LOVE, BUT HURT (Season 3)_ The Last Begin_[Completed]

Part 18 ( မင်းတစ်ယောက်တည်း အတွက်ပဲ)

အပိုင်း ၁၈ ( မင်းတစ်ယောက်တည်း အတွက်ပဲ)

"အဲ့တော့ ဒီနှစ်အတွင်း အချစ်ရေးအခြေအနေက"

အန်းလုက တူတစ်စုံကိုကိုင်ထားလျက်ပင် ရှေ့တွင်ရှိနေသော ကျီချန်းအားမေးလိုက်သည်။ တစ်ခြားသောအကြောင်းအရာများကမေးရန်ပင်မလိုအပ်ပါပဲ ပြည့်စုံနေသူတစ်ယောက်ဆိုတာကိုသူသိသည်။ မိဖုရားများ များပြားသလောက် အခုထိအချစ်ကိုမတွေ့နိုင်သေးသည့် လူကြီးတယောက်ပါပေ။

ကျီချန်းက လက်ဖက်ရည်သောက်နေချိန်ဖြစ်တာကြောင့် အန်းလု၏စကားကိုကြားလိုက်ရသည့်အခါတွင် ရုတ်တရက်လက်များသည် ရပ်တန့်သွားလေ၏။ ချီရှန်းသည်ပင် လှူပ်ရှားမှုက ခတ္တရပ်တန့်သွားသေးသည်။ သို့သော်လည်း ချက်ချင်းပင်ပြန်ထိန်းလိုက်ရင်း လုပ်လက်စအလုပ်ကိုသာ ဆက်လုပ်နေလိုက်သည်။

ကျီချန်းကလည်း သောက်လက်စ လက်ဖက်ရည်ပန်းကန်လုံးလေးအား စားပွဲပေါ်တွင်ပြန်ချလိုက်ပြီး

"အဲ...မတွေ့သေးပါဘူး....... အခုထိတော့။"

ကျီချန်းက ခေါင်းကုတ်လျက်ဖြေသည်။ အန်းလု၏ မျက်ဝန်းများက အရောင်တောက်ပနေလေ၏။

( သုံးဆယ်နားပဲနီးနေပြီကို.....တနေ့ တနေ့ တိုင်းပြည်အရေးကိုပဲ အလေးထားနေတာနေမှာ)

သူက တူကိုင်ထားသောလက်တစ်ဖက်ဖြင့် ကျီချန်းအားလက်ခါပြသည်။ ကျီချန်းက မေးမော့လိုက်ပြီး သူ၏အမူအရာကိုမေးလိုက်သည်။

"အဲ့တာက ဘာကိုပြောချင်တာလဲ။"

(အဲ့လိုကလည်းပြောလို့မရဘူး။ အကိုကျီချန်းမှာ မိန်းမတွေအများကြီးပဲ)

အန်းလုက ခေါင်းကုတ်လျက်ပင်

"ဘာမှမဟုတ်ပါဘူး။ ဒါနဲ့ ကျီယွမ်တို့ရော အဆင်ပြေကြရဲ့လား။"

"အင်း...သူတို့ကတော့ အေးဆေးပါပဲ။ ကျီယွမ်က အရင်နှစ်က သားလေးတစ်ယောက်မွေးတယ်လေ။ နောက်တစ်လဆိုရင်ပဲ ကလေးကတစ်နှစ်ပြည့်ပြီ။"

"ဝိုး...ဝိုး...တိုးတတ်နေလိုက်တာ ကျီယွမ်တို့များ။ ဒါနဲ့သူရော အရင်အတိုင်းပဲလား။ ပြောင်းလဲသွားသေးလား။"