|| FLY AWAY : BEAUTIFUL ||《COMPLETED》

FA:B [ 29 ]

ဘယ်သူကပဲ အချစ်ကို ပိုရူးသွပ်ခဲ့ ရူးသွပ်ခဲ့ ။

ဘယ်သူကပဲ ခံစားချက်တွေကို ဖြုန်းတီးခဲ့ ဖြုန်းတီးခဲ့ ။

ဘယ်သူက အချစ်ကို ပိုမရူးသွပ်ခဲ့လို့ အချစ်နဲ့
မထိုက်တန်ဘူးလို့ပဲ ပြော ပြော ။

နာကျင်ခြင်းတွေ အနည်းငယ် အနည်ထိုင်သွားတဲ့
အချိန် ။

နှလုံးသားကို သက်သာစေနိုင်တဲ့ ဆေးတစ်ခွက်အဖြစ်
ချိုမြိန်ခြင်းတို့ တစ်ဖန်ပြန်လာပေးခဲ့ရင်ပဲ လုံလောက်ပါပြီ ။

" အဝတ်အစားလည်းထည့်ပြီးပြီ အနွေးထည် မာဖလာ
သောက်ဆေးတွေလည်း အကုန်လုံးထည့်ပြီးပြီဆိုတော့
ဘာကျန်သေးသလဲ ဘာကျန်သေးလဲ စဉ်းစားစမ်း  "

ခရီးဆောင်အိတ်ထဲ ဘတ်ခ်ဟွန်းလိုအပ်မယ့် အသုံး
အဆောင်တချို့ထည့်ပြီး အပျော်ခရီးကိုဘာယူသွားဖို့
ကျန်သေးသလဲဆိုတာကို နားထင်လေးကိုလက်ညှိုး
လေးဖြင့်ထိကပ်ကာ ဂျွန်တစ်ယောက် စဉ်းစားခန်းဖွင့်
နေသည် ။

" ဘာတွေလုပ်နေတာလဲ ဂျွန်လေး "

အသံကြားရာ နောက်ကျောဘက်သို့ ဂျွန်တစ်ယောက်
လှည့်ကြည့်လိုက်တော့ကုတင်ပေါ်တွင်အိပ်မှုန်စုတ်ဖွား
ပုံစံလေးနှင့် ငုတ်တုတ်လေးထိုင်လျက်မပွင့်တပွင့် မျက်
လုံးလေးကို လက်ဖြင့်ပွတ်ပြီးမေးလာသောဘတ်ခ်ဟွန်း
ကို ဂျွန်ပြန်ပြုံးပြလျက် ...

" အပျော်ခရီးထွက်ဖို့အတွက် အစ်ကိုလေးဗြောင်
အတွက် လိုအပ်တာတွေကို ပြင်ဆင်ပြီး ထည့်ပေး
နေတာ အစ်ကိုလေးဗြောင် "

" အပျော်ခရီး ! ဘာအပျော်ခရီးလဲ ? ငါလည်း
အပျော်ခရီးသွားမယ်လို့ မပြောမိပါဘူး ဘယ်သူ
ပြောတာကို မင်းကြားလာခဲ့တာလဲ "

မျက်လုံးတစ်စုံမှာလုံးဝမဖွင့်ရသေး ။ မျက်လုံးကြီး
စုံမှိတ်ကာ ပါပီပေါက်စလေးလိုတအီအီနဲ့အီနေပြီး ။
လည်ပင်းလေးကုတ်လိုက် ခေါင်းလေးကုတ်လိုက်နဲ့
ဘတ်ခ်ဟွန်း တွတ်ပွတွတ်ပွ စကားတွေပြောနေမိစဉ် ..

" ဒါယောင်းပြောတာ "

ရုတ်တရက် သူ့ဘယ်ဘက်နားက ကြားလိုက်ရတဲ့
စကားသံကြောင့် မှိတ်ထားတဲ့ မျက်လုံးကိုပွင့်ရုံမျှ
သာဖွင့်ကြည့်လိုက်မိတော့ သူ့ကုတင်ပေါ်တွင် လှဲ
အိပ်နေသော သူ့ကိုကို ချန်းယောလ်ကိုတွေ့လိုက်
ရတာကြောင့် မျက်လုံးမှေးမှေးလေးတွေမှာတဖြေး
ဖြေး ပြူးကျယ်သွားခဲ့သည် ။