Unicode
ချစ်မိသူ အရှုံး
(အခန်း - ၁၀ )
ရှိုင်းသည် မဒီ့ကို နှုတ်ဆက်ပြီး အခန်းထဲက ထွက်လာခဲ့သည်။ မဒီက ခြံရှေ့ထိ လိုက်ပို့မည်ဟု ပြောပေမယ့် နေမကောင်းတာကြောင့် အခန်းထဲမှာ အနားယူရန် မနည်းပြောရသည် ။
ရှိုင်း အောက်ထပ်ရောက်တော့ လမင်းတစ်ယောက်တည်းသာ တွေ့လိုက်ရသည် ။ အရင်တစ်ခါလို မိုးသောက်ယံတစ်ယောက် လျှောက်သွားပြီး တစ်ခုခုဖြစ်မှာ စိုးရိမ်သွားရသည်။
"ယံယံရော ၊ လမင်း "
"ဪ....မိုးသောက်ယံလား ။ သူ အိမ်ပြန်တော့မယ်ဆိုပြီး ထွက်သွားတာပဲ ။ လမင်းက ရှိုင်းနဲ့ အတူပြန်ဖို့ ပြောပါသေးတယ် ။ သူက နားမထောင်ဘူး "
"ယံယံ တစ်ယောက်တည်း အဆင်ပြေရဲ့လားမသိဘူး ။ အမြဲတမ်း တဇွတ်ထိုးလုပ်တတ်တဲ့ အကျင့်က ခုထိ မပျောက်ဘူး "
ရှိုင်းသည် ခပ်တိုးတိုး ရေရွတ်ပြောဆိုမိသည်။
"ကျွန်တော် ပြန်တော့မယ် လမင်း "
"ဟုတ်ကဲ့ "
ရှိုင်း ဆိုင်ကယ်စီးပြီး အိမ်ကို မြန်မြန်ရောက်အောင် အရှိန်မြှင့်၍ မောင်းလိုက်သည်။
⚡⚡⚡⚡⚡⚡⚡⚡
"သား ပြန်ရောက်တာ ဆိုင်ကယ်သံလည်း မကြားမိပါလား ။ ရှိုင်းရော "
"သား တစ်ယောက်တည်း ပြန်လာတာ မာမီ "
"ဘယ်လို ဖြစ်ရပြန်တာလဲ ။ ရှိုင်း ဖုန်းဆက်တုန်းက သူငယ်ချင်းဆီ အတူတူသွားကြမယ်ဆို "
မိုးသောက်ယံ စိတ်ရှုပ်နေတာကြောင့် မာမီကို ဆက်မရှင်းပြချင်တော့ ။
"မာမီ ၊ သား ခေါင်းကိုက်နေလို့ ။ နားတော့မယ် "
"ဟုတ်လား ယံယံ ။ ဒါဆို သွားနားလေ ။ မာမီ ဆေးယူလာခဲ့မယ် "
"ဟင့်အင်း မာမီ ။ သား ဆေးမသောက်ချင်ဘူး ။ ခဏအိပ်လိုက်ရင် အိုကေတယ် "
"အေး အေး ။ ဒါဆိုလည်း တရေးလောက် အိပ်လိုက် "
"အင်း "
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.