Unicode
ချစ်မိသူ အရှုံး
(အခန်း - ၁၄ )
"ဟေ့....ခတ္တာ "
"ဪ မသိန်းပါလား ။ အိမ်ထဲဝင်ပါဦး "
မသိန်းက မျက်နှာမဲ့ပြီး အိမ်ထဲကိုဝင်၍ ထိုင်သည်။
"ငါ ဘာလို့လာတာလဲ ။ ညည်း သိတယ်မဟုတ်လား ခတ္တာ "
"ဟုတ်ကဲ့ပါ မသိန်းရယ်။ ဟို...ကျွန်မကို ခဏလောက် စောင့်ပေးပါဦးရှင် "
"ငါ လာတိုင်း ညည်း ဒီစကားပဲပြောနေတယ် ။ ခုဆို အိမ်လခမပေးတာ ဘယ်နှစ်လရှိနေပြီလဲ "
"ကျွန်မ နောက်လတော့ ပေးနိုင်အောင် ကြိုးစားမှာပါ ။ ခဏတော့ စောင့်ပေးပါရှင် "
"ဟွန့် ။ ငါလည်း ပိုက်ဆံ ချမ်းသာတဲ့သူ မဟုတ်ဘူး ။ ဒီအိမ်ငှါးခရမှ အဆင်ပြေမှာဟဲ့ ။ ညည်း ဒီလိုလုပ်နေရင် ငါ အဆင်မပြေဘူး ။ ညည်း ပြောသလို နောက်လမှ မပေးသေးရင် အိမ်ပေါ်ကဆင်းပေတော့ "
"ဟုတ်ကဲ့ပါ မသိန်းရယ်"
မသိန်း ထွက်သွားတော့မှ ခတ္တာ ငိုနေမိသည်။ မိမိယောကျာ်းဖြစ်သူ ရှိနေစဉ်က ပြေလည်ခဲ့ပေမယ့် လွန်ခဲ့သည့် တစ်နှစ်က ကားမတော်တဆမှုကြောင့် သူ ဆုံးပါးသွားသည်။ ထိုအချိန်မှစ၍ သားအမိနှစ်ယောက် အဆင်မပြေဖြစ်ပြီး ကျပ်တည်းလာသည်။ ခတ္တာ အသုပ်ဆိုင်လေး ဖွင့်ပေမယ့် ယခုဆို အရင်းပြုတ်ပြီး ရှေ့ဆက်ဖွင့်ဖို့ပင် ခက်ခဲနေပြီ ။ ဘယ်လို ရှေ့ဆက်ရမလဲ ဆိုသော အတွေးနှင့် ခတ္တာ ရင်လေးနေမိသည်။
"မေမေ ဘာလို့ ငိုနေတာလဲ "
ရှိုင်းက ဘောလုံးကန်ပြီး ပြန်လာချိန် အမေဖြစ်သူ ငိုနေတာကြောင့် ဘောလုံးကို ပစ်ချပြီး အပြေးသွားကာ မေးသည်။
ခတ္တာ မျက်ရည်တွေကို သုတ်ရင်း သားကို ဖက်လိုက်သည်။
"မေမေ မငိုပါဘူး သားရယ်။ မျက်လုံးထဲ အမှိုက်ဝင်သွားလို့ပါ "
သားလေးက ငါးနှစ်သာရှိသေးပေမယ့် လိမ္မာရေးခြားရှိသည်။ သားကို ယခုထိ ကျောင်းတောင် မထားနိုင်သေးပေ ။ သားအတွက် တစ်ခုခုစီစဉ်ဖို့ ခတ္တာ စဉ်းစားမိသည်။ ခတ္တာ၏ ယခုအခြေအနေနှင့်ဆို သားရှေ့ရေးက ရင်လေးစရာပင်။
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.
