حبيتة شرقاوي💜🧸

49

روايـــة # حبيته شرقاوي💜🧸
ـ الحلقه الــٌتاسعه والاربـ؏ـون💜🧸
ـ منقول

وبدوا الصبايا يسلموا على العروس ويرقصوا وفرحانين وحطوا العشي ..
وداروا البروجكتر ..والعروس تتفرج وجنبها ميسم ونجوى ..
ورندة شادة دموعها ..
وجت صور الثلاثي رندة ونجوى وميسم في زراديهم وايام القراية في الثانوي ..
.. ويصفقوا ويعيطوا بصوت عالي ..
رندة : جعععععت انا ..
نجوى : هههههه نهار بيض وخلاص عروسة هامعة ..
رندة : قولوا شن بتقولوا جيبولي صونيتي وجيبوا صوانيكم حتى انتم معاي وسايروني في الصاولة هاذي ..

مشت ميسم وصت العاملة وجابت العشي .. وبدوا فيها قر وضحك ..
احلى اللحظات بصراحة ..
ميسم لنجوى : حقا نقولولها ؟
نجوى : ع شني ؟
ميسم : على هذاكا الموضوع !!
نجوى : اهااا قولي
رندة : خيركم شن فيه ؟
ميسم : نجوى ومحمد ولد خالتي يكلموا في بعض ..
رندة : الله !!! وامتى صار هذا كله ؟
ميسم تضحك : توا من بداية العرس ..
رندة متفاجئة ومبتسمة : لالا !! نجوى جديات !!
نجوى : والله ..
رندة : كيف صار ؟
ميسم : والله هما كل واحد معجب بالتاني وحسيت ان في شي بينهم .. تاكدت بعدين قربتهم ..
رندة : مايطلع منك يا ميسم .. هو شايفك نجوى من قبل ؟
نجوى : لالا والله اول يوم جيت فيه شفته اول مرة ..
رندة : والله حسيت فيه شي مدرقينه لكن ما توقعتش .. وشن جوكم توا
ميسم قصت : والله بقوة واندفاع خاشين
رندة : ههههه ما اتوقععععععتش .. نجوى تكلم الحق ..
ميسم : بختها حميدا والله يستاهلوا بعض ..
رندة : والله احسن مادرتي يا ميسم ..
نجوى : في الأول ترددت لكن هي عششت في راسي ..وشجعتني ..
رندة : باهي كويس والله .. وشن جوك معاه توا

نجوى : اتصدقي حاجة .. والله تقول عليه نعرفه ليا وقت وطول انسجمنا وفي الطبق كله
رندة : محمد اصفى من نيته مافيش .. وكان حب مستحيل يلعب ولا يخون .. وتو تشوفي دورا يكلم امه عليك ..
ميسم تلفتت لنجوى : ريتي !! شن قتلك انا !!! اهيا رندة قالت نفس كلامي ..
رندة : باهي فرحتيني والله بخته محمد بيك .. ربي يبعتلكم الوقت الباهي ..
نجوى : ان شاء الله حتى انتي ..
ميسم : خبر تاني حتى هو ..
رندة : شن هو ههههه يا مجرمات هذا ثلاثة أيام ودرتوا هذا كله شن فيه تاني ؟
ميسم : قوليلها يا نجوى ..
نجوى : تكلم في نزار خوي ..
رندة تفاجئت : الله ؟
ميسم تضحك هي ونجوى
رندة : بجديات والله ماتوقعت هذا كله ..
نجوى : شفتي وله ..
رندة : اييييه ههههه

ودورا رن نقال رندة ردت
رندة : ايوه حبيبي .. به تمام .. وين انتم ؟ .. به
وصكرت
رندة : هيا دخلوني للحجرة وكلموا المصوراتية تجي تلحقني .. قريب يوصلوا ..
نجوى : هيا امالا (وشدت مسكة رندة ) وقعدت تساعد فيها ميسم يساووا لرندة في الفيلو ..
ومشوا من الممر وخشوا بيها للحجرة ..
وعلى جية اهل العريس ..
ميسم : رندة .. شني بيخش ؟
رندة : مابااااش يادوب بيصور وبنطلعوا .. أصلا معش وقت ..

وطلعت ميسم وصورووا العروسة والعريس وكيف بيطلعوا ..
ميسم : نجوى شن بتمشي ؟ معانا ؟
نجوى : مش عارفة .. نكلم نزار قبل نستأذن منه ..
ميسم : توا نكلمه انا !!
اتصلت ميسم بنزار : ايوه .. اسمع بنطلب منك طلب ..
نزار : ادللي شني ؟
ميسم : تخلي نجوى تمشي معانا بنوصلوا العروسة ؟
نزار : اهو برا انا .. تبي تمشي هي ؟.
ميسم : ايه
نزار : امالا قولها تطلع نحسابها بتروح ..
ميسم : به ..
نزار : وانتي مع من بتمشي ؟
ميسم : مع خوي ..
نزار : اااا به تمام

ميسم : اسمعي نجوى نزار يستنى فيك برا !!
نجوى : وانتي بري معاي ..
ميسم : لالا فكيني والله .. خوي الدراه تو يزيدها عليا الليلة ..
نجوى : على راحتك .. امالا نتلاقوا غادي ..
مشت نجوى ركبت مع خوها ..وميسم مع اماليها في سيارة احمد ..

والعروسة القدام السيارات ايبيبوا .. والشباب طالعين من الرواشن وويولعوا في اللالعاب النارية ..
والموطوات حايطات بسيارة العروسة ..
ومحمد يمتع بالموطوا وجو الشباب تعرفوه ..
جماعة الموطوات مطوقين سيارة العروسة ويستعرضوا .. والشباب اللي جايين مع العريس في سيارة حسوا بالغيرة وحاولوا يقصوا على جماعة الموطوات ..
نجوى تشوف في محمد وقلبها عليه ..
ونزار : ما شاء الله تقول خفافيش ليل كلهم اسود ...
نجوى : عجبتني اللقطة لكن هههه
نزار : من الأخير لكن خطر .. غر شوفي هذوكم كيف يضايقوا فيهم ..
نجوى : ربي يستر .. كان يبعدوا بس ..
نزار : محسد هذا متع السيارة الفضية ..
محمد على ايمين السيارة بموطوه .. ويجي صاحب السيارة الفضية مليانة شباب تجتاز ايمين وتحف موطوا محمد حفان
محمد اختل توازنه بالموطوا وبدت ترعش ومعش قدر يسيطر عليها انقلبت بيه وطاحت بيه في نص الكياس
السيارات كلهااااا شدت فرين وسيارة العروس

يتبع..