!
ريماس : ههههه
*
عند ميسم تقلع في صندليها وحدفاته وراء الباب !!
رن نقالها ردت : ايوه !!
فرج : الحمد لله على السلامة !!
ميسم : الله يسلمك !!
فرج :ماكلموكش جماعة طرابلس !!
ميسم : لالا ، امبكري بس واحني ف الطريق ، قالوا مشي للفندق !
فرج : اها ، باه ، الفال لينا يا قلبي !!
ميسم : ان شاء الله ،
فرج : الله اكبر اول مرة نسمع رد ايجابي منك ،
ميسم : هههه
* في الفندق *
محمد مقعمز يستنى !!
طلعت نجوى سكرت باب الحمام !!
محمد : شنو كملتي ؟
نجوى : نلبس البدلة بس ،
مشت نجوى لساكو وطلعت بدلة الصلاة !!
وقعدوا يصلوا !!
* عند سارة *
سارة غامة راسها باليرغان وتبكي !!
سارة في داخلها *( على عملتي السودة اللي درتها شن يرقعها .. هم مغبر اسود وخلاص)
وميلاد يتصل !! وهي تسكر عليه !!
ميلاد في الحوش متكي ويخمم في سارة ، كيف الحل !! وشن بيدير !!
* في بنغازي *
الشباب واقفين قدام العمارة معكسين ويزعجوا في رمزي يتصلوا بيه درهوله كبده !! ،
رمزي :البهايم هذينا !!
العروس بضحكة : حراام الالفاظ !!
رمزي : تعاليلي جاي تحدفي في الكلام من اول ليلة !!
العروس : ههههه ،
* الشباب تحت !!
الشاب : تي خلاص عاد صمطتوها خلوا الراجل في حاله !!
رد رمزي وهو يتعشى مع زينب في المطبخ !!
رمزي : تمت الامور !
صكروا اللشباب ، وقعدوا يضربوا في الرصاص !!
زينب : عليش هكي قلتلهم !!
رمزي فمه مليان : كيف نديرلهم امالا !! ، كولي كنك !!
زينب متحشمة : لالا ماخاطريش !!
خدي البوريك : والله لم تاكلي ( ووكلها)
* عند محمد ونجوى *
نجوى متكية وراسها في حضنه ويلعب بشعرها !!
نجوى : حبيبي ،
محمد : نعم يا عمري !!
قامت نجوى راسها وتشبحله !
وهو مطبس راسه يشبحلها !!
نجوى : كيف حالها عميمة توا ؟
محمد : على نفس الحال ، حرارة وداهشة وحيل مافيهش !!
نجوى : ياروحي عليها ، ان شاء الله تشفى !!
تنهد محمد : ان شاء الله ، حجزت في مكتب بنعدوا للعمرة ان شاء الله الاسبوع الجاي !!
نجوى بفرحة ومتفاجئة : الله ؟
محمد :...

يتبع...