LOVE, BUT HURT (Season 3)_ The Last Begin_[Completed]

Part 6 (ဝတ်ရုံနက်နှင့် လုပ်ကြံသူ)

အပိုင်း ၆ ( ဝတ်ရုံနက်နှင့် လုပ်ကြံသူ)

အန်းလုက ချီရှန်းကိုပြန်ဆိုက်ကြည့်နေရင်းပင် တံတွေးတစ်ချက်မြိုချမိသည်။ ချီရှန်း၏ပုံစံက သူ့ကို ယခုချက်ချင်းပင် ဝါးစားတော့မည့်ပုံစံဖြစ်နေလေ၏။

အန်းလုက စိတ်ကိုပြန်တင်းလိုက်ပြီးနောက် ထိုရပ်နေသော နေရာက၌ပင် ချီရှန်းကိုခေါ်ရန်ပြင်သည်။

"ဟို...ကျွန်တော်က..."

သိူ့သော်လည်း သူ၏အသံက လည်ချောင်းထဲ၌ပင် တစ်နေသည့်အလား အပြင်သို့ကျယ်လောင်စွာထွက်မလာချေ။ ထို့အပြင် ချီရှန်းကလည်း ထိုစကားပင်မကြားလိုက်သည့်ပုံစံ၊ သို့မဟုတ် တမင်ပင်ဂရုမစိုက်လေသလားမသိ၊ တချက်ပင်လှည့်မကြည့်ပဲ အဆောင်အတွင်း သို့ပြန်ဝင်သွားလေ၏။ အပေါက်ဝတွင် ရပ်နေသူတစ်ယောက်က ရှောင်ရှင်းပင်။ သူ၏ဘေးမလှမ်းမကမ်းတွင်ရှိနေသည့် မိန်းကလေးတစ်ချို့ကလည်း ခေါင်းကိုသာအသေငုံ့ထားသည်။ ထိုထဲတွင် အားလော့လည်းအပါအဝင်ဖြစ်၏။ ချီရှန်းက သွေးစွန်းနေသော ဓားရှည်ကို ရှောင်ရှင်း၏ရင်ဘတ်အား ပစ်ပေးလိုက်သည်။ ရှောင်ရှင်းက ထိုဓားအားဖမ်းလိုက်ပြီး ချီရှန်းအား ခေါင်းကိုငုံ့ကာ ဂါရဝပြုလိုက်သည်။

(သူတို့အကုန်လုံး ဒီမှာရှိနေကြတာပဲ။)

တခဏကြာတော့ ရှောင်ရှင်းက အမတ်တစ်ချို့အား ပြန်ရန်ပြောလိုက်ပြီး တစ်ချို့နန်းတွင်းသူများကိုမူ အဆောင်အား သန့်ရှင်းရေးလုပ်ရန် စေခိုင်းနေသည်။အန်းလုက ထိုအဆောင်အနားသိူ့ရောက်လာလိုက်ပြီး သူကအားလော့ကိုအရင်ခေါ်လိုက်သည်။

"အားလော့....."

အဆောင်တော်၏တိုင်တစ်တိုင်အား အဝတ်စဖြင့်သုတ်နေသော အားလော့ကသူ့အား လှည့်ကြည့်ကာလာသည်။ အန်းလုက အားလော့အားပြုံးကာပြလိုက်၏။ အားလော့က ခေါင်းကိုငုံ့ကာ ဂါရဝပြုလိုက်ပြီးနောက် ပြန်လှည့်သွားကာ လုပ်စရာရှိသည်ကိုသာ ဆက်လုပ်နေလိုက်သည်။ အန်းလုက ချက်ချင်းပင် ထပ်ခေါ်မည်အလူပ်