Unicode
ချစ်မိသူ အရှုံး
(အခန်း - ၂၀ )
"မင်း မဒီ့ကို ဘာသဘောနဲ့ ဒီအိမ်ကို ခေါ်လာခဲ့တာလဲ "
မဒီ ပြန်သွားချိန်၌ မိုးသောက်ယံသည် မနေနိုင်စွာ ရှိုင်းကို မေးလိုက်မိသည် ။
"ဘာကြောင့် ဖြစ်ရမှာလဲ ။ မဒီက လိုက်လည်ချင်တယ်ဆိုလို့ ခေါ်လာတာလေ "
ရှိုင်းက ခပ်ပြတ်ပြတ် ဆိုသည် ။
"မသိပါဘူး ။ မင်း ငါ့ကို မကျေနပ်လို့များ မဒီ့ကို တမင် ခေါ်လာတာလားလို့ "
မိုးသောက်ယံက ရွဲ့သလို ပြန်ပြောတော့ ရှိုင်းက မျက်မှောင်ကြုတ်သွားသည် ။
"မင်း ဘာတွေပြောနေတာလဲ ။ ငါ နဲ့ မဒီက အခုချိန်မှာ မိတ်ဆွေတွေပဲ ။ မင်း မိဘတွေနဲ့ ပြန်အဆင်ပြေမှပဲ ငါတို့နှစ်ယောက်ကိစ္စ ပြန်ဆွေးနွေးကြမှာ "
ရှိုင်း၏ စကားလုံးတွေက သူ့ရင်ထဲကို ဓားနှင့် အကြိမ်ကြိမ် ထိုးစိုက်နေသလိုပင် ။ ရှိုင်းကို အဆုံးရှုံးမခံနိုင်ဟု တွေးထားသော်လည်း သူနှင့် အတူရှိနေ၍ ရှိုင်း စိတ်အနှောင့်အယှက် ဖြစ်နေမှာလည်း စိုးရိမ်မိသည် ။ ထို့ကြောင့်....။
"ငါ့ကို စိတ်ပူဖို့မလိုဘူး ။ မင်းတို့ ဇာတ်လမ်း ပြန်ဆက်ချင် ဆက် ။ ငါ့ကို ဂရုမစိုက်နဲ့ "
မိုးသောက်ယံ ပြောပြီး ရှိုင်း၏ အရှေ့မှ ထွက်လာခဲ့သည် ။ ရင်ထဲမှာတော့ မွန်းကျပ်ပြီး နာကျင်လှသည် ။
သူ့အတွက်တော့ တစ်ဖတ်သတ် အချစ်ဆိုတာ အဆုံးမသတ်နိုင်သော စိတ်ဒဏ်ရာ တစ်ခုပင် ။ တမြေ့မြေ့နှင့် လှိုက်စားနေခဲ့သည် ။
*****************
သည်နေ့ ရှိုင်း အလုပ်ပိတ်ရက်မို့ မိုးသောက်ယံနှင့် အတူ တစ်နေရာသွားဖို့ ပြင်ထားသည် ။ အိပ်ပုတ်လေးကတော့ ကိုးနာရီကျော်သည်အထိ အိပ်ရာမထသေးပေ ။"ယံယံ ၊ ထတော့ "
မိုးသောက်ယံကို နှိုးလိုက်တော့ အိပ်မှုံစုံဖွားနှင့် ထလာသည် ။ ဆံပင်လေးတွေက ရှုပ်ပွနေပြီး အိပ်ချင်မူးတူး ရုပ်လေးက ချစ်စရာကောင်းတာကြောင့် ရှိုင်း ရယ်မိသွားသည် ။
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.