Unexpected Soulmate

Unexpected Soulmate Chapter 27

PRECIOUS' POV

PAULIT-ULIT na parang sirang plaka sa pandinig ko ang huling sinabi ni Zion. I don't really want to compare the feelings no'ng si Rhanz ang nagtapat sakin at ngayon naman ay si Zion. Pero hindi ko maiwasang maisip na iba-iba ang naging epekto nila sakin. Noong gabing nagtapat si Rhanz ay puro lungkot ang nasa loob ko dahil alam kong hindi ko iyon matatapatan pero masasabi kong kabaliktaran ngayon ang nararamdaman ko. Kilig at saya ang naidulot sakin ni Zion ngayon.

Wala sa sarili akong napayakap kay Zion. Sobrang bilis ng tibok ng puso ko at kay Zion ko lang ito nararamdaman. Iyong tipong siya ang dahilan kung bakit parang magwawala ang buong sistema ko pero siya lang din ang makagawang magpapakalma nito.

Naramdaman kong umakap din siya sakin pabalik at hinagkan ang buhok. Hindi ko masasabing ito ang pinakamasayang araw sa buong buhay ko dahil alam kong may mas isasaya pa ito kasama siya.

"I love you, Precious.." bulong ni Zion sa mismong tenga ko. Parang nagtaasan lahat ng balahibo ko dahil sa malambing at malamig niyang boses na parang nanunuot sa kalamnan ko.

"I love you too, Zion.." madamdamin pero nakangiting sabi ko. Saka palang ako kumalas sa yakap namin.

Hinawakan niya ang magkabilang pisngi ko saka pinagdikit ang mga noon namin. Sobrang lapit na ng mga mukha namin sa isat-isa. 'Yung tipong isang daliri nalang ang namamagitan sa mga labi namin at tila nararamdaman ko na ang hininga niya. Parang maduduling ka na nga sa sobrang lapit kaya napapikit nalang ako.

"Sobrang saya ko ngayon..dahil hindi ko inakalang mahal din pala ako ng taong mahal ko. Alam mo Precious, no'ng una nagdadalawang isip akong sabihin ito sayo pero.. naisip kong baka pagsisihan ko sa huli kapag hindi ko sinabi sayo." hindi na ata mawala ang malambing niyang tinig. "Ikaw ang naging dahilan kung bakit ako bumalik.." pagkatapos niyang sabihin iyon ay do'n lang ako nagmulat at diretsong tumingin sa maganda niyang mga mata.

"I love you.." parang wala na akong ibang natutunang salita maliban do'n. Pinuno ng halo-halong emosyon ang buong sistema ko kaya hindi ako makapag-isip ng ibang sasabihin bukod don.

Wala na akong ibang iniisip ngayon bukod sa mahal ko siya at mahal din niya ako. Parang kailan lang na palaging ginugulo ng nararamdaman ko ang isip ko na baka ako lang ang may ganitong nararamdaman sa'ming dalawa. Na baka hanggang kaibigan lang ang turing niya sakin pero heto ngayon at sinabi niyang mahal niya rin ako. Kung panaginip lang ito ay parang ayoko ko ng magising pa.

"Ang swerte ko..dahil ang dating bestfriend ko ay naging girlfriend ko na ngayon." sabi niya na may sumilay na matamis na ngiti sa kanyang labi.

Mas naging doble ang bilis ng tibok ng puso ko nang bumaba ang paningin niya sa labi ko. Matagal niya itong tinitigan saka palang nag-angat muli sa mga mata ko. Marahan akong napapikit nang halikan niya ang tuktok ng ilong ko at wala pa mang limang segundo ay nararamdaman ko na ang init at lambot ng labi niya na dumapo sa sarili kong labi.

'I stiffened when a soft lips crushed against mine. My knees trembling, I feel dizzy and my heart beats so fast like crazy.'

Isang makabagbag-puso ang paraan niya sa pagsiil ng ibabaw'ng labi ko. Sa abot ng makakaya ko ay ginantihan ko din siya ng marahan ngunit buong pusong halik. Hindi ko alam kung gaano katagal ang matamis na sandaling iyon. Siya na rin ang unang humiwalay sa mga labi namin. Nakapikit parin ako nang marahan niya itong bitawan. Nang magmulat ako bumungad kaagad ang isang matamis na ngiti sa mukha ni Zion.