Unicode
ချစ်မိသူ .... အရှုံး
(အခန်း - ၄ )
"မိုးသောက်ယံ "
ရှိုင်းသည် မိုးသောက်ယံ၏ နာမည်အပြည့်အစုံကို ခေါ်ပြီး သတိပေးလိုက်သည်။
မိုးသောက်ယံက မသိချင်ယောင်ဆောင်ပြီး ရှိုင်း၏ ဘေးနားမှာ ရပ်နေသည့် လမင်းကို စိုက်ကြည့်ပြီး ထပ်ပြောသည် ။
"ဒီမှာ ကိုကိုက ငါ့ချစ်သူလို့ ပြောပြီးတာတောင် မင်းက ဘာလို့ ရပ်နေသေးတာလဲ ။ မသွားသေးဘူးလား "
လမင်း၏ မျက်နှာက မိုးရွာချတော့မည့် ကောင်းကင်ကဲ့သို့ အုံမှိုင်းသွားပြီး ရှိုင်းကို တစ်ချက်စိုက်ကြည့်သည် ။
"လမင်း သွားတော့မယ် ရှိုင်း ။ နောက်မှ တွေ့ကြတာပေါ့ "
"အင်း ၊ ကျွန်တော် တောင်းပန်ပါတယ် လမင်း "
"ရပါတယ် ရှိုင်း "
လမင်း ထွက်သွားပြီးနောက် ရှိုင်းသည် မိုးသောက်ယံကို ကြည့်လိုက်သည် ။
"မိုးသောက်ယံ မင်း ဘယ်လိုလုပ်လိုက်တာလဲ ။ မင်းကြောင့် လမင်း ၊ ငါ့ကို ဘယ်လိုထင်သွားမလဲ ။ နောက်ပြီး မင်းရဲ့ လုပ်ရပ်တွေက တဖြည်းဖြည်းနဲ့ တရားလွန်လာပြီ "
မိုးသောက်ယံက မျက်နှာမဲ့ရွဲ့ပြီး ပြုံးသည် ။
"ဟုတ်လား ၊ အဲ့ဒီတော့ ဘာဖြစ်လဲ ။ နောက်ပြီး ရှိုင်း မင်းကို ဒယ်ဒီက ကျောင်းထားပေးတာ ရည်းစားထားဖို့အတွက် မဟုတ်ဘူး ။ နားလည်လား "
ရှိုင်းသည် ပေါက်ကွဲထွက်တော့မည့် ဒေါသတို့ကို မြိုသိပ်ရင်း တည်တည်ငြိမ်ငြိမ်နှင့် ပြောလိုက်သည် ။
"လမင်း နဲ့ ငါက သူငယ်ချင်းတွေ ။ လမင်းက ငါ့ကို စာမေးနေတာ ။ မင်း ပြောလိုက်လို့ သူ ဘယ်လောက်တောင် အရှက်ရသွားမလဲ ။ အနည်းဆုံးတော့ မိန်းကလေးတစ်ယောက်ကို မင်း ကောင်းကောင်းမွန်မွန် ပြောသင့်တယ် ယံယံ ။ နောက်တစ်ခါ သေချာမသိဘဲ တစ်ဖက်သတ် မစွပ်စွဲနဲ့ "
ရှိုင်းသည် မိုးသောက်ယံကို ပြောပြီးသည်နှင့်
လှည့်ထွက်လာခဲ့သည်။
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.