LOVE, BUT HURT (Season 3)_ The Last Begin_[Completed]

Part 36* (ကိုယ့်အချစ်ကို ယုံကြည်ပါ)

အပိုင်း ၃၆ ( ကိုယ့်အချစ်ကို ယုံကြည်ပါ)

" အရှင်....ကျွန်တော်မျိုး..ရှောင်ရှင်းပါ။"

" ဝင်လာခဲ့လိုက်။"

အပြင်မှ ခပ်သွက်သွက်ဝင်ကာလာသော ရှောင်ရှင်းက စာကြည့်ခန်းတွင် ထိုင်ကာနေသောချီရှန်းအား အမြန်ဂါရဝပြုလိုက်ပြီး စကားစသည်။ ခရီးအပြေးနှင်ကာလာပြီး အတော်ပင်မောပန်းနေသော်လည်း အားတင်းထားပုံပင်။

" အရှင်....ကိုယ်လုပ်တော်လုက..."

ချီရှန်းက ရှောင်ရှင်းကို လှမ်းကာကြည့်လိုက်သည်။ချက်ချင်းပင် မျက်လွှာကိုပြန်ချလိုက်၏။ သူ၏လက်ထဲတွင် တစ်စုံတစ်ခုကိုကိုင်ကာထားသည်။

" မင်း.... ကြားပြီးပြီပေါ့။"

ရှောင်ရှင်းက ချက်ချင်းပင် ကိုယ်ကိုကိုင်းကာ ဂါရ၀ပြုလျက် ဖြေကြားသည်။

" မှန်လှပါ...အားလော့ဆီက အကြောင်းစုံသိသိချင်း ကျွန်တော်လာခဲ့တာပါ။ ပြန်ရောက်ရောက်ချင်း သူမကိုနန်းတော် တံခါးဝမှာတွေ့ခဲ့တာမလို့။

တကယ်ပဲ....တကယ်ပဲလား။"

ချီရှန်းကသူ၏လက်နှစ်ဖက်ဖြင့် ဆံထိုး၏အစွန်းတစ်ဖက်စီအား ကိုင်ကာတဖြည်းဖြည်းချင်းလှည့်နေသည်။ ရုတ်တရက် ရှောင်ရှင်းကိုပြန်ကြည့်လိုက်ရင်း

" ခဏအနားယူလိုက်ပြီး ညနေကျရင် ငါ့ကိုလာတွေ့။ ငါတို့မှာ လုပ်စရာတွေအများကြီးရှိလိမ့်မယ်။"

"......."

ရှောင်ရှင်းက ချီရှန်း၏စကားကြောင့် တခဏမျှရပ်တန့်နေမိသည်။ သိူ့သော်လည်း သူကချက်ချင်းပင် ဂါရဝပြုလိုက်လေ၏။

" အမိန့်အတိုင်းပါ။ ကျွန်တော်မျိုး ညနေစောင်းရင် အရှင့်ကိုလာတွေ့ပါ့မယ်။"

ရှောင်ရှင်းထွက်သွားပြီးတဲ့နောက်မှာ ချီရှန်းက လက်ထဲရှိဆံထိုးကို သေချာစွာမြှောက်ကြည့်နေသည်။ ဆံထိုး၏ကိုယ်ထည်သည် ရွေရောင်အတိပြီးကာ ထိပ်ဆုံးနားတွင် ပတ္တမြားအလုံးလေးများကို အသေး၊အကြီး အစုံအလင်ဖြင့် စီခြယ်ကာထားသည်။ သူ၏ဘေးပတ်ပတ်လည်တွင် တိမ်ပုံသဏ္ဍာန်အကွေးအခတ်လေးများကို ပတ်ကာစီထား၏။ ထိုဆံထိုးက ချီရှန်း၏မိခင်ပိုင်ဆိုင်သောအရာဖြစ်ပြီး မနေ့ညကအန်းလုဆိုလိုသော ဆံထိုးဖြစ်မည်မှာသေချာသလောက်ရှိသည်။ ချီရှန်းက မိုးမလင်းခင်တွင်ပင် တော်ဝင်သင်္ချိုင်းဂူဆီသို့ သွားကာ မယ်တော်ဖြစ်သူ၏ခေါင်းတလားထဲမှယူလာခဲ့ခြင်းဖြစ်သည်။