Unicode
ချစ်မိသူ အရှုံး
(အခန်း - ၉ )
မဒီက လမင်းပေးသည့် အကြံညဏ်ကြောင့် သည်နေ့ကျောင်းမတက်ဘဲ အိမ်မှာနားသည် ။ အိမ်မှာ လမင်း၏ အမေ နှင့် အဖေ ကလည်း သူတို့ကိုယ်ပိုင်အလုပ်တွေနှင့်မို့ မိုးလင်းက ထွက်သွားပြီး မိုးချုပ်မှသာ ပြန်ရောက်ကြသည်။ ထို့ကြောင့် မဒီတစ်ယောက်တည်း အိမ်မှာ နေရသည်မှာ ပျင်းစရာကောင်းလှသည် ။ ထို့ကြောင့် ရုပ်ရှင်ကြည့်လိုက် ၊ မုန့်စားလိုက်နှင့် အချိန်ဖြုန်းနေလိုက်သည်။
ယခုလည်း ရုပ်ရှင်ကြည့်နေတုန်း မဒီ့ ဖုန်းထဲ မက်ဆေ့ချ် တစ်စောင်ဝင်လာတာကြောင့် ကြည့်လိုက်တော့ လမင်းဆီက ဖြစ်သည် ။ လမင်းနှင့်အတူ ရှိုင်းပါ လိုက်လာမည်ဆိုသောကြောင့် မဒီ အပျော်လွန်ပြီး ထခုန်မိသည် ။ ထို့နောက် အိမ်ကို ရှင်းလင်းပြီး မဒီသည် မိမိကိုယ်ကို နေမကောင်းသည့်ပုံစံဖြစ်အောင် ပြင်ဆင်ရတော့သည်။
××××××××××××××××××
"ရှိုင်း လမင်းတို့ သွားရအောင် "
"ခဏ လမင်း ။ ကျွန်တော် ၊ ယံယံ့ကို ပြန်နှင့်ဖို့ ပြောလိုက်ဦးမယ် "
"အင်း "
မိုးသောက်ယံသည် ရှိုင်းဆီရောက်တော့ လမင်းနှင့် အတူရှိနေတာကြောင့် မျက်နှာမဲ့သွားရသည်။ ရှိုင်း ဘာကြောင့် ယခုနောက်ပိုင်း မိန်းကလေးတွေနှင့် တတွဲတွဲလုပ်နေရတာလဲ ။ မိုးသောက်ယံသည် စိတ်ထဲ မကျေမနပ်ဖြစ်မိပေမယ့် အပြင်မှာတော့ ဘာမျှမဖြစ်သလိုသာ ဟန်ဆောင်လိုက်သည်။
" ငါ သွားစရာရှိလို့ ။ ဒီနေ့တော့ မင်းဘာသာ ပြန်လိုက်တော့ "
"ဘာလို့လဲ ။ ဘယ်သွားမလို့လဲ ရှိုင်း "
"မဒီ နေမကောင်းဘူးဆိုလို့ သတင်းသွားမေးမလို့ "
မိုးသောက်ယံ၏ မျက်ခုံးတို့ အလိုမကျစွာ တွန့်ချိုးသွားသည် ။
"ဘာဖြစ်တာလဲ ။ အခြေအနေတော်တော်ဆိုးလို့လား ။ ငါလည်း လိုက်ခဲ့မယ်လေ ။ ငါပါရင် တစ်ခုခုဆို အကူအညီရတာပေါ့ "
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.
